Nimlivolivon 16:1 - Seysyo No Tao

¹ Mangay sira do Tepey a kado Disetela am amyan dang so asa ka tao a amraralay ni Yeso a meyngaran si Timotay. O ina na am tao do Yotay a amraralay ni Yeso. Am o ama na am tao do Sila.

Nimlivolivon 16:1 Σταυροειδείς Αναφορές

Nimlivolivon 14:1

Makaranes si Pawlo a kani Parnapo do Ikenyan a ili am mangay sira do peyneynozyan da no tao do Yotay a mangnanao. So nikaro no tao do Yotay a kano beken a tao do Yotay a omanoyong rana ji Yeso.

Nimlivolivon 14:21

Makaranes sira do Tepey am ipeylimwang da o Mapasaray a Ciriciring na ni Ama ta do to. Am ori o nipeyparo da no tao a omanoyong rana ji Yeso. Meyratateng am meysinaoli rana sira mangay do Disetela kado Ikenyan a kado Antia ili a macinapnap do Pisitiya.

Nimlivolivon 14:6

Mamizing ni Pawlo a kani Parnapo am somazok sira do Disetela kado Tepey a ili a macinapnap do Dikawniya kado macisngen dang a ili,

Nimlivolivon 17:14

Am ori o nyangayan da ni Pawlo no sinjya do minato. Si Sila kani Timotay am nimavezed sira do Peyloya.

Nimlivolivon 18:5

Mai rana sira Sila kani Timotay a nimapo do Maciton am masangib si Pawlo a meylimwang nya do tao do Yotay so kanoyong na ni Yeso a Misayya a nitovoy na ni Ama ta do to.

Nimlivolivon 19:22

So nipanman na so rarwa ka somidong sya si Timotay a kani Ilato a mangay do Maciton. Si Pawlo am mina todavezed do Yasiya.

Loma 16:21

Na ipeyminaminasi inyo no mina kararay ko a si Timotay a nimeylimwang no ciriciring na ni Ama ta do to. O kasina ko no inawan a meyngaran si Lociye a kani Yeson a kani Sosipate am sira mamimin a yameyminaminasi ninyo.

1 Kedinto 16:10

No si mangay si Timotay jinyo dang am taotawwen nyo an, a kapiya na no onowned na an. Ta yanamen meyyangay a yamahap so vazay na ni Ama ta do to.

1 Kedinto 4:17

So tovoyan ko si Timotay a mangay jinyo do dang. Ta iya rana do ta raralayan ni Yeso am ney mowyat ori akma koy anak. So pazimanan na sya jinyo so ahahapan ko sya, do ko kararalay ni Yeso Kizisto. Ori rana am nipangnanao ko rana ori do peycyakyokyokayan na.

1 Kedinto 7:14

Ta o ji manaralay a mahakay a nimapazagpit rana so manaralay a mavakes am masidong na no mavakes na. So ipacyangay na do mavakes na masidong na ni Ama ta do to. So icyakman na sang no nimacivahavahay rana a ji manaralay a mavakes. Ta masidong na no mahakay na. Ta si ji sira akman sang am ji na nidonga ni Ama ta do to o ananak da. So ikanoyong da peypapyahen na ni Ama ta do to.

2 Kedinto 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a amlivolivon no ciriciring na. Yaken rana kano akma tey kakteh do cinai si Timotay am namen ipeyteygami inyo a Kedinto kyokay a kazagoman nyo a sinjya do Sila.

2 Kedinto 1:19

Akman sang o Anak na ni Ama ta do to a si Yeso Kizisto a yanamen nipeylimwang jinyo si Sila kani Timotay. Ta jyabliblis o ciring na. Ta o nipatwaw na rana ni Yeso a ciriciring na ni Ama ta do to am pangononongan na a peyvazain.

Veydipi 1:1

Yaken rana am si Pawlo ko a kani Timotay a lamlamsoy na ni Yeso Kizisto. Namen ipeyteygami inyo a yameyili do Veydipi a yamraralay ni Ama ta do to a yaomanoyong ji Yeso Kizisto a ka ninyo a panipanirsirngen do kyokay.

Veydipi 2:19

No si apyahen na ni Yeso a Panirsirngen ta am makeykai ko a tovoin si Timotay a mangay jinyo do dang. So ipakateneng ko do vazay nyo do dang.

Kelosi 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a omlivolivon no ciriciring na. Yaken rana kano akma tey kakteh do cinai a si Timotay am,

1 Tesalonicya 1:1

Yaken rana am si Pawlo ko. Yamen rana sira Sila kani Timotay am namen ipeyteygami inyo a kyokay do Tesalonicya a omanoyong ji Ama ta do to a kani Yeso Kizisto a Panirsirngen ta. Inaoy si itoro na ni Ama ta do to o pangangarilawan na jinyo a katoro na nya jinyo so ikapiya no onowned nyo.

1 Tesalonicya 3:2

Namen nitovoy o akma tey kakteh do cinai si Timotay a mangay jinyo do dang. Iya rana am kararay namen a mahap so vazay na ni Ama ta do to a meylimwang no Mapasaray a Ciriciring na ni Kizisto. O namen nitovoyan sya am sidongen na inyo a komdeng so nakem a omraralay ni Ama ta do to,

1 Tesalonicya 3:6

Sicyaikwa rana ya am yanimeysinaoli si Timotay a yanimapo jinyo. Na nipanci jyamen o nakenakem nyo si Ama ta do to a kano nyo pangarilawan so tao. Na ipanci jyamen o nyo kasangib a yamnakenakem jyamen a yamakza no kapakacita nyo jyamen. So nyo icyakman jyamen a yamapaw ninyo.

2 Tesalonicya 1:1

Yaken rana am si Pawlo ko. Yamen rana sira Sila kani Timotay am namen ipeyteygami inyo a kyokay do Tesalonicya a yamacikaop rana ji Ama ta do to a kani Yeso Kizisto.

1 Timotay 1:18

Manganako, mo Timotay, ko pakoyokoin pa jimo am ji ka onib so onowned an. Si myan so somengseng do ipeylimwang mo a ciriciring na ni Ama ta do to am naknakmen mo o mina kapamnek da jimo no kararay ta a meyvazay ji Ama ta do to.

1 Timotay 1:2

Ko ipeyteygami imo, mo Timotay, akma koy manganak do ta kapeyyangay a omanoyong ji Yeso Kizisto. Inaoy no si itoro na jimo ni Ama ta do to a kani Yeso Kizisto o pangangarilawan na kano pangangasyan na kano ikapiya no onowned mo.

2 Timotay 1:2

Imo rana mo Timotay a akma koy anak am ko ipeyteygami imo. Inaoy si itoro na jimo ni Ama ta do to a kani Yeso Kizisto a Panirsirngen ta o pangangarilawan na kano pangangasyan na kano ikapiya no onowned mo.

2 Timotay 1:5

Ta ko katenngan o na kajyalasan no onowned mo ji Ama ta do to. O akman rana sang a onowned mo si Ama ta do to am yana nimanmanma ji Loi a akes mo a kani Yonise a ina mo. So ko anoyngan jimo a yakman sang.

2 Timotay 3:11

Mo katenngan o ko kato nazibwan no aro a alalaw ko do Antia kado Ikenyan a kado Disetela. Am kanisomidong na jyaken ni Yeso a komaro do akman sang a nipeyrarehtan da jyaken no tao.

Veydimeng 1:1

Yaken rana am si Pawlo ko. Yako akmey nimanakaw a tao a yada aptengen do yako kahap so vazay na ni Yeso Kizisto. Yaken a kani Timotay am namen ipeyteygami imo a akma nameney kakteh do cinai, mo Veydimeng,

Sipolay 13:23

Ko kakzeben inyo a makateneng do na kanimakowbot rana no kakteh ta a si Timotay do pamemtengan. No si makeykai rana mai am macihza jyaken a mangay tomita jinyo.