Nimlivolivon 4:10 - Seysyo No Tao

¹⁰ naknakmen nyo a Isedi a tao an. O na nipeytatanek do tangain nyo no tao eya a nimapya rana am oyowyat no ngaran na ni Yeso a tao do Nasale a nipadket nyo do jyojika a nipirwa na avyain ni Ama ta do to.

Nimlivolivon 4:10 Σταυροειδείς Αναφορές

Matay 2:23

O meyngaran so Nasale a ili am ori rana o nikaplinan da meyvahay. O icyakman na sang no vazay am todey mangononong o mina ciring no panoyonoywan na so ciring ni Ama ta do to. Ta maniring sira am, “Iya rana am ngaranan da tao do Nasale.”

Locya 18:37

Maniring sira o tao jya am, “Yameyhatay do jya o tao do Nasale a meyngaran si Yeso.”

Nimlivolivon 2:32

“Ta si Yeso am nivyay ni Ama ta do to. Ta yamen rana am yongkad no akman sang a vazay. Ta nimacita namen rana ori a nimavyay. So namen pancyan nya jinyo.

Nimlivolivon 2:36

“Am ori an manga zipos a kakteh ko a Isedi a tao am naknakmen nyo an. Ta si Yeso a nyo nipadket do jyojika am yana rana nibnek ni Ama ta do to a Misayya a Panirsirngen ta.”

Nimlivolivon 28:28

Maniring pa si Pawlo am, “Inyo rana am anoyngan nyo si Ama ta do to a yarana mapatazadang so beken a tao do Yotay no ciriciring na, do da kapeyhanhan nya.”

Nimlivolivon 3:6

Maniring jya si Pite am, “Yabo jyamen o nizpi. Am itoro ko jimo o yamyan jyaken an. Ko pangozayan o ngaran ni Yeso Kizisto a tao do Nasale a manci nimo a tomanek a kalam mo rana.”

Loma 1:4

No hapen do ka Tao do to na am iya o nipeyvangon na ni Ama ta do to a nimapo do heseb na. So ikanoyong na Anak na ni Ama ta do to.