Nimlivolivon 6:3 - Seysyo No Tao

³ Am ori o ipamnek nyo so papito a ka tao a katenngan no tao apiya so icicirawat a kano mateneng a oyatan no Seyzi, ta sira rana o to namen rana pahanhana a omvonong sya.

Nimlivolivon 6:3 Σταυροειδείς Αναφορές

Matay 23:8

Am ji nyo akzan o kapanci da ninyo a mangnanao. Ta sira rana kadwan jinyo am akma nyoy kakteh do cinai sira. Yasa saon o yamanoyong a Sinsi nyo am.

Yowani 21:23

Karahan am o akman sang a ciring am todavangovangon. Ori malavat da no macinanao ji Yeso o kaji na wakwakan no asa ka macinanao ji Yeso. Am ji na nipanci ni Yeso o kaji na wakwakan no nang. Ta kapanci na no, “No si ipanci ko kato na avyayan a mangay no yai ko na am ikongo mo kazyakan nya.”

Nimlivolivon 1:15

Kadadayan na so araraw am meylovolovot sira omanoyong ji Yeso. Adwa ngarnan sira so ikakarwan a poo (120) o karwaro da. Meytatanek si Pite a kapanci na no,

Nimlivolivon 1:21

Maniring pa si Pite am, “Mamnek ta so asa ka tao a kapalit na ni Yota a kararay ta meylimwang ni Yeso a Panirsirngen ta a nimirwa a mavyay. O ahapen ta am nimacilovot jyaten no kapapo na ni Yowani a manaktak a mangay do araraw no kapeycyakavat na ni Yeso do teyngato.”

Nimlivolivon 10:22

Maniring sira am, “Na nitovoy yamen ni Kenaylyo a panirsirngen da no asa lipenpenan a itaysang do Itadi. Iya rana am na iraralay si Ama ta do to. Da ikanig no tao do Yotay, ta tey yapya o nakenakem na so tao. Nipaziman na rana jya no asa ka tinsi o kai mo do vahay na. Ta amizngen na o inanao mo sya.”

Nimlivolivon 15:23

O peypeypangayan no domket a ciring do teygami ori am: “Kokay kamo akma nameney kakteh do cinai a beken a tao do Yotay a yamyan do Antia ka ninyo a yamyan do Sidiya ka ninyo a yamyan do Cidicya. Yamen a kakteh nyo a nipamnekan ni Yeso a omlivolivon no ciriciring na kano panipanirsirngen do kyokay am namen meyteygami jinyo.

Nimlivolivon 16:2

Ikanig da si Timotay no akma dey kakteh do cinai do Disetela kado Ikenyan.

Nimlivolivon 2:4

Am ori o nioyatan na jira no Seyzi a kapanci da no meycyataretarek a ciriciring do kowyat na jira no Seyzi.

Nimlivolivon 22:12

“Amyan dang so asa ka tao a meyngaran si Ananiya. Iya rana ori am manoyong a mahap so iwawalam ni Moyse. So kanigan da nya no tao do Yotay amyan do Tamaseke.

Nimlivolivon 28:14

Makarahan am makasazi namen do dang so akma nameney kakteh do cinai. Nipeyseysan da yamen so kapito araw a kalam namen mangay rana do Loma.

Nimlivolivon 6:2

Am ori o nilovotan da so aro a sinjya no rarwa so ikakarwan a nipamnekan ni Yeso a omlivolivon no ciriciring na a kapanci da nya jira so, “Si iptad namen o kapeylimwang namen no ciriciring na ni Ama ta do to a amvonong so isidong ta so tao am marahet o akman sang, ta ikasanga namen.

Nimlivolivon 6:5

Mamizing da no aro a sinjya am mamimin sira amya sya. Am ori o nipamnekan da ji Setiven, ta meysominogat o nakenakem na ji Ama ta do to a oyatan no Seyzi, a kapamnek da pa ji Veydipo a kani Polokelo a kani Nike a kani Timen a kani Pamona kani Nikela. Si Nikela rana am beken a tao do Yotay, ta tao do Antia a mahap rana so iwawalam da no tao do Yotay.

Nimlivolivon 6:6

So nipancyan da nira meytatanek do tangain da no nipamnekan ni Yeso a omlivolivon no ciriciring na a meynozi nira maparapong so lima da jira ipowyat da sira do akman sang a vazay da.

Nimlivolivon 9:30

Katenngan da no akma ney kakteh do cinai o akman sang a vazay am yangay da do Kaysadiya katovoy da sya mangay rana do meyngongyod a ili da do Tasose.

1 Kedinto 12:8

O Seyzi rana am na itoro do yasa ka tao o teneteneng a makateneng do nanao na ni Ama ta do to. Yakman sang, ta na itoro do yasa ka tao o teneteneng na yana ipangnanao.

1 Kedinto 16:3

No si makaranes ko na am manovoy ko so ipeyhanhan nyo a tao a maciralay do teygami a kano nipeysinsinmo nyo a nizpi a yangay da do Yelosaleng.

Ivoso 5:18

Ji ta todasaki, ta makararahet so tao o akman sang. Apyapya pa o kakza ta no Seyzi a tomalamozong nyaten.

1 Timotay 5:10

Katenngan da no tao apya so vazay, makananao so anak na, mateneng a manaotao so apo do teysa ka ili a tao. Ji mapahama so nakenakem, kasidong na so amyan so alalaw a tao a kowyat na mahap so apya vazay.

Yake 1:17

O makakaday a yatey pipya a vazay am yamamimin a yapo ji Ama ta do to a yanimangamaog so araw a kano vehan a kano mata no hanit. Iya rana am jyabliblis so pamnemnekan.

3 Yowani 1:12

Yabo yaji naray ni Temolyo, do na kato macipayokan no icicirawat na do ciriciring na ni Ama ta do to. So namen sarayan nya. So na ikanoyong no yakman sang a ciring namen.