Sipolay 9:24 - Seysyo No Tao

²⁴ Jya nisomdep si Yeso do nyamaog no tao a akmey sarwap a panaralayan. Ta o nyamaog no tao am ji meyngongyod ori. Si Kizisto rana am yarana myan do teyngato a mapasyasi nyaten do tangain ni Ama ta do to.

Sipolay 9:24 Σταυροειδείς Αναφορές

Matay 18:10

“Makapzat kamo. Ji nyo ngolala sira o pakananaken da tao. To ko na macitangayan jinyo am o tinsi a yasomidong sira am yamyan sira do tangain ni Ama ta do to do teyngato.

Make 14:58

“Namen nimamizing ori a yanimanci no yana kakavakava so yanyamaog no lima no tao a rako a panaralayan. Si katlo araw am mapatnek so asa ka panaralayan a jya nyamaog no lima no tao.”

Make 16:19

Teyka na ni Yeso o aro a ciring a ipanci jira am meycyakavat rana mangay do teyngato a omlisna do wanan na ni Ama ta do to,

Locya 24:51

Ipanlanlag na sira am karwan na rana sira a meycyakavat a mangay do teyngato.

Yowani 16:28

Ko apo ji Ama ta do to a yanimai do teyrahem. Sicyaikwa rana ya am ko na karwan o karawan a yamangay rana ji Ama ta do to.”

Yowani 6:62

Mangay kapeyzokab nyo nyaken si macita nyo yaken a Nipamnekan na ni Ama ta do to a tao a meysinaoli do teyngato.

Nimlivolivon 3:21

Am to ngyan pa do teyngato si Yeso a mangay no si yavaywen ni Ama ta do to o makakaday amyan do teyrahem eya. Ta oya rana am nipanci ni Ama ta do to no kakwa pa do panoyonoywan na so ciring na.

Loma 8:33

Sino o amraherahet jyaten a nipamnekan na ni Ama ta do to. Ta yaten rana am na rana nibnek yaten a abo so raraten do tangain na.

2 Kedinto 5:1

Tamo katenngan o na kakmey vahay no kataotao ta do karawan eya a mababalinas. Am no makwa am ipanta na yaten so asa ka vayo a kataotao ta do teyngato ni Ama ta do to. Am beken a nyamaog no tao, ta nyamaog ni Ama ta do to. Am ori o to na meyyonongi.

Kelosi 3:2

Makowyowyat kamo a amnakenakem so vazay do teyngato. So ikabeken a vazay do teyrahem no naknakmen nyo.

Sipolay 1:3

Yatomwaw jya o azwazway ni Ama ta do to. Iya rana am akma ney kataotao ni Ama ta do to. Na kalopkopen no oyowyat no ciring na o makakaday do karawan. Nikawakwak na o raraten no tao a kangay na rana do teyngato amlisna do wanan ni Ama ta do to a meypanirsirngen.

Sipolay 12:2

To ta peyyononga a peyyanen do onowned ta si Yeso Kizisto. Ta iya rana am nimapapo so kapeyhanhan ta ni Ama ta do to. So ika iya na no mapeynyangavosan syaha. Ji na nikamama o jyojika do tangain na. To na nazibwan o peyleylakan da sya a wakwaken do jyojika. Ta katenngan na o kapeyvoga no sarasaray na no makwa. So na rana ilisna do wanan na ni Ama ta do to sicyaikwaya.

Sipolay 4:14

Am ori o pangozayan ta do nakem ta yamraralay ni Ama ta do to. Ta yata ipeyhanhan si Yeso a ney manhama na mapatanatanang nyaten so nakem ta ji Ama ta do to. Iya rana am Anak ni Ama ta do to a yarana myan do tangain ni Ama ta do to.

Sipolay 6:20

Si Yeso am yarana nimanmanma a nimangay do tangain ni Ama ta do to a mapasyasi nyaten. So ikanoyong na ney manhama na mapatanatanang nyaten so nakem ta ji Ama ta do to a mangay do kaidan no karawan, akman si Mocisete.

Sipolay 8:2

Iya rana am yamyan do yamanoyong a raralayan ni Ama ta do to do teyngato a mapasyasi nyaten ji Ama ta do to. Am o yana yanan am beken a nyamaog no tao, ta nyamaog ni Ama ta do to.

Sipolay 8:5

O vazay na no mapatanatanang so nakem no tao ji Ama ta do to do teyrahem am akmey avwavong no meyngongyod a vazay do teyngato. Ta ninara da o vazay do panaralayan do teyngato. O ipakateneng ta do akman sang am yamyan do Seysyo o nipanci na ni Ama ta do to ji Moyse no kapangamaog na so raralayan da ni Ama ta do to. Maniring jya si Ama ta do to am, “Naknakmen mo an. Ta to mo peynara o panaralayan a nipacita ko jimo do tokon so kamamaogan a paringen.”

Sipolay 9:1

O manmanma a pangozayan a ciring na ni Ama ta do to am domket dang o katwatontonan no raralayan da ni Ama ta do to a kano nipatnek da no tao a vahay a raralayan da nya.

Sipolay 9:23

Kakwakwan no panaralayan do teyrahem a yaominara sya do teyngato a yamangap so rala no kagling a kano baka a ipanvoga so tao. Ney manngo rana o panaralayan do teyngato. Jyabo kaji nakdekdengan pa no rala ni Yeso Kizisto do teyngato a ipanvoga na so tao ni Ama ta do to a.

Sipolay 9:9

O peypeypangayan no yanimalavat ta makakaday a vazay ori am ipakateneng ta do kaji na makanetan no patanangen da kagling a kano baka ji Ama ta do to a ivonas so raraten no tao.

1 Pite 3:22

Yana myan si Yeso Kizisto do teyngato a yamlisna do wanan ni Ama ta do to a yatomalamozong no tinsi. So ji da makapeysopoi do oyowyat ni Kizisto no makakaday do teyngato.

Ipaziman 8:3

O asa ka tinsi am mai a meypinan so vowawan a yanan no mahangno a haneng a meytatanek do patanatanangan so nakem. So ikaro no mahangno a haneng a nitoro da jya a kapazanod na so inozi no sinjya patanangen do vowawan a patanatanangan so nakem do sazapen no lilisnan.