Nimlivolivon 11:16 - Seysyo No Tao

¹⁶ Ori o nipakanakman ko so mina ciring na no Panirsirngen ta a si Yeso. Maniring am, ‘Si Yowani rana am nitaktakan na inyo no ranom. Am do kadadayan no araraw am meyhekas jinyo o Seyzi.’

Nimlivolivon 11:16 Σταυροειδείς Αναφορές

Matay 3:11

Ko taktakan inyo no ranom do nyo na kapamlis. Am o manownowji pa ka nyaken a yamai am taktakan na inyo no Seyzi a kano apoy. So ikaizaizay na pa ka nyaken. So ji ko macingai jya.

Matay 3:6

Ipanci da o raraten da. Am ori o nitaktakan na jira ni Yowani do meyngaran so Yotan a ayo.

Make 1:8

Ranom o ko itaktak jinyo. Am iya rana am taktakan na inyo no Seyzi.”

Locya 24:8

Am ori o nipakanakman da rana sya no mavavakes so mina ciring na ni Yeso,

Locya 3:16

Am ori o pancyan na nya ni Yowani do tao so, “Ranom o itaktak ko jinyo an. Am amyan pa so mahamahama ka nyaken a mai. Ta abwata o pacicingayan ko jya. Ta iya rana am Seyzi a kano apoy o itaktak na jinyo.

Yowani 1:26

Maniring si Yowani am, “Yako manaktak no ranom. Am amyan so asa ka tao a yamacikaop jinyo a yanyo jyatenngi.

Yowani 1:33

Ji ko a tenngi no kakwa o nitovoy na ni Ama ta do to. Am yamaniring jyaken si Ama ta do to a mapahanhan jyaken a manaktak no ranom am, ‘O macita mo a peyhekasan no Seyzi a tao am iya o manaktak no Seyzi.’

Yowani 14:26

O yasomidong jinyo a Seyzi am tovoin na jinyo ni Ama ta do to a kapalit ko a kananao na jinyo no makakaday a vazay a kapakanakem nyo na so mina ciring ko jinyo no kakwa.

Yowani 16:4

No makaranes rana o akman sang a vazay am cyaha, ta nipaziman ko na jinyo. Ji ko nipeycicinda nipanci jinyo o akman sang a vazay, ta macikaop ko pa jinyo.

Nimlivolivon 20:35

Am ori o inaran nyo jyaken an. So ipakowyat nyo a meyvazay an. Ta ori o ipakasidong nyo so ji makahakaw a tao. Manakem nyo o mina ciring na jyaten ni Yeso a Panirsirngen ta. Ta maniring si Yeso am, ‘Rakorako pa o sarasaray no onowned no mangazaw a kano azawen da tao.’ ”

1 Kedinto 12:13

Am ori o tana tao do Yotay ta, tana beken a tao do Yotay ta am tana lamlamsoy da yaten am tana to ta ngonongonongi o vazay ta am cyaha. Ta tamo na nimamimin a nitaktakan no Seyzi. So ta icyakmey yasa ka tao so kataotao a yana italamozong no yasa ka Seyzi.

2 Pite 3:1

Manga kakteh, oya rana am ikadwa na ya no teygami ko jinyo. Yameynanod yadwa ka teygami a yana adketan no ciring a yako ipaziman jinyo, a yako ivavaga jinyo a peyparakwen so nakenakem.