Nimlivolivon 13:1 - Seysyo No Tao

¹ O kyokay do Antia am amyan so panoyonoywan na so ciring ni Ama ta do to a kano mangnanao a tao. Sira rana am si Parnapo a kani Simoyang a ngaranan da si Vaheng a kano tao do Cidinay a meyngaran so Lociye a kani Manaeng a nipavahay ni ama na ni Helote a panirsirngen do Cyadidi a kani Sawlo.

Nimlivolivon 13:1 Σταυροειδείς Αναφορές

Matay 27:32

Makowbot sira am makasinmo sira so tao do Cidinay a meyngaran so Simong. Karahan am gacigatan da somabway no jyojika ni Yeso,

Locya 3:1

Ikalima na so icyarwa na (15) no awawan na no kapeypanirsirngen da sya no Loma tao so meyngaran si Tipilyo am panirsirngen da si Pangsyo Pilato do Yotay a kapeypanirsirngen da do Cyadidi si Helote. O kakteh ni Helote a meyngaran si Veydipo am panirsirngen da do Itodiya kado Telakeni. O meyngaran si Disaniya am panirsirngen da do Apidini.

Nimlivolivon 11:30

O nilovot da na nizpi am nipahanhan da si Parnapo a kani Sawlo a mangay nya do panipanirsirngen da do kyokay do Yelosaleng.

Nimlivolivon 12:25

Mateyka da rana o vazay da da Parnapo a kani Sawlo do Yelosaleng am palolwen da si Yowani Make a kapeysinaoli da do Antia.

Nimlivolivon 13:9

No kanang rana am nioyatan no Seyzi si Sawlo. (Mamlis rana am meyngaran so Pawlo.) Ori o mina to na pasilapi jya a citahen.

Nimlivolivon 15:32

Si Yota kani Sila am mateneng sira mangononong so ciriciring na ni Ama ta do to. Am ori o ikaro no ciriciring da ipowyat da so onowned da no akma dey kakteh do cinai.

Nimlivolivon 15:35

Si Pawlo a kani Parnapo am amyan pa sira do Antia amnanao so tao a meylimwang ni Yeso. So nikaro no mina kararay da somidong sira do vazay da.

Nimlivolivon 19:6

kakadain na sira paoptan na so lima na ni Pawlo. Karahan am meydedna jira o Seyzi. So nipeyzezyak da so matarek a ciriciring no Seyzi a kapeylimwang da no ciriciring na ni Ama ta do to.

Nimlivolivon 21:9

Amyan so papat a mavakes a anak na a jya nimacivahavahay pa. Sira rana am mamimin sira mateneng a mangononong so ciriciring na ni Ama ta do to.

Nimlivolivon 4:36

Akman sang o vazay na no asa ka Diwey a tao do Saypolose a pongso a meyngaran so Yoseyvo. O ingaran da jya no nipamnekan na ni Yeso a omlivolivon no ciriciring na am si Parnapo. O peypeypangayan no ngaran na ori am “Mapayyait so nakenakem.”

Nimlivolivon 9:1

No kanang rana am ji namtadan ni Sawlo o kalalaw na so omraralay ni Yeso a tao a zakaten. Am ori o nyangay na do rako a panirsirngen no mapatanatanang so nakem da si Ama ta do to,

Loma 16:21

Na ipeyminaminasi inyo no mina kararay ko a si Timotay a nimeylimwang no ciriciring na ni Ama ta do to. O kasina ko no inawan a meyngaran si Lociye a kani Yeson a kani Sosipate am sira mamimin a yameyminaminasi ninyo.

1 Kedinto 11:4

No meynozi sira kapangononong da no mahakay do kalwalovotan a meysakop am manoyong sira komolala si Kizisto.

1 Kedinto 13:2

Tana mateneng ko a mangononong so ciriciring na ni Ama ta do to a yanan no makakaday a teneng a makateneng do nanao na ni Ama ta do to a mowyat so nakenakem a to rana makapeylis so tokon a mangay do awa, kabo no pangangarilawan ko so icyatatao ko am ikongo peypeypangayan na no nang.

1 Kedinto 13:8

O pangangarilawan rana am jyavitos. Ta to meyyonong o kapangarilaw so tao. Am o teneteneng do pangananawan am mavivitos. Akman sang o meyzezyak so macitarek a ciring. Ta amyan so kasaraw a ikavitos na. Akman sang, ta ji meyyonownay o teneteneng a makateneng do nanao na ni Ama ta do to.

1 Kedinto 14:29

Am o mangononong so ciriciring na ni Ama ta do to am apya ka rarwa da am tatlo no manci nya. O mangamizing a tao am pakamizngen da o kanoyong na kalas na no ciring da.

1 Kedinto 14:32

O yanan no teneteneng a mangononong so ciriciring na ni Ama ta do to a tao am ingtwan na o kataotao na, ta ji to meyzezyakan.

1 Kedinto 9:6

Manngwa, abo nakenakem nyo jyamen si Parnapo a yamnanao jinyo no ciriciring na ni Ama ta do to a kato namen ngonongonongan do kahakakaw namen a amyaw so velek namen?

Cyalatay 2:13

Macita da no karwan da no tao do Yotay si Pite a akmey jya nikoman am to da nginara si Pite. So nikakman na sang ni Parnapo.

Cyalatay 2:9

Am katenngan da no panipanirsirngen do kyokay a si Yake a kani Pite a kani Yowani o ka yaken na no nipanta na ni Ama ta do to so oyowyat a meylimwang no Mapasaray a Ciriciring na do beken a tao do Yotay am isaray da yaken a kani Parnapo. Am ori o mina to da macipanadngi jyamen a meylimwang no Mapasaray a Ciriciring na ni Ama ta do to do beken a tao do Yotay. Am sira am to sira tarek a mapamizing so tao do Yotay.

Ivoso 4:11

Iya o nimanta no tao so teneteneng a kano oyowyat da. Nitenngan na o tatasa ka tao a amlivolivon no ciriciring na, kapamnek na do tatasa ka tao a mangononong so ciriciring na, kapamnek na do tatasa ka tao a meylimwang no Mapasaray a Ciriciring na. So iyan no tao a panirsirngen do kyokay amnanao so sinjya.

Veydipi 4:22

Sira mamimin o sinjya do jya kano tao do vahay na ni Kaysa a yameyminaminasi ninyo.

1 Tesalonicya 5:20

Ji nyo ngolala o ipanci da no meylimwang no ciriciring na ni Ama ta do to.