Nimlivolivon 2:41 - Seysyo No Tao

⁴¹ So ikaro da no tao a mahap rana so ipangnanao na a kataktak da rana jira. No kanang rana am omanoyong ji Yeso am nikarapan sira so kakatlwan a ranaw (3000) a tao.

Nimlivolivon 2:41 Σταυροειδείς Αναφορές

Yowani 14:12

“To ko na macitangayan jinyo am mapeyvazay da o mina vazay ko no omanoyong jyaken a tao. So iyan no makapeyvazay so rakorakwan pa kano nang. O ikakman na sang am amyan ko na ji Ama do teyngato.

Yowani 21:11

So nyangay na ni Simong Pite do vazangay amngingit so tawaz a ipakarala. Am mamimin a rarako a among o nimatawaz. Vilangan da na am atlo o ikasikanem na so ikarwa poo (153). Am jya nimapising o tawaz da no among ang.

Nimlivolivon 1:15

Kadadayan na so araraw am meylovolovot sira omanoyong ji Yeso. Adwa ngarnan sira so ikakarwan a poo (120) o karwaro da. Meytatanek si Pite a kapanci na no,

Nimlivolivon 13:48

Mamizing da no beken a tao do Yotay am masaray sira. Ori o nyazwazwayan da so ciring na ni Ama ta do to. Sira rana aro a tao am nakenakem na ni Ama ta do to o kapamnek na jira a mahap so to meyyonong a ikavyay no pahad da, do kanoyong da rana ji Yeso.

Nimlivolivon 2:37

Mamizing da no aro a tao am marahet o onowned da. Am ori o nipacicyan da si Pite a kano kararay na a nipamnekan ni Yeso a omlivolivon no ciriciring na. Maniring sira am, “Manga kakteh, makongo namen so wanjin eya.”

Nimlivolivon 2:47

kazwazway da si Ama ta do to. So ikaro no tao a manci no kapiya no icicirawat da. Am ori o nipangday da do araraw a meyparo no tao a omanoyong ji Yeso.

Nimlivolivon 27:37

Yamen rana nimaoran do avang a tao am namen nanem so ikakawaowan so ikakatlwan na poo (276).

Nimlivolivon 3:23

O ji ngamizing so panoyonoywan na so ciring am pasyain na jyaten a balinasen ni Ama ta do to.’ ”

Nimlivolivon 4:4

Am no kanang am aro tao a niomanoyong do nipangnanao da Pite. O vilang da no mahakay am kakaliman a ranaw (5000).

Nimlivolivon 7:14

So nipanovoy na so tao ni Yoseyvo a manci ni ama na kano aro a zipozipos da mai do Ayci. O nimai a apapnan na am lalima o ikasikawao da (75).

Loma 13:1

Mamimin o tao a omanod so nakenakem do amyokod no seyvo. Ta o iyan no makayokod a tao am nakenakem na ori ni Ama ta do to. Ta o oyowyat da a amyokod no seyvo am apo ji Ama ta do to.

1 Tesalonicya 1:6

Tana aro o alalaw nyo am kamo masaray a na sidongen no Seyzi a yamahap so ciriciring na ni Ama ta do to a yaominara si Yeso, akman jyamen a yajyamama no alalaw namen.

1 Pite 3:20

Sira rana am ji da nyanoyngan si Ama ta do to no kapamaring na ni Noya so avang na. Kakwakwan da ji manganoyong am ji na nikahayo sira ni Ama ta do to a nanalahen a mamlis. Tana wawao sira o nisomdep do avang ni Noya am nivyay na sira ni Ama ta do to do rako a henep.

Ipaziman 16:3

O tomonton a tinsi am paglowen na o panay na do awa. Karahan am meyvaliw o awa akmey rala no nimawakwak a tao. Ori o nikamimin no masaod no awa a mawakwak.