Nimlivolivon 8:4 - Seysyo No Tao

⁴ O nimeyvwak a nimraralay ni Yeso am mangay sira do peycyeylilyan na a meylimwang no ciriciring na ni Ama ta do to a omagaz ji Yeso.

Nimlivolivon 8:4 Σταυροειδείς Αναφορές

Matay 10:23

No peyrarehten da inyo do asa ka ili am to kamo na nayo a mangay do asa ka ili. To ko na macitangayan jinyo am ji nyo pa nilivon o ili do Isedi a peylimwangan no ciriciring ko am meyhekas ko rana a Nipamnekan na ni Ama ta do to a tao.

Locya 1:2

O nivatvatkan da am nipayapo da do nimacita da vazay ni Yeso a kano nimamizing da ciriciring da no nimeylimwang nya.

Nimlivolivon 11:19

Wakwaken da si Setiven am peyvwaken da na o omraralay ni Yeso a tao. Am ori o nikarwan da do Yelosaleng a mangay tomayo do Vongnise a kado Saypolose a kado Antia a kapeylimwang da no ciriciring na ni Ama ta do to do tao do Yotay.

Nimlivolivon 15:35

Si Pawlo a kani Parnapo am amyan pa sira do Antia amnanao so tao a meylimwang ni Yeso. So nikaro no mina kararay da somidong sira do vazay da.

Nimlivolivon 8:1

Yamyan so amraralay ni Yeso a nimonong do inawan na ni Setiven. So nizezezeng da amlavi jya. Am si Sawlo rana am nisaray na o kazakat da sya. Nimapo no kano nang o kakdekdeng da pa a mapakakasi so amraralay ni Yeso a tao do Yelosaleng. Tey makdeng si Sawlo a mapakakasi sira, kakakaday na so kavahayan da peycyarakrakpen so mavakes a kano mahakay a kalolo na sira a pasasaziden a yangay na do pamemtengan. Am ori o nipeyvwak da rana no amraralay ni Yeso a mangay do peycyeylilyan na do Yotay a kado Samadiya. Am o nipamnekan ni Yeso a omlivolivon no ciriciring na am todavezed do Yelosaleng.

Nimlivolivon 8:12

Ipeylimwang na ni Veydipo o Mapasaray a Ciriciring na ni Ama ta do to a omagaz do italamozong na kano ngaran ni Yeso Kizisto am anoyngan da no nimyan dang a mahahakay a kano mavavakes kataktak da jira.

1 Tesalonicya 2:2

Nyo katenngan an, ta no kaji namen angayan pa jinyo do dang am amyan rana so alalaw namen do kapeymetdeh da jyamen do Veydipi a ili. Am na mina kapanta nyamen so oyowyat ni Ama ta do to. So namen jyanyahei no meykamadadayan a da izazat jyamen a yameylimwang no Mapasaray a Ciriciring na ni Ama ta do to jinyo.