Nimlivolivon 3:14 - Seysyo No Tao

¹⁴ Apyapyahen nyo pa o kalikod nyo do ji meylimoteng so onowned a tao a kapyapya nyo pa sya manci ni Pilato a mapasaway so asa ka nimanwakwak a tao.

Nimlivolivon 3:14 Σταυροειδείς Αναφορές

Matay 27:20

Am kapasozisozi da so aro a tao no panipanirsirngen no mapatanatanang so nakem da si Ama ta do to a kano kamanrarakehan a manci ni Pilato a mapasaway si Palapa a kawakwak da si Yeso.

Make 1:24

Maniring a amlololos am, “Imo a Yeso a tao do Nasale am ikongo mo kakzeben jyamen. Mo yamen balinasen? Ko imo katenngan. Imo am na nitovoy imo no Tao do to a tey yapya so nakenakem a tao.”

Make 15:11

Am kapasozisozi da so aro a tao no panipanirsirngen da no mapatanatanang so nakem da si Ama ta do to a manci ni Pilato a mapasaway si Palapa.

Make 15:7

Nimacinao o meyngaran so Palapa a macizavoz do aptengen da. Iya rana ori am mapasobsobna do seyvo a kapanwakwak na so tao.

Locya 1:35

Maniring o tinsi am, “O Seyzi na ni Ama ta do to o peyhekasen na jimo a kano oyowyat na. So na apzatan jimo ni Ama do to. Am ori o ikatazak na tao no Anak na ni Ama ta do to.

Locya 23:25

Meyratateng am pasawain na si Palapa a nipteng da nimapasobsobna do seyvo a nimanwakwak so tao a katoro na ni Yeso jira a peyyaliliman da.

Yowani 16:10

Da jyatenngi o manoyong a vazay. Ta yaken rana am yako mangay ji Ama. So ji nyo rana makacitai jyaken.

Yowani 18:40

Karahan am amlololos sira. Maniring sira am, “Taosya a pasawain si Yeso. Ta si Palapa o pasawain.” (Si Palapa rana am manoyong a mangap so ahahapen.)

Nimlivolivon 13:28

Tana ji da kala o karatan na izakat da sya am pakotokoten da ji Pilato o kazakat da sya.

Nimlivolivon 2:27

Ta mo ji mya o pahad ko a to ngyan do yanan da no nimawakwak a tao. So ji na macirapai do tana no kataotao ko, ta nipeyvazay ko na o vazay mo.

Nimlivolivon 22:14

Maniring jyaken am, ‘Yana nipamnekan imo no Tao do to da no ineynapo ta a mahap so vazay na, do mo kanimakacita si Yeso a Anak na ni Ama ta do to, do kanimakamizing mo so ciring ni Yeso.

Nimlivolivon 4:27

So nipangononong no nang a mina vazay da do Yelosaleng eya. Ta si Helote rana kani Pangsyo Pilato a kano karwan da tao do Yotay a kano beken a tao do Yotay am nimalovot sira nimnakenakem so kazakat da si Yeso a ji meylimoteng so onowned a nipamnekan mo a mahap so vazay mo.

Nimlivolivon 5:28

Maniring jira am, “Namen nipaziman jinyo o kaji nyo mangnanawan no omagaz ji Yeso am ikongo nyo pangnanawan pa nya do Yelosaleng. Ikongo nyo pancyan nyamen a nimwakwak sya.”

Nimlivolivon 7:52

Amyan so asa ka panoyonoywan na so ciring ni Ama ta do to a ji da nipakakasi no ineynapo nyo an? Yabo. Niwakwak da sira o meylimwang no omanam a mai a Misayya. Iya rana am tey yapya o nakenakem na a omahap so vazay ni Ama ta do to a nipacinginangina nyo a niwakwak nyo.

2 Kedinto 5:21

Na nikarilaw yaten ni Ama ta do to. So na nitovoyan si Kizisto abo so raraten a nimalit so raraten ta. Am ori o tanyo ipacikaop ji Kizisto a abwata rana so raraten do tangain na ni Ama ta do to.

Yake 5:6

Nyo pananakawen sira o yamakasi a tao. Nyo kawakwak pa siraha, do da kabo no oyowyat a yamapatonggal jinyo.

1 Pite 3:18

Ta ipisa si Yeso Kizisto a nimawakwak no raraten ta, kapakavos na rana so vazay na a mapatazadang jyaten do teyngato. So ikanoyong na abo so raraten a nisomabway no raraten no tao, do na kapanop jyaten ji Ama ta do to. Tana niwakwak da o kataotao na am jya nimawakwak o pahad na.

1 Yowani 2:1

O yako peyteygamyan ninyo manga ovay am ko vavagan inyo a kakaro nyo do peyraratenan nyo. Am no si amyan so asa ka tao a meyraraten am cyaha, ta ipasyasi na yaten ni Yeso Kizisto ji Ama ta do to. Ta iya rana am abo o raraten na.

Ipaziman 3:7

“Ipeyteygami mo o yamimong no kyokay do Veylatevey. Si maniring ka am, ‘Yamaniring o yaji meylimoteng so onowned a tey manoyong am: Yaken rana am akman ko so panirsirngen a meyngaran so Tawey a yatomalamozong no kagi. So ikabo no tao a makaneb do niwangan ko. O yako nyaneban am abo makeywang jya.