Yake 4:5 - Seysyo No Tao

⁵ Ji nyo akwan o kalas na no ciring do Seysyo a manci no kaji na mamyapyan nyaten no Seyzi amyan do onowned ta a mapatarek so iraralay ta.

Yake 4:5 Σταυροειδείς Αναφορές

Yowani 10:35

Tamo katenngan o kato na meyyonongan a jyablis no Ciriciring na ni Ama ta do to do Seysyo. Ipanci ni Ama ta do to o kakma dey tao do to no mahap so ciriciring na no kakwa pa.

Yowani 19:37

O asa ka ciring pa do Seysyo am, “Pacimatan da o nisobsob da tao.”

Yowani 7:42

Ta maniring do Seysyo am macikownongan ji Tawey o Misayya. Am mangay malikey do mina ili na ni Tawey a meyngaran so Podiheng.”

Nimlivolivon 7:9

Maniring pa si Setiven am, “Asa do anak ni Yakebo a meyngaran so Yoseyvo am nikeynanahet da no kakakteh na. Am ori o nipanazangan da nya do tao do Ayci. Am mina kapzat na jya ni Ama ta do to,

Loma 1:29

Yamakakaday o raraten do onowned da akman so mangagom, manginanahet, manwakwak so tao, mapatongtonggal, mangalalas a kano mangamaog no tao so ciring.

Loma 9:17

Maniring si Ama ta do to ji Valaw a domket do Seysyo am, “Ko imo pamnekan a panirsirngen. Mangay ko peydednahen jimo o peyoyaoyyan ko a kapakateneng da jya no tao so oyowyat ko a kapeylimwang na rana no ngaran ko do peycyamahamahatawan na.”

1 Kedinto 6:19

Nyo jyatenngi o na keyyan jinyo no Seyzi na ni Ama ta do to a nitoro na jinyo? So ikabeken a inyo no kataotao nyo.

2 Kedinto 6:16

Ji nyo peyzavoza o raralayan nyo ni Ama ta do to a kano malas a iraralay da no tao. Ta yaten o na yanan no to meyyonong a Tao do to. Akman so ipanci na do Seysyo. Ta maniring am, “Macikaop ko do omanoyong jyaken a tao a keyyan ko do onowned da. So abnekan da jyaken a Tao do to da. So ikanoyong da italamozong ko a tao.

Cyalatay 3:8

Nipaziman na rana ni Ama ta do to do Seysyo o kabnek na so beken a tao do Yotay a abo so raraten do tangain na, do kapeyhanhan da ni Ama ta do to. So nipazimanan na rana sya ji Apolahan so akman sang a Mapasaray a Ciriciring no kakwa pa. Maniring am, “Mamimin o tao do karawan a ipanta ko so aryarilaw ko, do mo kapeyhanhan nyaken.”

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.