Nimlivolivon 9:1 - Seysyo No Tao

¹ No kanang rana am ji namtadan ni Sawlo o kalalaw na so omraralay ni Yeso a tao a zakaten. Am ori o nyangay na do rako a panirsirngen no mapatanatanang so nakem da si Ama ta do to,

Nimlivolivon 9:1 Σταυροειδείς Αναφορές

Nimlivolivon 7:58

kalolo da sya a yangay do asked no ili da kabhebhes da jya, kazakat na rana. O nitorwan da so nizpi a tao a mangamaog so karatan na ni Setiven am nitoro da o talili da do asa ka malavayo a tao a meyngaran si Sawlo a citahen na a kapacyangay da a ombhebhes jya.

1 Kedinto 15:9

Ta ney marahet ko na jira nipamnekan na ni Yeso a amlivolivon no ciriciring na. So ikanoyong ko a ji na abneka ni Yeso a lamlamsoy na, ta niraherahet ko o kyokay na ni Ama ta do to.

Cyalatay 1:13

Nyo katenngan o iwawalam ko no kapacibedbed ko pa do anodan namen a tao do Yotay. Ta tey makdeng ko a mapakakasi so amraralay ni Yeso Kizisto a tao. Naknakmen ko o kawakwak ko sira.

Veydipi 3:6

No hapen ta do kakdekdeng ta no onowned am nimacivosoy ko rana do niomanoyong ji Yeso a tao. Am no si pangozayan ta o iwawalam na ni Moyse a cittan ta so kapyapya ta am jyabo karatan ko a.

1 Timotay 1:13

Am tana niraherahet ko si Yeso no kakwa pa a kapakakasi ko sira pasnesneken so omanoyong jya am na ikarilaw yaken ni Ama ta do to, ta no kanang am ji ko nganoyngi pa si Yeso. So ji ko makatenngi do vazay ko.