Nimlivolivon 8:1 - Seysyo No Tao

^1-3 Yamyan so amraralay ni Yeso a nimonong do inawan na ni Setiven. So nizezezeng da amlavi jya. Am si Sawlo rana am nisaray na o kazakat da sya. Nimapo no kano nang o kakdekdeng da pa a mapakakasi so amraralay ni Yeso a tao do Yelosaleng. Tey makdeng si Sawlo a mapakakasi sira, kakakaday na so kavahayan da peycyarakrakpen so mavakes a kano mahakay a kalolo na sira a pasasaziden a yangay na do pamemtengan. Am ori o nipeyvwak da rana no amraralay ni Yeso a mangay do peycyeylilyan na do Yotay a kado Samadiya. Am o nipamnekan ni Yeso a omlivolivon no ciriciring na am todavezed do Yelosaleng.

Nimlivolivon 8:1 Σταυροειδείς Αναφορές

Matay 22:6

O karwan da nitaidan na am rakpen da sira o lamlamsoy no panirsirngen a kapakakasi da sira wakwaken.

Matay 23:34

Amizngen nyo an, ta manovoy ko so panoyonoywan ko so ciring a kano yanan no teneng na ni Ama ta do to a tao a kano mangnanao a tao a mangay jinyo. So iyan na jira ang no wakwaken nyo. Amyan jira ang so padketen nyo do jyojika. Amyan jira ang so bakbakan nyo do peyneynozyan nyo a paksozen do teyhesa ka ili.

Matay 5:13

“Inyo rana am akma kamoy asin no tao do karawan. Am no si tomavang ori am ikongo pavowin a kapait na. So ikabo rana no angangayan na. So to rana walici nya zazasagan no tao.

Yowani 15:20

Peyyanen nyo do onowned nyo o yako nipanci jinyo. Ji na meyhavasi no lamlamsoy o mapavahay sya tao. No si peyrarehten da yaken am akman kamo sang a peyrarehten da. No si onotan da o ciring ko am onotan da o ipangnanao nyo a ciring.

Yowani 16:2

Mangay kapasyay da jinyo do peyneynozyan. Amyan so araraw no iwakwak da jinyo. Am ipanci da ori a agoman da ni Ama ta do to.

Nimlivolivon 1:8

Am meyhekas jinyo o Seyzi. So iyan no rako a oyowyat nyo a meylimwang nyaken do Yelosaleng a kado peycyeylilyan na do Yotay a kado Samadiya a mangay do peycyamahamahatawan na.”

Nimlivolivon 13:1

O kyokay do Antia am amyan so panoyonoywan na so ciring ni Ama ta do to a kano mangnanao a tao. Sira rana am si Parnapo a kani Simoyang a ngaranan da si Vaheng a kano tao do Cidinay a meyngaran so Lociye a kani Manaeng a nipavahay ni ama na ni Helote a panirsirngen do Cyadidi a kani Sawlo.

Nimlivolivon 13:36

No kapeyigegen na pa ni Tawey am aro mina vazay na ji Ama ta do to. Mawakwak am patangkeden da o heseb na do heseb da no ineynapo na. So nipacirapa no kataotao na do tana.

Nimlivolivon 2:47

kazwazway da si Ama ta do to. So ikaro no tao a manci no kapiya no icicirawat da. Am ori o nipangday da do araraw a meyparo no tao a omanoyong ji Yeso.

Nimlivolivon 22:20

No kawakwak da so nimeylimwang no ciriciring mo a meyngaran so Setiven am nimacizanod ko jira a tomita so aywayob da.’

Nimlivolivon 26:10

Ori o mina vazay ko no keyyan ko pa do Yelosaleng. Nipya da yaken no panipanirsirngen no mapatanatanang so nakem da si Ama ta do to a omrakep so omanoyong ji Yeso a tao. No kapanzakat da jira am to ko myapya.

Nimlivolivon 5:18

Am ori o nirakpan da sira kaneb da jira do pamemtengan.

Nimlivolivon 5:20

“Mangay kamo do rako a panaralayan a meylimwang nya do taotao so omagaz do to meyyonong a ikavyay no pahad.”

Nimlivolivon 5:33

Mamizing da no panipanirsirngen am somozi sira. Am ori o ninaknakman da so kazakat da sira.

Nimlivolivon 5:40

Karahan am pasdepen da sira bakbakan, kapanci da nira ji rana meylimwang no ngaran ni Yeso a kapasaway da rana sira.

Nimlivolivon 7:38

Si Moyse o nipacisirsirngan no tinsi do tokon a meyngaran so Sinay, no keyyan da pa no ineynapo ta do kabwan no nihakawan no tao. Iya o torwan na no nivatvatkan a to meyyonong a Ciriciring ni Ama ta do to a nitaid na jyaten.

Nimlivolivon 7:54

Mamizing da no panipanirsirngen no tao do Yotay o ciring na ni Setiven am meyoyaoya sira a mangisem.

Nimlivolivon 7:58

kalolo da sya a yangay do asked no ili da kabhebhes da jya, kazakat na rana. O nitorwan da so nizpi a tao a mangamaog so karatan na ni Setiven am nitoro da o talili da do asa ka malavayo a tao a meyngaran si Sawlo a citahen na a kapacyangay da a ombhebhes jya.

Nimlivolivon 8:14

O nipamnekan ni Yeso a omlivolivon no ciriciring na amyan do Yelosaleng am mamizing da o keyyan no tao do Samadiya a mahap rana so ciriciring na ni Ama ta do to. Am ori o nitovoyan da si Pite a kani Yowani a mangay jira.

Nimlivolivon 8:4

O nimeyvwak a nimraralay ni Yeso am mangay sira do peycyeylilyan na a meylimwang no ciriciring na ni Ama ta do to a omagaz ji Yeso.

Nimlivolivon 8:5

O asa jira am si Veydipo am nimangay do asa ka ili do Samadiya a meylimwang no kanoyong na ni Yeso a Misayya a nitovoy ni Ama ta do to do teyrahem.

Nimlivolivon 9:31

No kanang rana am abo rana o ikalaw da no omraralay ni Yeso a tao do Yotay a kado Cyadidi a kado Samadiya. So nikakdeng da rana so nakem ji Yeso. Ta arako o nisidongan na sira no Seyzi. Am ori o nikaro no tao a omanoyong ji Yeso. So nikapiya no icicirawat da rana omahap so vazay na ni Ama ta do to.

Loma 1:32

Tana katenngan da si Ama ta do to a amwoya no akman so sang a vazay am da jyamamman, ta da ikeykavevek a yamanara so tao a akman sira so vazay.

Veydipi 1:12

Manga kakteh, ko kakdain inyo a makateneng jyaken a yamyan do pamemtengan. Cyaha, ta na ikapyapya a yasomidong jyaken a meylimwang no Mapasaray a Ciriciring na ni Ama ta do to.

Sipolay 11:27

Ji na nyaheyan o kapeyoyaoya na ni Valaw. So nikaro na do Ayci. Ta akma ney todacita no mata si Ama ta do to a yamacitovong jya. Am ori o ji na rana kei a meysinaoli, do kapeyhanhan na ni Ama ta do to.