Nimlivolivon 4:34 - Seysyo No Tao

³⁴ So ikabo no asa ka tao amyan so kalahen. Ta o myan so iheyhakawan a kano vahay am nipamalit da so nizpi o karwan na.

Nimlivolivon 4:34 Σταυροειδείς Αναφορές

Matay 19:21

Maniring si Yeso am, “No si kakzeben mo o kapyapya na pa no ahahapan mo sya am to mo na mimina ipanazang o kangangay mo a ipanidong so makasi a tao. Ta ori iyan no kangangay mo do teyngato, a kapacilolo mo rana jyaken.”

Make 10:21

Citahen ni Yeso o tao ori am ikarilaw na. Maniring am, “Yasa pa mo jya nimapeyvazay. Ipanazang mo o peymeymasaodan mo. O ngina na nizpi am ipangarilaw mo so makasi a tao. Ta ori o iyan no kangangay mo do teyngato a kapacihza mo na jyaken.”

Locya 12:33

Ipanazang nyo o peymeymasaodan nyo a isidong nyo so ji makahakaw a tao. So ikanoyong nyo amyan do teyngato so peymasaodan a kano kangangay, ta abo dang o tao a tomakaw sya. Abo dang o vozsok a koman sya. So ikanoyong na no peymeymasaodan do dang a ji nyo a giji.

Locya 16:9

Ko pa ciring jinyo am apyapya o kapanidong nyo do karawan so ipangoyongoyod da tao, ta no marateng o araraw nyo am pasdepen na inyo ni Ama ta do to do vahay na do teyngato.

Locya 22:35

Maniring pa si Yeso jira am, “No kakwa pa am nitovoy ko inyo a ji mapalolo so peyninizpyan a kano aywayob nyo a kano tokap nyo. Am ikongo pa yabo jinyo.” Maniring sira am, “Yabo rana o namen kalahen.”

Nimlivolivon 2:45

kapanazang da no iheyhakaw da kano kangangay da do vahay da a kavonong da so nginangina na nizpi a itoro do kadwan jira. To da palololwa o itoro da do ikasi da tao.

Nimlivolivon 4:37

Ta nipamalit na o asa ka nihakawan na so nizpi a katoro na nya do nipamnekan na ni Yeso a omlivolivon no ciriciring na.

1 Tesalonicya 4:12

So ji nyo meyhanhani no icyatatao nyo a mapatodeh jinyo. So ikanoyong nyo a ikanig da no ji manaralay a tao.

1 Timotay 6:19

No si akman sira sang am akma dey peyparwen o peymeymasaodan da ji Ama ta do to a keyyan na pa no to meyyonong a ikavyay no pahad da.

Yake 1:27

O ipanci na ni Ama ta do to a manoyong a omraralay nya tao am ji manginanahet do nimasbang a kano vao a mavakes a makapzat do onowned na, ji macikza do tao do karawan a meyraraten.