Nimlivolivon 22:8 - Seysyo No Tao

⁸ Maniring ko jya am, ‘Mo Panirsirngen, sino ka.’ Maniring am, ‘Yaken rana am si Yeso ko a tao do Nasale a yamo pakakasin.’

Nimlivolivon 22:8 Σταυροειδείς Αναφορές

Matay 2:23

O meyngaran so Nasale a ili am ori rana o nikaplinan da meyvahay. O icyakman na sang no vazay am todey mangononong o mina ciring no panoyonoywan na so ciring ni Ama ta do to. Ta maniring sira am, “Iya rana am ngaranan da tao do Nasale.”

Matay 25:40

Maniring o Panirsirngen am, ‘To ko na macitangayan jinyo am no manidong kamo so akma nyoy kakteh do cinai a ipangoyongoyod no tao am kataotao ko na sira ori.’

Matay 25:45

No maniring rana o Panirsirngen am, ‘To ko na macitangayan jinyo am no ji nyo nidonga o ipangoyongoyod no tao am yaken rana ori a ikasekeh nyo a sidongen.’

Nimlivolivon 10:14

Am maniring si Pite am, “Mo Panirsirngen, taosya, ta ji ko pa nikoman so sang, ta oya am ji namen ngangana a tao do Yotay.”

Nimlivolivon 22:7

Am ori o nikavazakwang ko do teyrahem. Karahan am amyan so ciring. Maniring am, ‘Mo Sawlo, mo Sawlo, ikongo yamo pakakasyan jyaken.’

Nimlivolivon 26:9

“No kakwa pa am abo ji ko peyvazaya a izakat ko so tao a omamizing so nanao ni Yeso a tao do Nasale.

Nimlivolivon 3:6

Maniring jya si Pite am, “Yabo jyamen o nizpi. Am itoro ko jimo o yamyan jyaken an. Ko pangozayan o ngaran ni Yeso Kizisto a tao do Nasale a manci nimo a tomanek a kalam mo rana.”

Nimlivolivon 4:10

naknakmen nyo a Isedi a tao an. O na nipeytatanek do tangain nyo no tao eya a nimapya rana am oyowyat no ngaran na ni Yeso a tao do Nasale a nipadket nyo do jyojika a nipirwa na avyain ni Ama ta do to.

Nimlivolivon 6:14

O nimamizing namen a nipanci na am si Yeso a tao do Nasale am kavahen na o rako a panaralayan eya, kablis na do iwawalam ni Moyse a nitaid na jyaten.”

1 Kedinto 12:12

Yasa o kataotao ta am yameykataretarek o peyvongvongwan ta. Tamo akman sang an. Tana ta aro a yamraralay ni Ama ta do to am tamo yakmey asaha a kataotao na ni Kizisto.