Veydipi 2:17 - Seysyo No Tao

¹⁷ O raralayan nyo ni Ama ta do to am akmey nakem nyo a patanangen nyo jya. Tana wakwaken da rana yaken a pavoyogen so rala am cyaha, ta akmey nakem ko rana ori a patanangen ko ji Ama ta do to. So ko isaray, ta macizanod kamo jyaken a somaray.

Veydipi 2:17 Σταυροειδείς Αναφορές

Nimlivolivon 20:24

Am ko jyalawan o inawan ko. Ta ko kakakzeb so kakavos na no vazay ko a na nitoro jyaken ni Yeso Kizisto a Panirsirngen ta. So peylimwangan ko no Mapasaray a Ciriciring na ni Ama ta do to a omagaz do pangangarilawan na.

Nimlivolivon 21:13

Am maniring si Pawlo am, “Ikongo nyo lavyan jyaken a ko ikarahet no onowned. Cyaha, ta ko ahapen o vazay ni Yeso a Panirsirngen ta. Tana vaoden da yaken do Yelosaleng a mawakwak do dang am cyaha, ta nakenakem ko an.”

Loma 12:1

Manga kakteh, ko vavagan inyo an. Ta yatey rako na kasyan nyaten ni Ama ta do to. Am ori o torwan nyo no kataotao nyo a italamozong na a komaro do raraten nyo. Ta ori sarayan na ninyo ni Ama ta do to a meyngongyod so onowned a amraralay nya.

2 Kedinto 12:15

Ko ikakza inyo a sidongen an. So ikapyapya na pa no kangay no inawan ko a kapakasidong ko so pahad nyo. Manngwa, ipeyparahet nyo so nakem jyaken o karilaw ko ninyo?

2 Kedinto 4:12

Tana masangib namen a toda jyangangay so inawan am cyaha, ta ipakasidong namen jinyo a makahap so to meyyonong a ikavyay no pahad nyo.

2 Kedinto 6:10

Tana yamyan so namen ilavi so onowned am yamyan so namen isaray so onowned. Tana namen makcin am cyaha, ta namen avyain o pahad no aro a tao. Tana yabo o peymeymasaodan namen do karawan am cyaha, ta abo kalahen namen a yamacikaop ji Ama ta do to.

2 Kedinto 7:4

Yako ipeyhanhan inyo. Yako azwain inyo. Tana amyan so aro a alalaw ko am ko jyanyaheyan. Ta yako ipeyhanhan inyo a mapadnadna so nakem ko.

Veydipi 1:20

Ko ipeyhanhan si Ama ta do to a somidong jyaken a mapeyvazay so isaray na vazay. Tana sicyaikwaya kano kakwa am meyyangay o kaji ko anyaheyan. Tana mavyay ko a tana mawakwak ko am jyabo kaji ko azwazwayan si Kizisto do kataotao ko a.

Veydipi 2:18

Akman kamo sang an. No somaray kamo am manakem nyo yaken a macizanod jinyo a somaray an.

Veydipi 2:30

Ta na kajyawakwakan rana, do yana kahap so vazay ni Kizisto a kano vazay nyo a yasomidong jyaken.

Veydipi 4:18

O nyo nyazaw jyaken a apzapzatan am ko na nimamimin a yanimahap. So ko to meypanpani jya. Si Ipaloti a akma tey kakteh am ori o yanimai no aro a azaw ko. So na sarayan nya ni Ama ta do to so akma nyoy nakem jya.

Kelosi 1:24

Tana tey rako o alalaw ko sicyaikwaya am cyaha, ta o akman rana sang am ipakasidong ko jinyo a meypahagnat so nakenakem a omraralay ni Yeso. Am ori o ko isaray, ta ipakasidong ko so omraralay ni Yeso Kizisto a tao. Ta nimakman sang si Yeso Kizisto a nimawakwak no omraralay nya tao.

1 Tesalonicya 2:8

Namen hapen do namen karilaw ninyo. Ori o namen sarayan no kapeylimwang namen nya jinyo no yanimapo ji Ama ta do to a Mapasaray a Ciriciring na. Mangay do inawan namen o namen ji beywani jinyo. Ta inyo rana am namen tey kaglaw.

2 Timotay 4:6

Yaken rana am yako rana makeykai a mangay ji Ama ta do to. So ikanoyong ko rana a na ahapen ni Ama ta do to do teyngato.

1 Pite 2:5

Inyo rana a tao a na yanan no to meyyonong a ikavyay no pahad nyo am itoro nyo o kataotao nyo ji Ama ta do to. So icyakma nyoy vato a ipatnek na so panaralayan. So nyo icyakmey mapatanatanang so nakem ji Ama ta do to. Am o patanangen nyo am sarasaray nyo. So sarayan na nya jinyo ni Ama ta do to so akman sang a nakem nyo sya, ta kamo na macikaop ji Yeso Kizisto a na rana yanan no Seyzi.

1 Yowani 3:16

O ta ipakateneng do pangangarilawan na ni Ama ta do to am si Kizisto nitomoro no inawan na jyaten. Am ori o ikasaray ta manidong so tao. Tana mangay rana o inawan ta do panidongan ta so akma tey kakteh do cinai am cyaha. Apya akman sang.