Veydipi 3:18 - Seysyo No Tao

¹⁸ Beken a ko ipisa inyo a yavavagan. So ko to lavii a yamapamizing jinyo an. O icicirawat da no aro a tao am yamacisala ji Kizisto a nimawakwak do jyojika. So da ikanoyong a akmey mapeykavosoyan si Yeso.

Veydipi 3:18 Σταυροειδείς Αναφορές

Locya 19:41

Toda ji makaranes do Yelosaleng am macita na o ili. Am ori o nilavyan na do tao do dang.

Nimlivolivon 20:19

Ko ji pahamaha o nakenakem ko do ko kahap so vazay na ni Ama ta do to. Tana peyrarehten da yaken no tao do Yotay, tana kalahen da yaken a zakaten am ji ko a mamman. O kapeyvazay ko so vazay ni Ama ta do to.

Loma 9:2

Ko to naknakma sira o kasina no inawan ko a Isedi a tao a yapa ji nganoyong ji Yeso Kizisto. So yako ikarahet no aktokto a yameyngen so onowned.

1 Kedinto 1:18

O ipeylimwang a jyojika ni Yeso Kizisto am abo o peypeypangayan na do ji manganoyong a tao. Am yaten a na patazadangen do teyngato ni Ama ta do to am tey rako ori a oyowyat na ni Ama ta do to.

1 Kedinto 6:9

Manngwa, nyo jyatenngi o kaji da macikaopan no makwa do italamozong na ni Ama ta do to no meyraraten a tao an? Ji nyo ngalalasi o kataotao nyo an. Ta o mapeyzavozavoz so tao na, manaralay so malas a iraralay, mangzakza so icyatatao, mangzakza so kehngehngay no kolit,

2 Kedinto 11:13

Sira rana mangalalas a tao am beken a meyngongyod sira a lamlamsoy ni Kizisto. Ta sira ji macipayok so icicirawat.

2 Kedinto 11:29

Ta sino ji ko ingenen no onowned a malma so onowned. Sino ji ko a zababan so onowned a meyraraten a tao.

2 Kedinto 2:4

To ko meykaoo a meyngen so onowned no kapeyteygami ko ninyo. Am beken a irahet ko so onowned nyo, ta ipakateneng nyo jyaken a tey marilaw ninyo.

Cyalatay 1:7

Am to ko na mancyan jinyo am abo o ikadwa na no Mapasaray a Ciriciring na ni Ama ta do to. Am da kapeykawaw jinyo no tao a komaro do manoyong a nanao ni Yeso Kizisto.

Cyalatay 2:14

Macita ko o iwawalam da a macisala do Mapasaray a Ciriciring na ni Ama ta do to am maniring ko ji Pite do tangain da no aro a tao am, “Imo am tao do Yotay ka. Am iwawalam mo am beken a tao do Yotay a yaji mangozay do adan a iwawalam ta a tao do Yotay. Ikeykongo ka yamgacigat do beken a tao do Yotay a mangozay do iwawalam da no tao do Yotay.

Cyalatay 2:21

Ko ji zazaci o pangangasyan na ni Ama ta do to. No si iwawalam na ni Moyse o abnekan na jyaken ni Ama ta do to a abo rana so raraten do tangain na am manngwa, abo saon o peypeypangayan no na kanimawakwak ni Kizisto am.”

Cyalatay 5:21

manginanahet a kano mayoyopen so saki a kano makakaday pa a ikarahet no tao a vazay. Oya rana am nipaziman ko na jinyo no kakwa. Am yako olin pa ipanci jinyo. Ta o mapeyvazay so akman sang a tao am ji macilovot do italamozong na ni Ama ta do to.

Cyalatay 6:12

Sira rana mapazway so kataotao da a yamanci ninyo a amyongkad do kataotao nyo am o da ikakman sang am ikanyahey da sira o mapakakasi sira no mangnanao sira no jyojika na ni Kizisto. Ta makanet rana ori a mapatazadang jyaten do teyngato.

Cyalatay 6:14

Am yaken rana am yabo ikadwa na no yako pazwain, ta si Yeso Kizisto a Panirsirngen ta o yako pazwain a yanimawakwak nyaten do jyojika. O peypeypangayan no jyojika jyaken am yanimavonas rana o marahet a nakenakem ko. O peypeypangayan no nang am yako na nimamlis.

Ivoso 4:17

Ko pangozayan o ngaran ni Yeso Kizisto a Panirsirngen ta a yamvavaga jinyo. Ji nyo nginara o icicirawat da no yaji manaralay a tao, ta o nakenakem da nira am yabo na peypeypangayan.

Veydipi 1:4

Yako masaray so onowned a meynozi ninyo.

1 Tesalonicya 4:6

O akman rana sya vazay am taosya o kapasala nyo do akma nyoy kakteh do cinai an. Ta mangay o kaoya na no meyvazay so marahet a vazay ni Ama ta do to. Ori rana am nipaziman namen rana jinyo.

2 Tesalonicya 3:11

O peycirngan namen so akman sang am nimamizing namen o tatasa jinyo a to meyyowyaw a abo so vazavazay a kapanazovaz so icyatatao da.

2 Pite 2:10

Tarek pa sira o to mangozangozay do onowned da a ji mapanadnad so oyowyat ni Ama ta do to. Ta jyabo kaji nakdekdengan pa no pasingsingtan na jira. Pahamahen da o nakem da no malas so ipangnanao a tao a ji mapanadnad so tinsi na ni Ama ta do to.

Yota 1:13

Sira akman so otab no awa yarana todapengkad so raraten. Sira akman so ananayo a jyatenngi so angayan. Am o angayan na nira ni Ama ta do to am to meyyonong a kasarisaryan.