Nimlivolivon 15:9 - Seysyo No Tao

⁹ pacittan na no kapeyyangangay na jyaten a patazadangen do teyngato. Na nivonas o raraten da no beken a tao do Yotay, do da kanoyong rana ji Yeso.

Nimlivolivon 15:9 Σταυροειδείς Αναφορές

Nimlivolivon 10:15

Maniring pa jya am, “O ipanci ni Ama ta do to apya kanen am ji mo mancyan a ji ngangana an.”

Nimlivolivon 10:28

Maniring jira am, “Nyo katenngan an, ta do iwawalam namen a tao do Yotay am ji namen a mya o kangay namen a komawalam jinyo a beken a tao do Yotay. Am kanimanci na nya jyaken ni Ama ta do to no kakyab. Ta maniring am, ‘Ji mo a ratan sira o beken a tao do Yotay. Ta ji meycyapyapinpinan o nyamamaog ko a tao do karawan.’

Nimlivolivon 10:34

Maniring si Pite am, “Ko katenngan si Ama ta do to a mapeyyangangay so tao.

Nimlivolivon 11:12

So nipancyan na nyaken no Seyzi so kaji ko ratan so kapacihza ko jira. O ananem eya akma tey kakteh do cinai a mina kararay ko a nyo macita eya am nipehza ko sira jyaken a mangay do Kaysadiya kasdep namen do vahay da Kenaylyo.

Nimlivolivon 14:1

Makaranes si Pawlo a kani Parnapo do Ikenyan a ili am mangay sira do peyneynozyan da no tao do Yotay a mangnanao. So nikaro no tao do Yotay a kano beken a tao do Yotay a omanoyong rana ji Yeso.

Nimlivolivon 14:27

Makaranes rana sira do Antia am lovoten da sira o sinjya a kapanci da nya jira so nisidongan na sira ni Ama ta do to do vazay da. Ta o ipeylimwang da do tao a ciriciring na ni Ama ta do to am nyanoyngan da no beken a tao do Yotay.

Loma 3:22

Si ipeyhanhan ta si Yeso Kizisto am abneken na rana yaten ni Ama ta do to a abo so raraten do tangain na. So ipeyyangangay na no nang a itoro na do meyhanhan nya tao.

Loma 3:9

Manngwa, namen apyapya pa tao do Yotay a kano karwan no tao do tangain na ni Ama ta do to? Jyabo kakman na sang a. Nipanci ko na o tao do Yotay a kano beken a tao do Yotay a yameyyangay a yameysaod pa so raraten.

Loma 9:24

So yata ikanoyong a na nipamnekan do tao do Yotay a kado beken a tao do Yotay.

1 Kedinto 7:18

Inyo rana tao do Yotay a niyongkadan rana do kataotao a manoyong a Isedi a tao a yamraralay rana ni Yeso am cyaha, ji nyo naywa o yongkad nyo. Am inyo rana beken a tao do Yotay a omanoyong rana ji Yeso am tana abo yongkad do kataotao nyo am abneken na inyo a anak na ni Ama ta do to.

Cyalatay 3:28

Am ori o ikabo rana no matarek do amraralay ni Yeso Kizisto a tao. Ta meyyangangay sira do tangain na. Tana tao do Yotay a tana beken a tao do Yotay, tana lamlamsoy a kano beken a lamlamsoy, tana mahakay a tana mavakes am kamo mamimin a akmey asa rana a yamacikaop ji Yeso Kizisto.

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Ivoso 3:6

O ji da nipatwaw a nanao na am na rana pazanoden o beken a tao do Yotay do meyngongyod a tao do Yotay a makahap so aryarilaw na jyaten ni Ama ta do to, do kanimakamizing nyo rana so Mapasaray a Ciriciring na ni Kizisto. So nyo rana icyakmey yasa so nakem a kano tao do Yotay a meyhanhan ni Yeso Kizisto a makahap so to meyyonong a ikavyay no pahad nyo.

Kelosi 3:11

No manoyong kakman ta sang am abo rana peytartarkan ta do tangain na ni Ama ta do to. Tana tao do Yotay a kano beken a tao do Yotay a tana jyapsek a kano mapsek a tao a tana peylamsoin da kano ji da peylamsoya a pacyangayan ta am ta meyyangangay a yarana vayo so onowned ji Kizisto. So ika iya no azwazwain ta.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.