Nimlivolivon 3:6 - Seysyo No Tao

⁶ Maniring jya si Pite am, “Yabo jyamen o nizpi. Am itoro ko jimo o yamyan jyaken an. Ko pangozayan o ngaran ni Yeso Kizisto a tao do Nasale a manci nimo a tomanek a kalam mo rana.”

Nimlivolivon 3:6 Σταυροειδείς Αναφορές

Matay 10:9

Ji kamo mapalolo so ovay a kano gizit a kano nizpi.

Matay 7:22

No masngen rana o araraw no kapeykapyapinpin na so tao ni Ama ta do to am aro o tao a manci nya jyaken so, ‘Mo Panirsirngen, mo Panirsirngen, nipangozayan namen o ngaran mo asyo a meylimwang no nanao ni Ama ta do to. Nipangozayan namen o ngaran mo asyo a mamozwaw so kalamsoyan ni Satan. Aro o mapeyzokab a vazay a mina vazay namen asyo.’

Make 14:8

Am iya rana am na paminmindan rana ya no nakem na jyaken an, a yamapaglo do kataotao ko so yamahangno a haneng. Ta ori rana am yavat na ori do bobwan da jyaken.

Make 16:17

O manganoyong a tao am ipanta na sira ni Ama ta do to so oyowyat da mapeyvazay so mapeyzokab a vazay. No pangozayan da o ngaran ko am mavozwaw da o kalamsoyan ni Satan a kapeyzezyak da so macitarek a ciring.

Yowani 19:19

Amyan so nivatvatkan no lamlamsoy ni Pilato a nipayoray na do jyojika ni Yeso. O peypeypangayan no vatvatek am, “Si Yeso rana am tao do Nasale a Panirsirngen da no tao do Yotay.”

Nimlivolivon 10:38

Nioyatan na no Seyzi si Yeso a tao do Nasale. So nilivolivon na mangiwakwak so meykeyngeyngen a tao a mamozwaw so kalamsoyan ni Satan a komovot do tao, do kapacikaop na jya ni Ama ta do to.

Nimlivolivon 16:18

Mangday do araraw a amlololos. Ikarahet na ni Pawlo am to meyvazingowngaw a tomita sya. Maniring do nikomovot jya am, “Ko pangozayan o ngaran na ni Yeso Kizisto a manci nimo a makowbot rana do kataotao na.” Am ori o nipakowbot na rana no nikomovot jya.

Nimlivolivon 2:22

Maniring pa si Pite am, “Inyo rana Isedi a tao a keylyan ko am amizngen nyo o ciring ko an. Ta si Yeso rana tao do Nasale am nitovoy na ni Ama ta do to. Oyowyat na kano mapeyzokab a vazay na rana ni Yeso am yongkad na ori do mina katovoy na sya ni Ama ta do to. So nyo ipakateneng do akman sang a vazay. Ta mina vazay na ya do tangain nyo an.

Nimlivolivon 2:36

“Am ori an manga zipos a kakteh ko a Isedi a tao am naknakmen nyo an. Ta si Yeso a nyo nipadket do jyojika am yana rana nibnek ni Ama ta do to a Misayya a Panirsirngen ta.”

Nimlivolivon 3:16

Namen nipangozayan o ngaran na ni Yeso. Ori o na nikapya no tao a yanyo macita do nyo tangain ang.

Nimlivolivon 3:5

So nicittan na sira a komakzeb so kapantan da nya.

Nimlivolivon 3:7

So nikatkatan na sya ni Pite so wanan na do lima na kasidong na sya meytatanek. So niyan no oyowyat na rana no ai na,

Nimlivolivon 4:10

naknakmen nyo a Isedi a tao an. O na nipeytatanek do tangain nyo no tao eya a nimapya rana am oyowyat no ngaran na ni Yeso a tao do Nasale a nipadket nyo do jyojika a nipirwa na avyain ni Ama ta do to.

Nimlivolivon 4:7

Nyangay da sira Pite a kani Yowani do tangain da a kapacici da sira. Maniring sira am, “Do wanjin na kapwan no oyowyat nyo a yaniomiwakwak do nimapilay a tao ang. Sino yanimanta ninyo so oyowyat nyo.”

Nimlivolivon 9:34

Maniring jya si Pite am, “Mo Aynayya, peyvangon rana kahap so ireyrayan mo. Ta na rana nipeypapya imo ni Yeso Kizisto.” So nikapya na rana.

1 Kedinto 4:11

Yato ngai sicyaikwaya o yanamen ipacikekcin a yamawaw a yamamez a abo so ayob a yamasangib a yada bakbakan a yabo so vahay,

2 Kedinto 6:10

Tana yamyan so namen ilavi so onowned am yamyan so namen isaray so onowned. Tana namen makcin am cyaha, ta namen avyain o pahad no aro a tao. Tana yabo o peymeymasaodan namen do karawan am cyaha, ta abo kalahen namen a yamacikaop ji Ama ta do to.

2 Kedinto 8:12

No si manoyong kamo so onowned no meykingking kamo am jyabo kaji na narayan ninyo ni Ama ta do to a. Ta o kakzeben na jinyo ni Ama ta do to am beken a karo na, ta o myamyan jinyo.

2 Kedinto 8:9

Nyo na katenngan o pangangasyan ni Yeso Kizisto a Panirsirngen ta. Iya rana am abwata o kakzeben na an. Ta iya rana am tey meynakem do teyngato. Am na kapanadnad jyaten. So na ikakmey makasi a tao. Na apyapyahen pa o na katoda katawwan a yamapazanod jyaten do azwazway na do teyngato.

Yake 2:5

Amizngen nyo manga keypong an. Na nitenngan ni Ama ta do to sira o makasi a tao do karawan a makdeng so nakem a omraralay nya. So da ikanoyong a makahap so nakem na sira ni Ama ta do to a macikaop rana do italamozong na.

1 Pite 4:10

To ta mangozai o teneteneng a nitoro na jyaten ni Ama ta do to a somidong so tao.