Nimlivolivon 27:4 - Seysyo No Tao

⁴ Karwan namen do Siton am izasen na yamen no rako a pagpag. Am ori o ninanad namen a mangay a macimazeveng so avang namen do Saypolose a pongso.

Nimlivolivon 27:4 Σταυροειδείς Αναφορές

Matay 14:24

Am marai rana o vazangay do pamsan na. Ikongo do sangozen da, am ori o ikaligaligan no vazangay do kasangoz da sya.

Make 6:48

Macita na o macinanao jya mazikna komaod so vazangay a somangoz so yanan da ranom. Toda jyaraw am mangonong si Yeso do ranom a mangay do macinanao jya.

Locya 8:22

Ipisa si Yeso a kano macinanao jya somakay do vazangay am ipanci na jira o kangay da do katovangan na no rako a meybebneng a ranom. So nikaodan da so vazangay a mangay rana.

Nimlivolivon 13:4

Nipahanhan na no Seyzi si Parnapo a kani Sawlo. Am ori o niosok da mangay do Silyoci a kavang da do avang a mangay do Saypolose a pongso.

Nimlivolivon 15:39

Am ori o ji da nimacipasovoi do vazay da. Karahan am to sira meysyay rana. Si Parnapo rana am nipalolo na si Make a mavang do avang a mangay do Saypolose a pongso.

Nimlivolivon 21:16

Amyan so apo do Kaysadiya a sinjya a macilolo jyamen a kangay da nyamen do vahay na ni Nason a tao do Saypolose pongso. Iya rana am nimeycicinda amraralay ni Yeso Kizisto.

Nimlivolivon 21:3

O angayan namen am masngen do Saypolose a pongso. Niliklik namen o Saypolose a pongso a mangay do Sidiya a pongso a kapeygegcin namen do Tayar a ili. Ta mapagcigcin sira dang so warawara.

Nimlivolivon 27:7

O avang rana ori am tey mapakeh a somongay. Am ori o nikahay namen a makaranes do Kenito, ta ji namen a sangoz o pagpag. Am ori o mina to namen meyhavasi do Kedite a pongso a to namen paninida o avang do kehtengan na. Mownay am makaranes namen rana do kananayan do Samoni.

Nimlivolivon 4:36

Akman sang o vazay na no asa ka Diwey a tao do Saypolose a pongso a meyngaran so Yoseyvo. O ingaran da jya no nipamnekan na ni Yeso a omlivolivon no ciriciring na am si Parnapo. O peypeypangayan no ngaran na ori am “Mapayyait so nakenakem.”