Nimlivolivon 8:9 - Seysyo No Tao

⁹ Amyan so asa ka tao a meyngaran si Simong a meyvahay do ili ang. Amyan so vazay na ikalak da no tao. Pahamahen na o kataotao na a manci no kaizay na tao.

Nimlivolivon 8:9 Σταυροειδείς Αναφορές

Yowani 7:18

O mapagaz so ciring do kataotao na am manoyong o akman sang a mapazway. Am o tao a makza no kazwazway da so nimapahanhan sya am manoyong o akman sang a jyalas.

Nimlivolivon 13:6

Nilivolivon da o pongso do Saypolose. Makaranes sira do Pavo a ili am masazi da dang o asa ka tao do Yotay a meyngaran so Pa-Yeso a mamnek a tao. Ipanci na o kataotao na a panoyonoywan na so ciring ni Ama ta do to. Am malas ori.

Nimlivolivon 13:8

Am ji na nipya no mamnek a tao. (O ngaran na do Sila am si Idima.) Ta naknakmen na o kazazat na jya a omanoyong ji Yeso.

Nimlivolivon 5:36

Ta no keypisa am amyan so tao a nimai a meyngaran si Teota a mapakarakarang so kataotao na kapacilolo da no kakapatan a poo (400) a tao. Am wakwaken da si Teota am to sira na meyvwak o nimacilocilolo jya tao, kabo na rana no angangayan na.

Nimlivolivon 8:11

Ikongo do mownay rana ori a meyvazay no mapangyangyalak a vazay, am ori o ikaro da no tao a nimacilolo jya.

2 Tesalonicya 2:4

Iya rana am ioya na sira o tao a ji raralay nya. Ta abneken na o kataotao na makarakarang pa kano iraralay da no tao. So yangay na omlisna do raralayan da ni Ama ta do to a mapakataotao do to.

2 Timotay 3:2

Ta o kataotao da o manakem da. O kapangamkam da so nizpi. O kapahama da so nakem da. O kapanraherahet da. O kapasala da do inyapwan da. Ji da narayan o nisidongan da sira no tao. Jyanoyong o nakenakem da ji Ama ta do to.

2 Timotay 3:5

Ta sira rana am akmey manaralay sira am ji macipayok o vazay da, ta to da nazibwan o oyowyat na ni Ama ta do to. O akman rana sang a tao am ji mo macikasngeni sira an.

2 Pite 2:18

Sira rana am sya mapatwaw so rako a ciring a tomirara so vayo pa niomtad no peyraratenan da tao.

Ipaziman 22:15

Am sira rana somagpyan a kano manlita no oyowyat ni Satan a kano mangzakza so icyatatao da kano mangap so tao a kano manaralay so malas a iraralay a kano jyanoyong so ciring a kano iwawalam am mamimin sira mavezed do pantaw no ili.