Nimlivolivon 19:2 - Seysyo No Tao

² Maniring si Pawlo jira am, “Manngwa, nimeydedna jinyo o Seyzi no kanoyong nyo ji Yeso Kizisto an?” Maniring sira am, “Namen pa jya nimamizing o Seyzi.”

Nimlivolivon 19:2 Σταυροειδείς Αναφορές

Yowani 7:39

O ciring ni Yeso am pakacirngen na do omanoyong jya do kapakahap da so Seyzi. No kano nang am ji pa nimeygegcin o Seyzi do omanoyong jya tao, ta ji pa nimakaranes o azwazway na a nimirwa a mavyay a meycyakavat do teyngato si Yeso.

Nimlivolivon 10:44

Mangononong si Pite am oyatan no Seyzi o omamizing so ciring na tao.

Nimlivolivon 19:5

Mamizing da o ciring na ni Pawlo am pangozayan da o ngaran ni Yeso to rana mya so kataktak da jira,

Nimlivolivon 2:17

‘O ciring na ni Ama ta do to am: No marateng rana o araraw ko no makwa am tovoin ko o Seyzi a macikaop do aro a tao. O anak nyo a mahakay a kano mavakes am mangay o kapanoyonoyo da so ciriciring ko. So iyan no malavayo a mahakay a makacita so mapangyangyalak a ipacita ko jira do akma dey tateynep. So iyan no rarakeh a mahakay a meytateynep so mapeyzokab a ipatateynep ko sira.

Loma 1:11

Inaoy si macita ko inyo a kananao ko jinyo a kowyat nyo na meyhanhan ni Ama ta do to, do kasidong na jinyo no Seyzi.

1 Kedinto 6:19

Nyo jyatenngi o na keyyan jinyo no Seyzi na ni Ama ta do to a nitoro na jinyo? So ikabeken a inyo no kataotao nyo.

Cyalatay 3:5

Na nitoro ni Ama ta do to o Seyzi jinyo a yamapeyvazay so mapeyzokab a vazay. Am manngwa, yamonganay ori do yanyo kahap so iwawalam na ni Moyse? No yamonganay do yanyo kanimakamizing so Mapasaray a Ciriciring na ni Ama ta do to.