Nimlivolivon 22:1 - Seysyo No Tao

¹ “Manga maran, manga kakteh, amizngen nyo o ko ipanci jinyo, manga keypong an.”

Nimlivolivon 22:1 Σταυροειδείς Αναφορές

Locya 12:11

“Tana rakpen da inyo a yangay do peyneynozyan a kangay da ninyo a pacicin do tangain no panipanirsirngen am ji nyo alawan o ipasapa nyo jira an.

Locya 21:14

Ji nyo alawan o kaji nyo makatenngan do itovis nyo jira an.

Nimlivolivon 13:26

Maniring pa jira si Pawlo am, “Manga kakteh a sivosivovoong na ni Apolahan a ka ninyo a yamraralay ni Ama ta do to a beken a tao do Yotay, yaten o nipeylimwangan na no ciriciring a omagaz do kapatazadang na jyaten do teyngato ni Ama ta do to.

Nimlivolivon 19:33

O tao do Yotay am padondonen da si Yadisanta a mangay do tangain da. Maniring sira aro a tao am, “Iya ya o yamapeyvazay sya.” Am ori o nipatalan na so lima na ni Yadisanta a manci no ciring na do aro a tao.

Nimlivolivon 23:1

Singkadan na sira ni Pawlo o macipeykaygi a tao. Maniring jira am, “Manga kakteh, o iwawalam ko no kalyalikey ko am abo pasagpyanan ko so nakenakem ko do tangain ni Ama ta do to a yato ngai sicyaraw eya an.”

Nimlivolivon 23:6

To na rana tenngi ni Pawlo o kapeypinpin da no tao a macyagom do Satokay a kano macyagom do Vadisay. Am ori o nilolos na do peykeykaygyan da. Maniring am, “Manga kakteh, yaken rana am ko macyagom do Vadisay. O ineynapo ko am macyagom do Vadisay. O nyo pacicyan jyaken sicyaraw eya am ko kanoyong do keypirwa mavyay no nimawakwak a tao an.”

Nimlivolivon 24:10

No kano nang am nipya na ni Veydise si Pawlo a manci no kanoyngan na. Maniring si Pawlo am, “Ko katenngan imo a yarana meyyawawan a yatomalamozong no pongso ta ya. Am ori o ko sarayan nimo a pacisirsirngan a yamanci no kabo no karatan ko.

Nimlivolivon 25:16

Am maniring ko jira am, ‘No pangozayan o iwawalam no tao do Loma am no jya nipacici pa kabo no asa ka ciring a nipanci na a omagaz do karatan na am masalit o kato wakwakan so akman sang a tao.’

Nimlivolivon 25:8

So nitovisan na jira ni Pawlo. Maniring am, “Yabo o ko mina vazay a yamacisala do iwawalam namen a tao do Yotay. Ko jya niraherahet o rako a panaralayan namen do Yelosaleng a kano rako a panirsirngen ta do Loma.”

Nimlivolivon 26:24

Ji na pa teyka ni Pawlo o ciring na am to na amizing si Veyseto a amlololos. Maniring am, “Ka zomyak eya an? Ta yateywara rana o mo naknakmen a vazay.”

Nimlivolivon 28:17

Ikatlo na araw am lovoten na sira ni Pawlo o panipanirsirngen da no tao do Yotay. Maniring jira si Pawlo am, “Manga kahakay, yaken rana am tana ko jya niraherahet o keylyan ta a yajya nimapasobna do iwawalam no ineynapo ta am da todey amtenga yaken do Yelosaleng a da kangay nyaken do panirsirngen no Loma a pacicin.

Nimlivolivon 7:2

Pasapan na ni Setiven am, “Manga maran, manga kakteh, amizngen nyo yaken an. No kakwa pa am nimapacita o mazway a si Ama ta do to ji Apolahan no keyyan na pa do Meysopotamiya a meypanam pa a meyvahay do Alan a ili.

Loma 2:15

O apya icicirawat da am yongkad na ori no keyyan na do onowned da no iwawalam na ni Ama ta do to. Ta katenngan da o apya kano marahet a nakenakem da.

1 Kedinto 9:3

No tamwaden da yaken a manci no kaji ko meyngongyodan a nipamnekan ni Yeso a omlivolivon no ciriciring na am oya o itovis ko jira.

2 Kedinto 12:19

Ala nyo ipanci yamen a yamangamaog no kataotao namen so ciring. Am to ko na macitangayan jinyo am namen jyakman sang an. Ta o ciriciring ni Kizisto o namen ipanci jinyo do tangain ni Ama ta do to. Manga keypong, o vazay namen am namen kanakenakem so yakasidong jinyo a peypahagnaten so nakenakem ji Ama ta do to.

2 Kedinto 7:11

Cittey kamo pala. Ta si Ama ta do to rana am na nipeypapya jinyo o lavyan nyo a meypakdeng so nakenakem jya. Ta nyo nikaoya rana o mina raraten nyo. Nyo nikaoya o peyraratenan na no asa ka tao ang. Ta nyo ji mya o kapacizagom nyo jya a peydednan no oyaoyyan na nya ni Ama ta do to. O akman rana sang a onowned nyo sicyaikwaya am yongkad na rana no kanoyong nyo nimamlis rana so onowned.

Veydipi 1:17

Am o yatatasa ka tao a yameylimwang ni Kizisto am yasomala o onowned da. Yada naknakmen o yada karapa do alalaw ko, do yako iyan do pamemtengan eya.

Veydipi 1:7

Manoyong o kapaw ko ninyo. Ta tana ko na myan do pamemtengan sicyaikwaya, tana no kasaliway ko pa a macinekanekad no manoyong a Mapasaray a Ciriciring na ni Ama ta do to am yabo nyo jya nisidongan jyaken a mahap so vazay na ni Ama ta do to.

2 Timotay 4:16

No keypisa ko pa macirawarawa no kataotao ko am abwata o macikabong jyaken. Am inaoy no ji na peyyana do onowned na o raraten da ni Ama ta do to.

1 Pite 3:15

Ji kamo a haha so nakem ji Kizisto. Iraralay nyo a panadnaden o Panirsirngen nyo. Mangday kamo do araraw a omnakenakem so itovis nyo do mapacici jinyo, do raralayan nyo ni Ama ta do to a mapatazadang jinyo do teyngato.