Matay 9:3 - Seysyo No Tao

³ Onowned da no tatasa ka mangnanao no iwawalam ni Ama ta do to am ipanci da si Yeso a komolala si Ama ta do to no ciring na.

Matay 9:3 Σταυροειδείς Αναφορές

Matay 26:65

Mamizing na ori no panirsirngen no mapatanatanang so nakem da si Ama ta do to am to na rana misipisinga o ayob na. Maniring am, “Na to ngolala si Ama ta do to no ciring na. Taosya rana o kakala ta so karatan na. Tamo nimamimin a yanimakamizing so na iraherahet si Ama ta do to.

Matay 7:29

Ta tey rako oyowyat na no ipangnanao na, do kapacitarek na no ipangnanao na kano aro a mangnanao no iwawalam ni Ama ta do to a tao.

Make 14:64

Ta nyo na nimamizing o ciring na na iraherahet si Ama ta do to. Pancyan kamo pala, kongwen takamo ya.” Mamimin sira manci no kawakwak sya.

Make 3:28

“To ko na macitangayan jinyo am o makakaday a raraten a kano marahet a ciriciring no tao am todamimin pa ori a mavonas.

Make 3:29

Am o omraherahet so Seyzi na ni Ama ta do to am to rana meyyonong a akman sang a jyavonas. Ta o akman rana sang a raraten no tao am to rana meyyonong o akman sang.”

Make 7:21

Ta o meytotwaw a apo do onowned a makakaday a raraten am ingingit na sya mangay mapeyvazay so kapanakaw na, kapanwakwak na,

Locya 5:21

Am ori o nikazyakan da nya no tao a macyagom do Vadisay a kano mangnanao no iwawalam ni Ama ta do to. So nipancyan da no, “Sinosino o tao eya a yato nazovaz si Ama ta do to. Ta si Ama ta do to saon o makavonas so raraten no tao.”