Yake 2:5 - Seysyo No Tao

⁵ Amizngen nyo manga keypong an. Na nitenngan ni Ama ta do to sira o makasi a tao do karawan a makdeng so nakem a omraralay nya. So da ikanoyong a makahap so nakem na sira ni Ama ta do to a macikaop rana do italamozong na.

Yake 2:5 Σταυροειδείς Αναφορές

Matay 11:5

do yada kapakacita rana no nimavota tao. Da kapakalam rana no nimakasapa a tao. Yada kapya rana no niomlabyab so kolit a tao. Da kapakamizing rana no nimateleh a tao. Da kavyay rana no nimawakwak a tao. Da kapakamizing rana so Mapasaray a Ciriciring no ipangoyongoyod da a tao.

Matay 25:34

Karahan am maniring o panirsirngen do amyan do wanan na tao am, ‘Inyo rana yana nipanlanlag ni Ama am sijya kamo do italamozong na ni Ama ta do to, ta amoonen nyo o nakem na jinyo no kapangamaog na pa so karawan.

Matay 5:3

“O tao a omanoyong do kataotao da a ji makanet so nakenakem ji Ama ta do to am tey yapya sira. Ta macizanod sira do italamozong ni Ama ta do to.

Make 7:14

Lovoten ni Yeso o aro a tao do tangain na am maniring jira am, “Mamimin kamo a omamizing so ciring ko a kapakateneng nyo jya.

Locya 12:21

Pakavosen ni Yeso o ciring na am ipanci na o, “Sira rana o yamanokoz no kataotao da so peymeymasaodan da am beken a katenngan a tao do tangain ni Ama ta do to o akman sang a tao an.”

Locya 12:32

“Inyo rana a macilolo jyaken am ji kanyo anyahey an. Ta isaray na ni Ama ta do to o katalamozong na ninyo.

Locya 16:22

Mawakwak o ipangoyongoyod da tao ori am yangay da no tinsi do tangain ni Apolahan. Mawakwak o katenngan a tao ori am ibobo no tao.

Locya 16:25

Am maniring si Apolahan am, ‘Manganako, mo pa manakem no kapeyigegen mo do karawan asyo an, a to meypanpan do kanekanen mo an. Am si Lasalo am abo ipangakaday na do araraw. Am sicyaikwaya am yamyan rana do jya yamacikasaray jyamen, a imo am ka amlavi so onowned.

Locya 22:29

Am ori o torwan ko nya jinyo so na nitoro jyaken ni Ama oyowyat na.

Locya 6:20

Citahen na ni Yeso o macinanao jya am ipanci na jira, “Inyo rana a ipangoyongoyod da tao am rakorako rana o sarasaray nyo, ta inyo o italamozong na ni Ama ta do to an.

Yowani 7:48

Manngwa, yamyan so panipanirsirngen a kano tao a macyagom do Vadisay a yaomanod jya?

Nimlivolivon 7:2

Pasapan na ni Setiven am, “Manga maran, manga kakteh, amizngen nyo yaken an. No kakwa pa am nimapacita o mazway a si Ama ta do to ji Apolahan no keyyan na pa do Meysopotamiya a meypanam pa a meyvahay do Alan a ili.

Loma 8:17

No manoyong o kakma tey anak ni Ama ta do to am manoyong keyyan no itoro na jyaten no makwa. So ikakman ta sang a macikasaray do Anak na si Yeso Kizisto. Ta yaten rana am no macyanod ta do alalaw na ni Kizisto am macikazway ta do azwazway na.

1 Kedinto 2:9

Akman so ciring do Seysyo. Ta maniring am, “O nakem na ni Ama ta do to a itoro na do amraralay nya tao am ji da pa nimacita no mata da. Ji da pa nimamizing no cicilwan da. Ji da pa nimanakem no tao.”

2 Kedinto 4:15

Monganay jinyo o alalaw namen a ipakasidong namen jinyo a peypahagnaten so nakenakem ji Ama ta do to. So na ikanoyong no pangangarilawan na ni Ama ta do to a itoro na do aro a tao. Am ori o ikarwaro rana no tao a zomwazway si Ama ta do to a isaray da.

2 Kedinto 6:10

Tana yamyan so namen ilavi so onowned am yamyan so namen isaray so onowned. Tana namen makcin am cyaha, ta namen avyain o pahad no aro a tao. Tana yabo o peymeymasaodan namen do karawan am cyaha, ta abo kalahen namen a yamacikaop ji Ama ta do to.

2 Kedinto 8:9

Nyo na katenngan o pangangasyan ni Yeso Kizisto a Panirsirngen ta. Iya rana am abwata o kakzeben na an. Ta iya rana am tey meynakem do teyngato. Am na kapanadnad jyaten. So na ikakmey makasi a tao. Na apyapyahen pa o na katoda katawwan a yamapazanod jyaten do azwazway na do teyngato.

Ivoso 1:18

Ko mapasyasi ji Ama ta do to a omiwang do onowned nyo a kapakateneng nyo na do peypeypangayan no na panopan jinyo a kapanta na ninyo so to meyyonong a ikavyay no pahad nyo do teyngato. So ikatey rako na no aryarilaw na so omanoyong jya tao.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

1 Tesalonicya 2:12

a yajimtad a yamnanao jinyo a yamapait so onowned nyo a yamapadnadna so nakem nyo. So ikanoyong nyo a isaray na ni Ama ta do to. Na nipamnekan inyo a macizanod do oyowyat na kano azwazway na.

2 Tesalonicya 1:5

So ikanoyong na no akman so sya a yongkad na no kaji na oyyan ninyo ni Ama ta do to. Ta o nakenakem na jinyo am macikasaray kamo jya do kanoyong nyo rana macikaop do italamozong na ni Ama ta do to.

1 Timotay 6:18

So pancyan mo nira mapeyvazay so apya vazay, kazonos da a manidong so icyatatao da.

2 Timotay 4:18

So ikanoyong na ni Ama ta do to a mahap jyaken a komaro do kanginanawan ko do maciocioya jyaken a tao, mangay no si ahapen na rana yaken do teyngato. Inaoy no to meyyonong o kazwazway ta si Ama ta do to. Amin.

2 Timotay 4:8

Am ori o na iyan no azaw ko apo ji Ama ta do to. Ta si mai rana o yamapeyyangangay a mapacici a Panirsirngen ta am itoro na rana jyaken. Am beken a yaken o torwan na nya. Ta itoro na ori do tao a amraralay nya kano somaray a amnanala sya a mai do teyrahem.

Sipolay 11:26

Apyapyahen na pa o kapeyrarahet na mahap so vazay no Misayya. So nilikodan na do aro a peymeymasaodan da no tao do Ayci a pamoonen da jya. Ta anoyngan na o kapyapya na pa no peymeymasaodan ni Ama ta do to a itoro na jya.

Yake 1:12

No amyan so alalaw a kajyablisan so nakenakem ji Ama ta do to am tey masaray o akman sang a tao. Ta no jyablis o nakem na am mahap na o to meyyonong a ikavyay no pahad na a nakem na sira ni Ama ta do to so amraralay nya tao.

Yake 1:16

Manga kakteh, naknakmen nyo an.

Yake 1:19

Manga kakteh, no mangamizing kamo so ciring no tao am taosya o kato nyo maciogtwan do ciring da jinyo. Ji kamo to meyoyaoya.

Yake 1:9

Tana abo o peymeymasaodan no manaralay a tao am somaray, ta sidongen na ni Ama ta do to.

1 Pite 1:4

So tamo ikanoyong a yaomamoon so peymeymasaodan na ni Ama ta do to a omanoyong jya tao. To meyyonong o itoro na jinyo do teyngato ni Ama ta do to.

2 Pite 1:11

a macikaop rana do to meyyonong a italamozong na ni Yeso Kizisto a Panirsirngen ta a mapatazadang jyaten do teyngato.

Ipaziman 2:9

Ko inyo katenngan so alalaw a yamavak so velek. Am inyo rana am kamo ney mabsoy na. Ko inyo katenngan a yada tamwaden no yamanci no ka tao da do Yotay. Am sira rana ori am beken a tao do Yotay, ta sira rana am akmey kalavongan ni Satan.

Ipaziman 21:7

O ji nimablis so onowned a tao am ori o apya amyop sya. O icyakman na sang am abneken da yaken a Tao do to da a kabnek ko sira anak ko.

Ipaziman 3:18

Am ori o ko pancyan ninyo a manazang jyaken so ovay a keynakem nyo na, a kapanazang nyo so malavang a ayob nyo a payoben nyo do kataotao nyo kaji nyo a nasnekan, a kapanazang nyo so kosozi a ilinas nyo do mata nyo a kapakacita nyo na.