Nimlivolivon 6:6 - Seysyo No Tao

⁶ So nipancyan da nira meytatanek do tangain da no nipamnekan ni Yeso a omlivolivon no ciriciring na a meynozi nira maparapong so lima da jira ipowyat da sira do akman sang a vazay da.

Nimlivolivon 6:6 Σταυροειδείς Αναφορές

Make 5:23

Maniring am, “Yatey makdeng o ingingnen no anak ko a mavakes. Mangay mo pa parapongen o lima mo jya keywakwak mo jya kapya na rana.”

Nimlivolivon 1:24

Meyratateng am meynozi sira a manci no, “Mo Panirsirngen, mo katenngan o nakenakem no tao do teyrahem. So pancyan mo nya jyamen so nipamnekan mo do yararwa eya,

Nimlivolivon 13:3

Mateyka sira meynozi a ji mangakaday am paoptahen da o lima da ji Parnapo a kani Sawlo a ipowyat da sira do vazay da katovoy da rana sira mangay do peycyeylilyan na.

Nimlivolivon 19:6

kakadain na sira paoptan na so lima na ni Pawlo. Karahan am meydedna jira o Seyzi. So nipeyzezyak da so matarek a ciriciring no Seyzi a kapeylimwang da no ciriciring na ni Ama ta do to.

Nimlivolivon 8:17

Am ori o nipaoptan da jira so lima da da Pite a kani Yowani a ipanlanlag da. Ori o niyan na rana jira no Seyzi.

Nimlivolivon 9:12

Nipaziman ko na jya o katovoy ko jimo a mangay a somidong sya a mapaopta so lima mo a kapakacita na rana.”

Nimlivolivon 9:17

Am ori o nyangay na rana ni Ananiya. Somdep rana do vahay am paoptahen na o lima na do kataotao na ni Sawlo. Maniring am, “Mo kakteh, o mo nimacita do rarahan a Panirsirngen ta si Yeso am na nitovoy yaken a mai a tomazogaw nimo. Ta kakzeben na imo a makacita rana a italamozong no Seyzi.”

1 Timotay 4:14

Ji mo to nazibwan o oyowyat na jimo no Seyzi a tomalamozong no kyokay. Ta ori rana am nitoro na jimo do kanimanlanlag da nimo no lima da ipeynozi no tomalamozong no kyokay, do mina kapamnek da jimo a mapeyvazay eya.

1 Timotay 5:22

Ji mo to minaknakman o kapamnek mo so tomalamozong no kyokay, ta citahen mo pa o iwawalam na, do kapya na, karahet na. Ta no si myan so raraten na am macilovot ka dang. Ji mo ablisi o apiya nakenakem mo.

2 Timotay 1:6

Am ori o yako pancyan nya jimo, makowyat ka meyvazay an. Ta naknakmen mo o oyowyat a nitoro na jimo ni Ama ta do to no kaparapong ko so lima ko jimo a ipeynozi no kakwa pa.

Sipolay 6:2

a kano nanao na jyaten do manaktak a kano panlanlagan da nyaten no tao a mapaopta so lima da jyaten a kano nanao a omaing do mirwa mavyay a kano nanao na omaing do peykapyapinpinan na so tao ni Ama ta do to. Ta o akman rana sang am yatey masangib rana ori a yata mamizing.