Veydipi 4:11 - Seysyo No Tao

¹¹ O ko peycirngan so sang am beken a nyo kaji mapanadnadan jyaken. Ta ko rana mapeyneynara no abo o amyan do kataotao.

Veydipi 4:11 Σταυροειδείς Αναφορές

Locya 3:14

Maniring jya o itaysang no Loma am, “Makongo namen so wanjin.” Maniring jira si Yowani am, “Ji kanyo mangap so nizpi no tao an. Ji kanyo manlita an. Ikabsoy nyo rana o ipanizpi da jinyo an.”

2 Kedinto 11:27

Jingwan sang am masangib ko a ji makaitkeh do katey mazikna ko no kataotao. No makcin ko, mawaw ko, abo isanan ko, mahen ko am akman sira sang o ikarahet ko.

2 Kedinto 6:10

Tana yamyan so namen ilavi so onowned am yamyan so namen isaray so onowned. Tana namen makcin am cyaha, ta namen avyain o pahad no aro a tao. Tana yabo o peymeymasaodan namen do karawan am cyaha, ta abo kalahen namen a yamacikaop ji Ama ta do to.

2 Kedinto 8:9

Nyo na katenngan o pangangasyan ni Yeso Kizisto a Panirsirngen ta. Iya rana am abwata o kakzeben na an. Ta iya rana am tey meynakem do teyngato. Am na kapanadnad jyaten. So na ikakmey makasi a tao. Na apyapyahen pa o na katoda katawwan a yamapazanod jyaten do azwazway na do teyngato.

2 Kedinto 9:8

Ta arakorako pa o itoro na jinyo ni Ama ta do to. So ikanoyong nyo to meypanpan do kanekanen nyo a manidong so ikeykasi nyo a tao.

Veydipi 3:8

Beken a ori an. Ta yamaharahara rana o nakem ko ji Yeso Kizisto sicyararalay ko na nya. Yako ipanci o makakaday a vazay a yabwata so angangayan, do yako kapyapya pa so ko kapakateneng ji Kizisto a Panirsirngen ko.

Sipolay 10:34

Akma kamoy to macizanod so alalaw do paneban da tao. No katakaw da so kangangay nyo a nyahap no tao am mina to nyo peykabobwa do onowned nyo. Ta katenngan nyo o kapakahap nyo so apyapya pa a peymeymasaodan nyo do teyngato.