Veydipi 1:10 - Seysyo No Tao

¹⁰ So ipakateneng nyo rana do ney yapiya na vazay. No si makman kamo sang am manoyong kamo na a ji meylimoteng so onowned a abo so karatan do araraw no ipirwa na mai ni Kizisto.

Veydipi 1:10 Σταυροειδείς Αναφορές

Matay 16:23

Meyvazingowngaw si Yeso am maniring ji Pite am, “Kazey mo Satan. Ta mo zazatan o ko pangonongan. Ta o nakenakem mo am beken a nakenakem ni Ama ta do to. Ta monganay do tao.”

Matay 26:33

Maniring si Pite ji Yeso am, “Tana peymakarwan da imo no karwan no tao am jyabo kakaro ko jimo a.”

Yowani 1:47

Macita ni Yeso si Natannay mangay jya am maniring jya am, “Yameysinogat ori a Isedi a tao. Yabo do onowned na o yamalahet.”

Yowani 3:20

O meyraraten a tao am ikaoya da o mazngang. Am ori o ji da macisngeni do kazngangan, ta ikanyahey da o kapakateneng da jira meyraraten.

Nimlivolivon 24:16

Am ori o ko ikakdekdeng a mahap so yapiya vazay do tangain ni Ama ta do to a kado tangain no tao.

Loma 12:2

Ji nyo to panwanoda o kataotao nyo do yamarahet so yahahapan sya tao do karawan. Ta apyapya pa o kablis na so onowned nyo ni Ama ta do to. Ta ori o ipakateneng nyo do apya nakenakem na jinyo ni Ama ta do to a kano isaray ni Ama ta do to a vazay.

Loma 12:9

Beken a hapet no onowned o ipangarilaw so tao. Ji nyo akzan o marahet a vazay, ta o kahap nyo so apiya vazay.

Loma 16:17

Manga kakteh, o ko ivavaga jinyo am azimanen nyo sira o mangamaog so ciring a ipeyvwak da jinyo a iraherahet da so nakenakem da no amraralay ni Ama ta do to. Azimanen nyo sira o amlikolikod do manoyong a nanao a nimamizing nyo. Ta o akman rana sang a tao am ji nyo macikasngeni sira.

Loma 2:18

Nyo katenngan o apya kano marahet, ta yamyan jinyo o iwawalam na ni Ama ta do to.

Loma 7:16

Ko anoyngan o iwawalam na ni Moyse a manci nyaken a ji meyraraten. Am ko jyapakongo kataotao ko, ta ko meyraraten.

Loma 7:22

Am o na ikakza no onowned ko am vazay na ni Ama ta do to.

Loma 8:7

O to mangozay do malas a onowned na tao am akma ney kavosoyan si Ama ta do to. Ta ji na ngonoci o iwawalam na ni Ama ta do to.

1 Kedinto 1:8

Jyabo kaji na ngoyatan jinyo ni Yeso a. So ikanoyong nyo na abo rana so karatan do tangain na, no si mai si Yeso Kizisto a Panirsirngen ta.

1 Kedinto 10:32

Am ori an, ji nyo mamyapyai no kapacinara da jinyo a meyraraten no tao do Yotay a kano beken a tao do Yotay a kano tao do peycyakyokyokayan na.

1 Kedinto 8:13

Am ori o no si ikarahet da o kanen ko no akma koy kakteh do cinai am ji ko na nganna o akman sang a kanen mangay no makwa. Ta maraherahet o kapacinara da jyaken no akma koy kakteh do cinai a marahet nya so onowned.

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

2 Kedinto 2:17

Namen jyakman so aro a tao a yamacininizpi no nanao ni Ama ta do to. Ta namen meyngongyod a nipamnekan ni Ama ta do to a yameylimwang no ciriciring na. So namen ikanoyong a yaji mangalalas so ciring a lamlamsoy na ni Kizisto.

2 Kedinto 6:3

Namen ji mapeyvazay so marahet a vazay a tamwadan da jyamen no tao. Inaoy no si ji namen meyvazay so marahet a vazay a ikazazat do tao a omonot ji Ama ta do to.

2 Kedinto 8:8

Am beken a ko gacigatan inyo a mapeyvazay sya. Ta ko ipaziman jinyo o kakdekdeng da no sinjya do Maciton a somkad do kanoyong na kalas na no pangangarilawan nyo so icyatatao nyo.

Cyalatay 5:11

No si ipeylimwang ko o kayongkad do kataotao am ikongo da rehrehtan jyaken. O da rehrehtan jyaken am ko ipeylimwang o jyojika ni Kizisto. Am ori o da oyyan nyaken no ji raralay ni Yeso.

Ivoso 4:15

Ji ta mangononong so malas. Ta pangozayan ta o pangangarilawan a macisirsiring do icyatatao ta. Ta ori o ipeypahagnat ta so onowned a ominara si Kizisto a yameymatmatngeh nyaten.

Ivoso 5:10

Naknakmen nyo o kahap nyo so apiya vazay a isaray na ni Yeso Kizisto a Panirsirngen ta. Ta ori o ahapen nyo.

Ivoso 5:27

O peypeypangayan no vazay na ni Kizisto am isaray na yaten a tey yapya a abwata so karatan do tangain na ni Ama ta do to.

Ivoso 6:24

Inaoy no si itoro na ni Ama ta do to o pangangarilawan na jinyo a yajyahayo a yamraralay ni Yeso Kizisto a Panirsirngen ta.

Veydipi 1:16

Sira rana ya am sira mamimin a yamarilaw nyaken a yamakateneng jyaken a yana nipamnekan ni Ama ta do to a yamacinekanekad no Mapasaray a Ciriciring na.

Veydipi 1:6

Ko anoyngan o na kapeyvazay do onowned nyo ni Ama ta do to icyakma ney kanapnapan a ovid. Jyabo kakavos no nya vazay na jinyo a mangay no si komavos o akman sya no si ipirwa pa mai si Yeso Kizisto.

Veydipi 2:16

a kapakateneng da do ciriciring na ni Ama ta do to a manta nira so to meyyonong a ikavyay no pahad da. Ta no si akman kamo sang am amyan rana so kakownongan no zikzikna ko jinyo no si marateng o araraw no yai na ni Kizisto.

1 Tesalonicya 3:13

Am ori o ikanoyong na ni Ama ta do to a mapakdeng so nakenakem nyo a omraralay nya. Ta no si meygegcin si Yeso a Panirsirngen ta kano niomraralay nya tao am manoyong kamo do tangain na ni Ama ta do to a ji meylimoteng so onowned a abo so karatan.

1 Tesalonicya 5:21

Am pakanaknakmen nyo o nimamizing nyo a nanao da jinyo a kownot nyo do manoyong a nanao an.

1 Tesalonicya 5:23

Ko ipeynozi inyo ji Ama ta do to a yamanta ninyo so apiya nakenakem nyo a kapzat na do onowned nyo a kano pahad nyo a kano kataotao nyo. So ikanoyong na amzat jinyo a kabo no karatan nyo a mangay do ikeypirwa na mai ni Yeso Kizisto a Panirsirngen ta.

1 Yowani 4:1

Inyo rana manga keypong am ji nyo to peyzangkapa sira anoyngan o manci no keyyan na jira no Seyzi. Ta ileylamdamen nyo o kanoyong na, kalas na no ipanci da Seyzi a apo ji Ama ta do to. Ta yaro sira o yamangalalas no nanao da a tao.

Ipaziman 2:2

Ko katenngan o nyo kasasaodan. Kamo mowyat a yameyvazay a yaji macizizikna do alalaw nyo. Ko katenngan inyo a yamapengkad so meyraraten a tao a amlivolivon no yamacitarek a ciriciring na ni Ama ta do to. So yanyo ipakateneng do malas a tao.