Nimlivolivon 12:11 - Seysyo No Tao

¹¹ Katenngan na rana ni Pite am maniring am, “Ko na katenngan sicyaikwaya o na kanoyong ni Ama ta do to a nimapahanhan so tinsi na a omahap jyaken a komaro do ahapan na so inawan ko ni Helote a kano peymetdehan da jyaken no aro a tao do Yotay.”

Nimlivolivon 12:11 Σταυροειδείς Αναφορές

Locya 15:17

Mownay am manakenakem. Am ori o nipancyan na no, ‘Yajyavilangi o lamlamsoy ni ama. Yajyagiji o kanekanen da do vahay namen. Am ikongo yako ipacikekcin do jya.

Nimlivolivon 12:7

Am to ngyan so asa ka tinsi ni Ama ta do to a meytatanek. So nicirayan na so pamemtengan a kapinan na do pakaw na ni Pite a yokain. Maniring am, “Kayokay rana.” Meyratateng am mina todazavat do lima na ni Pite o nivaod da sya.

Nimlivolivon 24:27

Marateng o kadwa kawan am palitan na si Veydise no meyngaran so Pocyo Veyseto a meypanirsirngen. Am ikongo do kakzeben na ni Veydise no kaglaw da nya no tao do Yotay, am ori o ji na nimapasawai si Pawlo do pamemtengan.

Nimlivolivon 25:9

Am kakdain na ni Veyseto o karilaw da nya no tao do Yotay. Maniring ji Pawlo am, “Manngwa, apyahen mo o kangay mo do Yelosaleng a pacicin ko dang an?”

Nimlivolivon 5:19

Mahep rana am amyan so tinsi ni Ama ta do to a nimiwang do pamemtengan a kapalolo na sira makowbot. Maniring jira am,

Sipolay 1:14

Ikongo o tinsi. Sira rana am na kalamsoyan sira ni Ama ta do to a somidong so yarana makahap so to meyyonong a ikavyay no pahad da tao.

2 Pite 2:9

Am katenngan na ni Ama ta do to a pahawahen sira o jyablis so onowned a makanakem sya a tao do alalaw da. So ipakateneng na ni Ama ta do to do meyraraten a tao a pasingsingtan no marateng o araraw na no peykapyapinpinan na so tao.