Nimlivolivon 26:8 - Seysyo No Tao

⁸ Am inyo rana a tao do Yotay am ikongo nyo ji nganoyngi ji Ama ta do to a mapeyvangon so nimawakwak rana tao.

Nimlivolivon 26:8 Σταυροειδείς Αναφορές

Locya 1:37

Ta abo ji na hap a vazay ni Ama ta do to.”

Locya 18:27

Maniring jira si Yeso am, “O ji da amaog no tao am mamaog na ni Ama ta do to an.”

Nimlivolivon 23:6

To na rana tenngi ni Pawlo o kapeypinpin da no tao a macyagom do Satokay a kano macyagom do Vadisay. Am ori o nilolos na do peykeykaygyan da. Maniring am, “Manga kakteh, yaken rana am ko macyagom do Vadisay. O ineynapo ko am macyagom do Vadisay. O nyo pacicyan jyaken sicyaraw eya am ko kanoyong do keypirwa mavyay no nimawakwak a tao an.”

Nimlivolivon 25:19

O da oyyan nya am ji na nionotan o iwawalam da no tao do Yotay. Ta onotan na o asa ka tao a meyngaran si Yeso a nimawakwak rana. Am ipanci na ni Pawlo o kanimirwa na mavyay no nang.

Nimlivolivon 4:2

Meyoyaoya sira makamizing sya, ta ipangnanao da Pite a kani Yowani o kanimirwa na mavyay ni Yeso. Ta si Yeso am yongkad no kanoyong no nimawakwak rana tao a mirwa a mavyay.

1 Kedinto 15:34

Paolin nyo o nakenakem nyo do kapyapyan. Paseykeden nyo na o kapeyraraten nyo. Yatatasa jinyo a yana ji makateneng ji Ama ta do to. O ko peycirngan sya am kapakateneng nyo do kanigan nyo.

Veydipi 3:21

Pangozayan na do oyowyat na ipanod na so makakaday do sinokob no hanit a iblis na so kataotao ta do karawan. So icyakman takamo so kataotao na ni Yeso a maniray a ji rana wakwak.