Nimlivolivon 10:5 - Seysyo No Tao

⁵ Am ori o ipanovoy mo so tao a mangay do Yepey a manci no meyngaran so Simong Pite a mai.

Nimlivolivon 10:5 Σταυροειδείς Αναφορές

Make 3:16

Sira rana nipamnekan ni Yeso am si Simong. O nitoro na ni Yeso a ngaran na am si Pite,

Yowani 1:42

Makarahan am yangay na si Simong ji Yeso. So nisingkadan na jya ni Yeso. Maniring am, “Imo rana mo Simong am anak na imo ni Yowani. O ngaran mo na am si Civa.” (O peypeypangayan no Civa am Pite. O Pite rana am lalitan.)

Nimlivolivon 10:18

Maniring sira am, “Yamyan so asa ka tao a meyngaran so Simong Pite a yamisan do jya?”

Nimlivolivon 10:32

So ipanovoy mo so tao a mangay do Yepey a manci no meyngaran si Simong Pite a mai. Iya rana am yamisan do vahay ni Simong a mapakapkapya so nihab da kolit no baka. Yamasngen do pasalan o vahay da.’

Nimlivolivon 15:7

So nikownay da nimeysirisiring. Meyratateng am meytatanek si Pite. Maniring jira am, “Manga kakteh, nyo katenngan yaken a na nipamnekan ni Ama ta do to a mangay a mapamizing so beken a tao do Yotay no Mapasaray a Ciriciring.

Nimlivolivon 16:9

Mahep rana am amyan so nipacita na ji Pawlo ni Ama ta do to, do akma ney tateynep. Macita na do akmey tateynep o asa ka tao do Maciton a meytatanek a mapasyasi jya. Maniring am, “Mai kamo do Maciton a somidong jyamen.”

Nimlivolivon 9:36

Do Yepey rana ili da am amyan so asa ka mavakes a omraralay ni Yeso a meyngaran si Tapitay. O ngaran na do ciring no Sila am si Tocya. Peypeypangayan na am ibosbosan. Aro apiya vazay na, ta sidongen na sira o abo so nizpi a tao.

Nimlivolivon 9:38

Manovoy sira so rarwa ka tao a mangay ji Pite, ta mamizing da si Pite amyan do Dita. Maniring sira am, “Makeykai ka mangay do ili namen.”

Nimlivolivon 9:42

O akman rana sang a vazay am nimamizing da rana no tao do Yepey. Ori o nipeyparo da rana no tao a omanoyong ji Yeso do Yepey.

Nimlivolivon 9:43

Si Pite rana am todavezed do dang a macivahay ji Simong. O vazay ni Simong am mapakapkapya so nihab da kolit no baka.