Sipolay 11:35 - Seysyo No Tao

³⁵ O tatasa a mavavakes am mina to mirwa a mavyay o nimawakwak a makaop do asa ka vahay da, do kapeyhanhan da ni Ama ta do to. O tatasa ka tao am apyapyahen da pa o kaneb da jira kapakakasi da sira wakwaken, do kahap da so kapanganoyong da a meyhanhan ni Ama ta do to. Ta katenngan da o kapirwa da mavyay no makwa.

Sipolay 11:35 Σταυροειδείς Αναφορές

Matay 22:30

No marateng o araraw no ikeypirwa mavyay no tao am meyyangay rana sira kano tinsi do teyngato a ji macivahavahay.

Make 12:25

No si mirwa a mavyay o tao a apo do heseb da am akman sira so tinsi do teyngato a ji macivahavahay.

Locya 14:14

Ta ori o ikapya mo, ta sira rana ori am abo patoplis da jimo. No mirwa a mavyay o pipya so nakenakem am patoplisan na ni Ama ta do to.”

Locya 20:36

Ta akman sira so tinsi do yanan ni Ama ta do to a jyawakwak rana. Anak na sira ni Ama ta do to, ta nipeyvangon na sira.

Yowani 5:29

a kapeyvangon da do heseb da. O apya so mina vazay no kamavyay da pa am mavyay sira a kapacitovong da rana ji Ama ta do to do teyngato. O nimeyraraten no kamavyay da pa am peyvangonen ko sira kapanci ko no raraten da.

Nimlivolivon 22:29

Mamizing da no omvovo ji Pawlo a bakbakan am mina to da rana ngaroi. So nikalaw na no panirsirngen da no itaysang, ta katenngan na si Pawlo a tao do Loma a todey vaoda.

Nimlivolivon 23:6

To na rana tenngi ni Pawlo o kapeypinpin da no tao a macyagom do Satokay a kano macyagom do Vadisay. Am ori o nilolos na do peykeykaygyan da. Maniring am, “Manga kakteh, yaken rana am ko macyagom do Vadisay. O ineynapo ko am macyagom do Vadisay. O nyo pacicyan jyaken sicyaraw eya am ko kanoyong do keypirwa mavyay no nimawakwak a tao an.”

Nimlivolivon 24:15

Ko akman sira yaomanoyong do keypirwa da mavyay no nimawakwak rana tao, tana marahet a tana yapya so vazay a tao am to sira meyyangangay a mirwa mavyay.

Nimlivolivon 4:19

Am maniring si Pite a kani Yowani am, “Do tangain ni Ama ta do to am amizngen namen o ciring nyo an? Ano amizngen namen o ciring ni Ama ta do to. Naknakmen nyo pala.

Nimlivolivon 9:41

Am ori o nyalakan na so lima na ni Pite a patanken a kapanci na no aro a vao a mavakes a kano karwan da omraralay ni Yeso a somdep rana. So nipakacittan da rana si Tapitay a nimirwa a mavyay.

1 Kedinto 15:54

No mateyka rana ori am ori o ipangononong na rana no ciring do Seysyo. Ta maniring am, “Na rana nibalinas o kawakwak no tao. So ikabo na rana no tao a mawakwak.”

Veydipi 3:11

Inaoy no si akman ko sang a mavyay a apo do heseb ko no makwa.