Nimlivolivon 27:1 - Seysyo No Tao

¹ Ikongo do nipamnekan da no panipanirsirngen o kangay da ni Pawlo do Itadi, am ori o nitorwan da ni Pawlo a kano aro a nipteng da do mimong no itaysang no Loma a meyngaran si Sodian.

Nimlivolivon 27:1 Σταυροειδείς Αναφορές

Matay 27:54

Macita na no panirsirngen no itaysang no Loma kano kararay na nimamzat ji Yeso o nimeykanini a kano makakaday a vazay am manyahey sira. Maniring sira am, “Yamanoyong ya Anak no Tao do to.”

Locya 23:47

Macita na no panirsirngen da no itaysang no Loma o aro a vazay am iraralay na si Ama ta do to a manci no, “Manoyong o tao eya ji meyraraten an.”

Locya 7:2

Amyan dang so mimong no asa poo (100) a itaysang no Loma. Iya rana am amyan so asa ka ney kaglaw na lamlamsoy na meyngen a toda jyangangay so inawan.

Nimlivolivon 10:1

Amyan so asa ka tao do Kaysadiya a ili a meyngaran si Kenaylyo a panirsirngen da no asa lipenpenan a itaysang do Itadi.

Nimlivolivon 10:22

Maniring sira am, “Na nitovoy yamen ni Kenaylyo a panirsirngen da no asa lipenpenan a itaysang do Itadi. Iya rana am na iraralay si Ama ta do to. Da ikanig no tao do Yotay, ta tey yapya o nakenakem na so tao. Nipaziman na rana jya no asa ka tinsi o kai mo do vahay na. Ta amizngen na o inanao mo sya.”

Nimlivolivon 16:10

Macita na ni Pawlo o akmey tateynep am ori o nikakeykai namen rana a nimangay do Maciton. Ta katenngan namen si Ama ta do to a manci nyamen a mangay meylimwang no Mapasaray a Ciriciring na do tao do dang.

Nimlivolivon 18:2

Makaranes do dang am makasazi so asa ka tao do Yotay a nimatazak a tao do Pento a meyngaran si Akwila. O kadwan na do vahay am meyngaran si Paycila. Kapo da pa do Itadi, ta o panirsirngen a meyngaran si Kelawti am ipanci na o tao do Yotay a komaro do Loma. So nyangay na ni Pawlo a tomita sira.

Nimlivolivon 19:21

Komavos o aro a vazay am ipanci na ni Pawlo o kapangonong na do Maciton a kado Akayya a mangay do Yelosaleng. Maniring am, “Si makaranes ko do dang am mangay ko pa do Loma.”

Nimlivolivon 21:32

Karahan am mapalolo so aro a itaysang a mangay do meyvonag a tao. Macita da no aro a tao o panirsirngen da no itaysang a kano aro a itaysang am iptad da rana o kabakbak da ji Pawlo,

Nimlivolivon 22:26

Mamizing na no itaysang o ciring ni Pawlo am to rana angay a komala so panirsirngen da. Maniring jya am, “Ka nimeypanngonngo eya. Mo jyatenngi ori a tao do Loma?”

Nimlivolivon 23:11

Mahep rana am mai si Yeso do katangked ni Pawlo. Maniring am, “Ji ka onib, mo Pawlo an. To mo peynara no kapeylimwangan mo nyaken do Yelosaleng a meylimwang nyaken do Loma.”

Nimlivolivon 23:17

Am ori o nipanara na ni Pawlo so asa ka itaysang. Maniring jya am, “Palolwen mo o malavayo a tao ito a mangay do panirsirngen nyo, ta yamyan so na ipanci jya.”

Nimlivolivon 24:23

Karahan am ipanci na o itaysang a amzat ji Pawlo a kapya da so kagagan na tomazogaw nya. So ji da nimvaoji pa sya no kanang.

Nimlivolivon 25:12

Mateyka ni Veyseto a ahesen o kararay na am maniring ji Pawlo am, “No mo ikakza o mo kangay do rako a panirsirngen do Loma am to ko na novoya imo a mangay dang.”

Nimlivolivon 25:25

Nyamizing ko na o ciring na am abo teywara a karatan na. O na ikakza no tao eya am pacicin no rako a panirsirngen do Loma. Am ori o ko na to novoi sya mangay do Loma.

Nimlivolivon 27:11

Am o mimong no itaysang a tao am apyapyahen na pa o kamizing na so mapasongay so avang a kano mapeyyavang sya. Ji na ngamiznga o ciring ni Pawlo.

Nimlivolivon 27:43

Am o mimong no itaysang am ikarilaw na si Pawlo. So ji na nimyai sira amwakwak sira. Maniring rana do aro a aptengen da tao am, “Inyo rana yamakeykeyyawat am peyyawat kamo na mangay do pamsan na.”

Nimlivolivon 27:6

Makaranes namen dang am macita ni Sodian o asa ka avang apo do Adisanta a meypangay do Itadi. Karahan am ipanci na yamen a somakay do avang ang.

Nimlivolivon 28:1

Makarala namen rana do pamsan na am katenngan namen rana o kapongpongso na a ngaranan da so Maarta.

Nimlivolivon 28:16

Makaranes namen do Loma am apyahen da si Pawlo a kano amzat jya itaysang a meyvahay do asa ka vahay.

Sipolay 13:24

Ipeyminaminasi nyo pa sira o yamyokod ninyo do kyokay a tao a kapeyminaminasi nyo pa no aro a sinjya. Da ipeyminaminasi inyo no kakteh ta yapo do Itadi.