Nimlivolivon 10:1 - Seysyo No Tao

¹ Amyan so asa ka tao do Kaysadiya a ili a meyngaran si Kenaylyo a panirsirngen da no asa lipenpenan a itaysang do Itadi.

Nimlivolivon 10:1 Σταυροειδείς Αναφορές

Matay 27:27

O imong ni Pilato a itaysang no Loma am yangay da na si Yeso do pantaw no vahay ni Pilato a limoten.

Matay 27:54

Macita na no panirsirngen no itaysang no Loma kano kararay na nimamzat ji Yeso o nimeykanini a kano makakaday a vazay am manyahey sira. Maniring sira am, “Yamanoyong ya Anak no Tao do to.”

Make 15:16

Karahan am yangay da no itaysang no Loma si Yeso do tezantehed no vahay ni Pilato a kapeylovolovot da na so aro a itaysang.

Locya 7:2

Amyan dang so mimong no asa poo (100) a itaysang no Loma. Iya rana am amyan so asa ka ney kaglaw na lamlamsoy na meyngen a toda jyangangay so inawan.

Yowani 18:12

O itaysang no Loma kano panirsirngen da kano omzat do rako a panaralayan am rakpen da si Yeso a kavaod da sya.

Yowani 18:3

No kano nang am yangay na rana ni Yota o aro a itaysang no Loma do yanan da Yeso a kano macinanao jya. O omzat do rako a panaralayan a nitovoy da no tao a macyagom do Vadisay a kano mapatanatanang so nakem da si Ama ta do to am mangay sira do yanan da Yeso a meypinan so voovoo da kano soo da.

Nimlivolivon 10:24

Ikatlo na araw am makaranes rana sira do Kaysadiya. Am amyan rana do dang si Kenaylyo a kano zipozipos na kano kagakagagan na amnanala sya.

Nimlivolivon 21:31

To da ji wakwaka si Pawlo am keyyan no asa ka panirsirngen no itaysang no Loma a nimakamizing sya.

Nimlivolivon 21:8

Ikadwa na araw am karwan namen rana dang a mangay do Kaysadiya. So nirateng namen do vahay ni Veydipo. Iya rana am vazay na o kapeylimwang na no Mapasaray a Ciriciring na ni Ama ta do to. Iya rana am ikapapito da no nipamnekan da a somidong so vazay do kyokay do Yelosaleng no kakwa. Karahan am misan namen do dang.

Nimlivolivon 22:25

To da ji nipsipzoci am maniring si Pawlo do itaysang amyan dang am, “Manngwa, manoyong a iwawalam nyo a Loma o kapanmanma nyo a mamakbak so tao do Loma an? No manmanma o kakala nyo so karatan na.”

Nimlivolivon 23:23

Am ori o nipanara na no panirsirngen no itaysang so rarwa ka lamlamsoy na. Maniring jira am, “Meykala kamo so adwa poo (200) a itaysang a kano kakapitwan (70) a omavang do baka a itaysang a kapeykala nyo pa so adwa poo (200) a meycinalolot a macihza jira. Ta simahep do ikasyam no toki am yangay nyo si Pawlo do Kaysadiya,

Nimlivolivon 23:33

Makaranes sira do Kaysadiya am itoro da rana o teygami do kabtekan da panirsirngen a katoro da ni Pawlo jya.

Nimlivolivon 25:1

Macipalit o kabtekan da do Kaysadiya a panirsirngen a meyngaran so Veyseto am mangay rana do Yelosaleng do ikatlo na araw.

Nimlivolivon 25:13

Kadadayan na so araraw am mangay si Aglipa a panirsirngen a kano mavakes a meyngaran si Peynici do Kaysadiya a somaray ni Veyseto, do mina kapamnek da jya panirsirngen da.

Nimlivolivon 27:1

Ikongo do nipamnekan da no panipanirsirngen o kangay da ni Pawlo do Itadi, am ori o nitorwan da ni Pawlo a kano aro a nipteng da do mimong no itaysang no Loma a meyngaran si Sodian.

Nimlivolivon 27:31

Am maniring si Pawlo do mimong no itaysang a kano macilolo jya itaysang am, “No si somaway sira ito am jyabo kavyay ta.”

Nimlivolivon 27:43

Am o mimong no itaysang am ikarilaw na si Pawlo. So ji na nimyai sira amwakwak sira. Maniring rana do aro a aptengen da tao am, “Inyo rana yamakeykeyyawat am peyyawat kamo na mangay do pamsan na.”

Nimlivolivon 8:40

Nimacita da rana no tao si Veydipo do Atsoto a ili a kalivon na so peycyeylilyan na peylimwangan no Mapasaray a Ciriciring na ni Ama ta do to mangay no kapakaranes na rana do ili do Kaysadiya.