Nimlivolivon 13:10 - Seysyo No Tao

¹⁰ Maniring jya am, “Imo rana ya am kamo meyyangay so nakenakem a kani Satan a yaji ngahap so vazay ni Ama ta do to, do mo kapanlita a yaomalalas do ciriciring na ni Ama ta do to.

Nimlivolivon 13:10 Σταυροειδείς Αναφορές

Matay 13:38

O nihakawan ori am karawan. O nitokos ori am monganay do italamozong ni Ama ta do to a tao. O tamek am aro a tao a italamozong ni Satan.

Matay 15:19

O mapo do onowned am amyan dang so makakaday a nakenakem no tao a ipeyraraten a mangap so tao, mangzakza, manakaw, mangalalas, manamwad.

Matay 23:13

“Inyo rana yatanwasiwasi a yamangnanao no iwawalam ni Ama ta do to a kano tao a macyagom do Vadisay am to kamo makasi. Ta inyo rana am nyo taywen o oyowyat ni Ama ta do to do tangain no tao. Nyo ji mya o kataotao nyo a macikaop do italamozong ni Ama ta do to. Akman sang o tao a nyo ji mya a yamacikaop do italamozong ni Ama ta do to.

Matay 3:7

Macita ni Yowani o aro a tao a macyagom do Vadisay a kano macyagom do Satokay a mai a manci ni Yowani a tomaktak jira am pamizngen na sira. Maniring jira am, “Inyo a yakmey mavowaw, sino ipanci jinyo o yanyo katayo no oyaoya na ninyo ni Ama ta do to.

Locya 11:39

Maniring si Yeso jya am, “Inyo rana tao a macyagom do Vadisay am nyo ji peylolita o kakanan nyo am onowned nyo am yamapno no yamakakaday a nyo peyraratenan.

Locya 11:52

Inyo rana yamangnanao no iwawalam ni Ama ta do to am to kanyo makasi an! Ta nyo to ngimongan o teneteneng ni Ama ta do to an. Am nyo jyakzan am nyo ji mya o tao a makateneng jya.”

Yowani 1:23

Maniring si Yowani am, “Yaken o nipanci ni Isayya a omlololos do kabwan no nihakawan no tao. Ta maniring am, ‘Ipeywadwad nyo o Panirsirngen so rarahan na.’ ”

Yowani 8:44

Inyo am anak kamo ni Satan. Ta nyo pangozayan o nakenakem no ama nyo a nimakalapo no kakwa o kapangap na so tao. Ji nakzan o manoyong a nanao, ta abo jya o manoyong a nanao. Cinatao na o kapangalalas na, ta iya rana am kapangalalas na a yapwan no makakaday a malas.

Nimlivolivon 20:30

Ta no makwa am amyan do tangain nyo so mangononong so malas amlita do amraralay ni Yeso Kizisto a tao. No amyan so akman sang a tao am ji nyo ngonoci.

2 Kedinto 11:3

Am yako ikanyahey o kapeyparahet no onowned nyo a todahamang rana ji Yeso Kizisto, akman si Iwa a nilittan no volay.

Cyalatay 1:7

Am to ko na mancyan jinyo am abo o ikadwa na no Mapasaray a Ciriciring na ni Ama ta do to. Am da kapeykawaw jinyo no tao a komaro do manoyong a nanao ni Yeso Kizisto.

Ivoso 4:14

a ji rana akman so kanakan, akmey azda a kano pagpag a jyatenngi so pamnemnekan a to ngonongonot so nakem do mangalalas so ciring a tao.

2 Pite 2:15

Da peymakarwan o apiya rarahan. So da ikanoyong a yamavozaw a yaominara so anak ni Peyley a meyngaran so Palang. Iya rana am ikeykakza na pa o keyyan no nizpi na, ji na ngezsangan o kapeyraraten na.

1 Yowani 3:8

O meyraraten pa tao am macibedbed pa ori ji Satan. Ta nimeycicinda no kakwa o kapeyraraten na ni Satan. Ori na nyai no Anak ni Ama ta do to a ombalinas so vazay ni Satan.