Nimlivolivon 7:25 - Seysyo No Tao

²⁵ O nakenakem na ni Moyse am, ‘Ala katenngan da yaken no keylyan namen a nipamnekan na ni Ama ta do to a makasidong sira do peyrarehten da sira no tao do Ayci.’ Am ji da tenngi ori no keylyan da.

Nimlivolivon 7:25 Σταυροειδείς Αναφορές

Make 9:32

Am ji da tenngi no macinanao jya o peypeypangayan no ciring na. Am ji dadkeci si Yeso a pacicin.

Locya 18:34

Am ji da azab o ciring na ni Yeso no macinanao jya.

Locya 9:45

Am ji da tenngi o peypeypangayan no ciriciring na, ta masalit o ayyaingan na. Am ori o ji da makatenngi jya. Am ji dadkeci a ipanahes o peypeypangayan no nipanci na vazay.

Nimlivolivon 14:27

Makaranes rana sira do Antia am lovoten da sira o sinjya a kapanci da nya jira so nisidongan na sira ni Ama ta do to do vazay da. Ta o ipeylimwang da do tao a ciriciring na ni Ama ta do to am nyanoyngan da no beken a tao do Yotay.

Nimlivolivon 15:4

Makaranes rana sira do Yelosaleng am taotawwen da sira no akma dey kakteh do cinai a kano panipanirsirngen da do kyokay a kano nipamnekan ni Yeso a omlivolivon no ciriciring na. So niononongan da jya da Pawlo a kani Parnapo so nisidongan na sira ni Ama ta do to do vazay da.

Nimlivolivon 15:7

So nikownay da nimeysirisiring. Meyratateng am meytatanek si Pite. Maniring jira am, “Manga kakteh, nyo katenngan yaken a na nipamnekan ni Ama ta do to a mangay a mapamizing so beken a tao do Yotay no Mapasaray a Ciriciring.

Nimlivolivon 21:19

So nipeyminaminasyan na nira ni Pawlo a kapanci na no vazay na ni Ama ta do to jya do beken a tao do Yotay, do mina kapeylimwang na no ciriciring na ni Ama ta do to jira.

Nimlivolivon 7:24

Makaranes am to na cita o asa ka keylyan da ji dasnesnekan no tao do Ayci. Am ori o nyangay na mabong no keylyan na, kazakat na so tao do Ayci.

Nimlivolivon 7:26

Ikadwa na araw am macita na o rarwa ka keylyan da meyliman. Am ori o nipeyyawwan na sira. Maniring jira am, ‘Manga kahakay, inyo rana am kamo meykeylyan. Ikongo nyo ipeyliman.’

Loma 15:18

O yamakdeng a yako ipanci am nioyatan na yaken ni Yeso Kizisto a yasomidong so beken a tao do Yotay a yaomanod ji Ama ta do to. Nisidong na yaken do makakaday a vazay a kano nipeylimwangan ko nya.

1 Kedinto 15:10

Am o pangangarilawan na ni Ama ta do to o ko ikakman sya. Yamanoyong o pangangarilawan na ni Ama ta do to a nitoro na jyaken. Am ori o ko ikaharahara pa a yameyvazay a kano karwan namen a nipamnekan na ni Yeso. Am beken a kowyowyat ko a meyvazay, ta si Ama ta do to am ori o yamacipeyvazay jyaken.

1 Kedinto 3:9

Yamen rana am namen macipeyvazay ji Ama ta do to. Inyo rana am kanyo akmey nihakawan na ni Ama ta do to a namen pirwahen pa. So nyo icyakmey vahay a na patneken ni Ama ta do to.

2 Kedinto 6:1

Yamen rana na pacipeyvazayan ni Ama ta do to am namen vavagan inyo o kaji nyo tongbowan so aryarilaw na jinyo ni Ama ta do to.

Kelosi 1:29

Am ori an o ko ikowyat a yameyvazay a ji macimazikna do vazay a mangozay do na kaniomoyat jyaken ni Kizisto a yanitomoro no vazay na jyaken.