Sipolay 10:38 - Seysyo No Tao

³⁸ O tao rana a omonot do nakenakem ko am mahap da o to meyyonong a ikavyay no pahad da do kanoyong da jyaken. Am o omlikod jyaken a tao am ji ko nakzan o akman sang.’ ”

Sipolay 10:38 Σταυροειδείς Αναφορές

Matay 12:18

“Cita kamo, ta iya rana am ko nipamnekan a lamlamsoy ko. So ko kaglawan nya. Ko sarayan nya. Itoro ko jya o Seyzi ko. Ipeylimwang na do tao o kapatazadang ko sira do teyngato.

Matay 13:21

Am ikongo do ji makayamot do onowned na, am no masazi na o alalaw na kano peyrarehtan da sya do kahap na so nanao ni Ama ta do to am makeykai a mablis o onowned na.

Loma 1:17

Ta o Mapasaray a Ciriciring na ni Ama ta do to o ipakateneng ta do kabnek na jyaten ni Ama ta do to a abo so raraten do tangain na. O yapwan na no nya am amyapo do kapeyhanhan ta nya. Ta maniring do Seysyo am, “O tao rana a abneken na ni Ama ta do to a abo so raraten do tangain na am mahap da o to meyyonong a ikavyay no pahad da.”

Cyalatay 3:11

Ori o ikanoyong no kabo no asa ka tao a abneken na ni Ama ta do to a abo so raraten do tangain na a mangozay do iwawalam ni Moyse. Ta o ciring do Seysyo am, “O meyhanhan ni Ama ta do to a tao o abneken na abo so raraten do tangain na. So ikanoyong na rana makahap so to meyyonong a ikavyay no pahad na.”

1 Tesalonicya 2:15

Sira rana tao do Yotay am niwakwak da si Yeso a Panirsirngen ta kano aro a panoyonoywan na so ciring ni Ama ta do to a da kavozwaw pa jyamehen. So da ikanoyong a yameyraraten do tangain na ni Ama ta do to. So icyakma dey kavosoyan no tao do karawan.

Sipolay 10:39

Jyabo kapya ta so kapeydedna na jyaten no peyoyaoyyan na ni Ama ta do to, do kalikod ta jya. Ta yaten rana am ta anoyngan o kapatazadang na jyaten ni Ama ta do to do teyngato.

Yake 5:6

Nyo pananakawen sira o yamakasi a tao. Nyo kawakwak pa siraha, do da kabo no oyowyat a yamapatonggal jinyo.

1 Yowani 2:19

Sira rana omalalas ji Kizisto a tao am sya ji meyngongyod ori a omraralay ni Kizisto. Am ori o da rana ji macilovoci jyaten. O manoyong a omraralay ni Kizisto am macikaop sira jyaten. Am sya ji macikaop jyaten sicyaikwaya. Am ori o ta ipakateneng jira omalalas ji Kizisto.