Nimlivolivon 2:3 - Seysyo No Tao

³ So nipakacita da so akmey lila no apoy a makakaday jira mangay someyked do oo da.

Nimlivolivon 2:3 Σταυροειδείς Αναφορές

Matay 3:11

Ko taktakan inyo no ranom do nyo na kapamlis. Am o manownowji pa ka nyaken a yamai am taktakan na inyo no Seyzi a kano apoy. So ikaizaizay na pa ka nyaken. So ji ko macingai jya.

Matay 3:15

Maniring si Yeso jya am, “To ta macyozai o akman sya vazay an. Ta o ikakman na sya am ahapen ta o vazay ni Ama ta do to.” Makarahan am to na rana amya ni Yowani a taktakan si Yeso.

Locya 24:32

Maniring sira do kadwan jira am, “Yanimacisirsiring jyaten do ta pangonongan a na kapangononong jyaten so Seysyo no kano nang am ta mina todeyrasi so onowned a yamasaray a omamizing sya!”

Nimlivolivon 1:15

Kadadayan na so araraw am meylovolovot sira omanoyong ji Yeso. Adwa ngarnan sira so ikakarwan a poo (120) o karwaro da. Meytatanek si Pite a kapanci na no,

Nimlivolivon 2:11

Amyan jyaten eya so yapo do Kedite a kado Alapo. Am ikongo da todamimini a yamakateneng do aro a ciriciring ta a yamanci no yamapeyzokab a vazay ni Ama ta do to!”

Nimlivolivon 2:2

To da amizing o akmey rako a pagpag apo do teyngato. So mina to nagnozi no yanan da vahay.

Nimlivolivon 2:4

Am ori o nioyatan na jira no Seyzi a kapanci da no meycyataretarek a ciriciring do kowyat na jira no Seyzi.

1 Kedinto 12:10

Akman sang, ta itoro no Seyzi do tao o oyowyat na mapeyvazay so mapeyzokab a vazay, a na katoro nya do yasa ka tao so oyowyat na mangononong so ciriciring na ni Ama ta do to, a na katoro nya do yasa ka tao so teneteneng na mapeypinpin so manoyong a oyowyat no Seyzi a kano oyowyat na ni Satan, a na katoro nya do yasa ka tao so oyowyat na a meyzezyak so macitarek a ciring apo do Seyzi, a na katoro nya do yasa ka tao so teneteneng na a mapeyvaliw so ciring a nipanci da.

Yake 3:6

O lila ta am akman rana so apoy. O lila rana ya am ney marahet na do peyvongvongwan ta. Ta yamapatwaw so akmey lila no apoy do kararatan a yamrahet so kangangay ta.

Ipaziman 11:3

Manovoy ko so rarwa ka meyyayob so zaping a tao a yongkad na ni Ama ta do to. Sira rana am ipeylimwang da o ciring na so adwa so ikasikalima (42) vehan.”

Ipaziman 14:6

Macita ko o tinsi am somalap do hanit. Iya rana am yanan no to meyyonong a Mapasaray a Ciriciring na ni Ama ta do to a ipeylimwang na do peycyamahamahatawan na kado peycyeylilyan na kado meykataretarek so ciriciring do karawan.