Nimlivolivon 2:11 - Seysyo No Tao

¹¹ Amyan jyaten eya so yapo do Kedite a kado Alapo. Am ikongo da todamimini a yamakateneng do aro a ciriciring ta a yamanci no yamapeyzokab a vazay ni Ama ta do to!”

Nimlivolivon 2:11 Σταυροειδείς Αναφορές

Nimlivolivon 2:10

kado Vodicya kado Pangveydiya kado Ayci a kano yapo do Dipiya a masngen do Cidinay. Yamyan jyaten eya so apo do Loma a tao do Yotay a kano beken a tao do Yotay a omahap rana so iwawalam ta tao do Yotay.

Nimlivolivon 2:12

So nikalakan da nira kapeyyahhahes da manci no, “Ikongo o akman sya vazay!”

Nimlivolivon 27:12

No ahemyan am masakboz na o minato ang. Am ori o to da lovoci no tao no avang a manci no kapasongay so avang, ta tey kakza da o kapakaranes da do Venici do Kedite a pongso. Ta tey meymatek o minato do dang a nanalan da so kapiya rana no kakawan.

Nimlivolivon 27:13

No kano nang am nimehteng pa. Am ori o ningingitan namen so ipanenbong namen a mangay rana. Am to namen paninida o avang namen do Kedite a pongso.

Nimlivolivon 27:7

O avang rana ori am tey mapakeh a somongay. Am ori o nikahay namen a makaranes do Kenito, ta ji namen a sangoz o pagpag. Am ori o mina to namen meyhavasi do Kedite a pongso a to namen paninida o avang do kehtengan na. Mownay am makaranes namen rana do kananayan do Samoni.

1 Kedinto 12:10

Akman sang, ta itoro no Seyzi do tao o oyowyat na mapeyvazay so mapeyzokab a vazay, a na katoro nya do yasa ka tao so oyowyat na mangononong so ciriciring na ni Ama ta do to, a na katoro nya do yasa ka tao so teneteneng na mapeypinpin so manoyong a oyowyat no Seyzi a kano oyowyat na ni Satan, a na katoro nya do yasa ka tao so oyowyat na a meyzezyak so macitarek a ciring apo do Seyzi, a na katoro nya do yasa ka tao so teneteneng na a mapeyvaliw so ciring a nipanci da.

1 Kedinto 12:28

Do kyokay na ni Ama ta do to am yamakakaday o tao a nipamnekan na mahap so vazay na. O ney manma na am nipamnekan na ni Yeso a amlivolivon no ciriciring na. Tomonton am mangononong so ciriciring na. O ikatlo na am mangnanao no ciriciring na, katwatonton na rana no meyvazay so mapeyzokab a vazay a kapacyangay da rana no manvonas so ingingnen no tao a kano marilaw no icyatatao da kano makayokod no aro a sinjya kano meyzezyak so macitarek a ciring.

Cyalatay 1:17

Yako ji nimangay do Yelosaleng a macyamizing do nimanmanma pa ka nyaken a amlivolivon no ciriciring na ni Ama ta do to a tao. Ta nimangay ko do Alapo a kapeysinaoli ko na mangay do Tamaseke.

Cyalatay 4:25

O Sinay a tokon am amyan do Alapo. Akma ney kehngehngay no tao do Yelosaleng a mangozay do iwawalam ni Moyse.

Tito 1:12

Amyan so nipanci no asa ka meynakem a tao do Kedite no kakwa. Maniring ori am, “Sira mamimin o tao do Kedite a yamangalalas. So da ikatey manginanawa. Yatey malma sira. Da kakan so yada naknakmen.”

Tito 1:5

Nivezed ko imo do Kedite a pongso no kakwa, ta pakavosen mo pa o ji ta pa nipakavos a vazay a kapamnek mo pa do peycyeylilyan na so tomalamozong no kyokay a tao, akman so mina ciring ko jimo no kakwa pa.

Sipolay 2:4

Yakman sang, ta nioyatan na sira ni Ama ta do to a mapeyvazay so makakaday a yamapeyzokab a vazay a yongkad no kanoyong no ipangnanao da. So yana ikakman sang ni Ama ta do to a yamangozay do nakem na a yamvonong so teneteneng a kano oyowyat no Seyzi do omanoyong jya tao a isidong da so icyatatao da.