Nimlivolivon 19:9 - Seysyo No Tao

⁹ Am tatasa jira o ji mapownot so nakem da amraherahet so nipangnanao ni Pawlo a omagaz ji Yeso Kizisto. Am ori o nipalolwan na so sinjya ni Pawlo a komaro jira. So nipangday da so araw a meysirisiring do pangananawan na vahay no meyngaran so Tilano a tao.

Nimlivolivon 19:9 Σταυροειδείς Αναφορές

Matay 15:14

Ji nyo ngazidan sira, ta sira rana am kapalangayan da o mavota tao a mangonong no tao. No mangalay so mavota o mavota tao am mangay o kangay da matazangeb no rarwa ang.”

Matay 16:4

Yateywara o raraten no tao sicyaikwaya, do da kapasagpyan so aktokto da. Nyo kakzeben o kapakacita nyo so oyowyat na ni Ama ta do to. Am o akman so mina vazay ni Ama ta do to do meyngaran so Yena o macita nyo. So ikabo na rana no maharahara pa kano nang a macita nyo.” Teyka na o ciring na ni Yeso am karwan na rana sira.

Matay 26:55

Karahan am maniring si Yeso do aro a tao am, “Kamo mapalolo so takzes a kano sisipzot a yamrakep jyaken? Nyo patpehen yaken do manakaw a tao? Ko mangday a yamangnanao so tao do rako a panaralayan am nyo ji rakpa yaken.

Yowani 12:40

“Si Ama ta do to o icyakma dey mavota. Icyakma ney vato o onowned da do kaji da mamlisan. Maniring si Ama ta do to am, ‘Yabo da kasngesngenan jyaken. Makongo ko so wanjin a mapatastas sira do teyngato.’ ”

Nimlivolivon 11:26

Makala na rana am palolwen na mangay do Antia. So nipakasa kawan da macikaop do aro a sinjya amnanao sira. Nimacipinda no kano nang o kangaran da rana jira a “omraralay ni Kizisto” do Antia.

Nimlivolivon 14:4

So nipeypinpin da no tao do dang. O asa lipenpenan am macikagom do tao do Yotay. O asa lipenpenan am macyagom da Pawlo a kani Parnapo a omanoyong do nanao da.

Nimlivolivon 17:4

Mamizing da no tatasa ka tao do Yotay am to da na anoyngi kapacihza da ji Pawlo a kani Sila. So nikaro no omraralay ni Ama ta do to a tao do Sila kano meynakem a mavakes do dang a omanoyong rana ji Yeso.

Nimlivolivon 19:23

No kanang do Ivoso am amyan so nimakdeng a vazay a ikazyak da. Ori rana am omagaz do kownot da ji Yeso Kizisto.

Nimlivolivon 19:30

Kakdain na ni Pawlo o kangay na jira am ji da mya no sinjya.

Nimlivolivon 20:31

Ori o apzatan nyo do onowned nyo an. Manakem nyo o ninanao ko jinyo a nimeykaoo ninyo an. Ta mina katlo a kawan ko a mangday so araraw a kano ahep a amnanao jinyo.

Nimlivolivon 22:4

No kakwa pa am makdeng ko a nimapakakasi so amraralay ni Yeso a tao. So niyan no nimawakwak ko jira ang. Tana mavakes a tana mahakay am abo o ji ko rakpa jira a pain do pamemtengan.

Nimlivolivon 24:21

Ko naknakmen am yakmey yasa da pacioyyan jyaken, do mina kapanci ko no kanoyong ko do keypirwa no nimawakwak a tao a mavyay.”

Nimlivolivon 28:22

Am pancyan pala jyamen, ta namen katenngan inyo a yamraralay ni Yeso a da pacioyyan no aro a tao do peycyeylilyan na.”

Nimlivolivon 7:51

Maniring pa si Setiven am, “Inyo rana ji mangap so ciring a tao am kamo meyyangay a kano ji manaralay a tao a ji ngahap so ciriciring ni Ama ta do to. Ta nyo to nginara sira o ineynapo nyo a ji ngahap so Seyzi.

Nimlivolivon 9:2

ta kakzeben na o kapeyteygami na no tomalamozong no aro a peyneynozyan da no tao do Yotay do Tamaseke a ili a manci no kapya da sya omrakep so amraralay ni Yeso a tao, tana mahakay a tana mavakes am miminen na sira yangay do pamemtengan do Yelosaleng.

Loma 11:7

Am ori o ji da makahapi sya no Isedi a tao so kakzeben da no nakem. Ta o nipamnekan na ni Ama ta do to am ori o nivonas na so raraten a kabnek na sira abo so raraten do tangain na, ta nipeyhanhan da si Yeso Kizisto. Am o karwan no tao am to da nazibwan o pangangasyan na ni Ama ta do to.

Loma 9:18

Am ori an, ta o ikarilaw na am to na mangozai ni Ama ta do to o nakenakem na. O pasaliten na so onowned am todasalit so onowned.

1 Kedinto 16:9

Tana yaro yamrahet jyaken a yameylimwang no ciriciring na ni Ama ta do to am ko ji macimazai. Ta yatey yaro o makza no ciriciring na ni Ama ta do to.

1 Timotay 6:5

Ta ori o yapwan no kato da mangamaogan so malas a nakenakem a kano marahet a icicirawat da. O nakenakem da nira omraralay ni Ama ta do to am naknakmen da o kapeynizpi da nya.

2 Timotay 1:15

Mo katenngan rana, ta o tao rana do Yasiya pongso ya am sira mamimin a yajyakza nyaken. Yakman sang si Veykelo a kani Hemokenay a yajyakza nyaken.

2 Timotay 3:5

Ta sira rana am akmey manaralay sira am ji macipayok o vazay da, ta to da nazibwan o oyowyat na ni Ama ta do to. O akman rana sang a tao am ji mo macikasngeni sira an.

2 Timotay 4:2

Am ori o peylimwangan mo no ciriciring na ni Ama ta do to. Tana amizngen da, tana ji da ngamiznga am ji ka hayo so onowned a amvavaga jira kano mapait sira a omnanao sira.

Sipolay 3:13

Mangday kamo do araraw a amvavaga do kadwan jinyo do yanyo ikavyay pa ya. Ta kalittan o tatasa jinyo a to nazibo ni Ama ta do to.

2 Pite 2:12

Am o malas so ipangnanao a tao am sya akmey omalalam a yaji makateneng do kasnekan da a yamapananala so omwakwak sira a tao. Da ikazyak o yada jyatenngi a vazay. So ikanoyong na mangay jira no peyoyaoyyan na ni Ama ta do to,

2 Pite 2:2

Tana somagpyan sira am amyan so aro a tao a macilolo jira a mapasagpyan so nakenakem da. So ikanoyong no nanao na ni Ama ta do to a pasagsagpyanen da no tao.

Yota 1:10

Am sira rana a malas so ipangnanao a tao ori am da to rehrehta o yada jyatenngi a vazay. So da icyakmey omalalam a ji makateneng do apya kano marahet. Ori rana o ipakasapa da so peyoyaoyyan na ni Ama ta do to.