Nimlivolivon 7:60 - Seysyo No Tao

⁶⁰ a kapeylilitod na amlolos. Maniring am, “Mo Panirsirngen, ji mo naknakma o raraten da jyaken an.” Teyka na ipanci am mawakwak rana.

Nimlivolivon 7:60 Σταυροειδείς Αναφορές

Matay 27:52

So mina to na iwangi no heseb da a mina todavyai rana no amraralay ni Ama ta do to a tao.

Matay 5:44

Am ko pa ipanci jinyo am ikarilaw nyo sira o macioya jinyo a tao a kapeynozi nyo no mapakakasi jinyo a tao.

Locya 22:41

Meyratateng am karwan na sira ni Yeso so kabneng no keytan so karairai a kapeylilitod na meynozi.

Locya 23:34

Maniring si Yeso am, “Mo Ama, vonasen mo o raraten da no yamapadket jyaken a tao an. Ta da jyatenngi o vazay da jyaken.” Meyratateng am masipangoyongoyot sira o itaysang no Loma amvonong so mina ayob na ni Yeso.

Locya 6:28

Ipeynozi nyo o maniriciring jinyo a tao an. So peynozyan nyo no tomamwad jinyo a tao an.

Yowani 11:11

Iptad na o ciring na ni Yeso am maniring pa am, “Yamitkeh si Lasalo a kagagan ta. Mangay ko pa yokain.”

Nimlivolivon 13:36

No kapeyigegen na pa ni Tawey am aro mina vazay na ji Ama ta do to. Mawakwak am patangkeden da o heseb na do heseb da no ineynapo na. So nipacirapa no kataotao na do tana.

Nimlivolivon 20:36

Teyka na ori a ciring ni Pawlo am mamimin sira meylilitod a meynozi.

Nimlivolivon 21:5

Karwan namen rana sira am macihza sira jyamen o sinjya a kapalolo da so katovong da do vahay a kano anak da mangay a tomaitaid jyamen. So nikalovot namen a meylilitod do pasalan a meynozi ji Ama ta do to,

Nimlivolivon 9:40

Karahan am powboten na sira ni Pite a kapeylilitod na meynozi a somazap so kataotao na ni Tapitay. Maniring am, “Mo Tapitay, peyvangon rana.” Meyratateng am meyvezezeng o mata na a makacita si Pite kapeyvangon na rana amlisna.

1 Kedinto 11:30

Am ori o na iyan rana jinyo no yameykeyngeyngen a kano yanimawakwak.

1 Kedinto 15:18

No si manoyong o akman sang am to makasi sira o nimawakwak rana amraralay ni Yeso.

1 Kedinto 15:20

Am yajyakman sang an. Ta yamanoyong si Kizisto a yanimirwa a mavyay. Ori rana am yongkad no kanoyong da mirwa a mavyay no yarana nimawakwak a yamraralay nya a tao.

1 Kedinto 15:51

Amizngen nyo o mapeyzokab a nanao a jya nipatwaw pa no kakwa a nipanci na jyaken ni Ama ta do to. Beken a to ta mimin a mawakwak. Am mamimin ta mablis so kataotao.

1 Kedinto 15:6

Meyratateng am mangay mapacita do nimacihza pa jya kakaliman na poo (500) a tao. Sira rana ori am amyan pa jira ang so yamavyay. Yamyan rana jira so nimawakwak.

1 Tesalonicya 5:10

O nikawakwak na ni Kizisto am ahapen na yaten do kapyapyan. Am ori an, tana do ta ika mavyay pa ya a tana do ikawakwak ta rana am no si mai si Yeso am macikaop ta na jya a mangay do kaidan no karawan.

2 Timotay 4:16

No keypisa ko pa macirawarawa no kataotao ko am abwata o macikabong jyaken. Am inaoy no ji na peyyana do onowned na o raraten da ni Ama ta do to.

2 Pite 3:4

No maniring sira am, “Wanjin na kai ni Kizisto a manci no kai na asyo. Sira rana nimeykawakwakwak a ineynapo ta am wanjin o na kablis no nyamaog na karawan.”