Matay 27:1 - Seysyo No Tao

¹ Apnezak am malovot sira o panipanirsirngen no mapatanatanang so nakem da si Ama ta do to a kano kamanrarakehan da no tao do Yotay a meykaygi no kawakwak da si Yeso.

Matay 27:1 Σταυροειδείς Αναφορές

Matay 23:13

“Inyo rana yatanwasiwasi a yamangnanao no iwawalam ni Ama ta do to a kano tao a macyagom do Vadisay am to kamo makasi. Ta inyo rana am nyo taywen o oyowyat ni Ama ta do to do tangain no tao. Nyo ji mya o kataotao nyo a macikaop do italamozong ni Ama ta do to. Akman sang o tao a nyo ji mya a yamacikaop do italamozong ni Ama ta do to.

Make 15:1

Apnezak do ikadwa na araw am meykaygi rana sira o panipanirsirngen da no mapatanatanang so nakem da si Ama ta do to a kano kamanrarakehan a kano mangnanao no iwawalam ni Ama ta do to a kano aro a panipanirsirngen. Karahan am pamnekan da na o vazay da. Meyratateng am vaoden da na si Yeso a yangay ji Pilato.

Locya 13:1

No kano nang am amyan so tao a manci nya ji Yeso so, “Yamapatanang sira o Cyadidi a tao so nakem da si Ama ta do to am na to wakwaka sira ni Pilato.”

Locya 22:66

Madagdag am meysinsinmo rana sira o kamanrarakehan da no tao do Yotay a meysirisiring nya. Sira rana ori am panipanirsirngen no mapatanatanang so nakem da si Ama ta do to a kano mangnanao no iwawalam ni Ama ta do to, kangay da ni Yeso do peykeykaygyan da.

Yowani 18:28

Madagdag am hapen da si Yeso do yanan ni Keyava a vahay a kangay da nya do meymatmatngeh nira Loma tao a meyngaran so Pilato. Am ji sira nimacisdep o tao do Yotay. Ta raten da no nakem o kapacisdep da do vahay no beken a tao do Yotay do ipamaringan da so kanen a ingaran da Iyeci. Ta no si macisdep sira am ji da mya sira macipamaring so kanen jira.

Nimlivolivon 5:21

Madagdag rana am somdep sira do rako a panaralayan a mangnanao. Meyratateng am o rako a panirsirngen da no mapatanatanang so nakem da si Ama ta do to a kano kararay na am lovoten da sira o kamanrarakehan da no tao do Yotay a kapanovoy da so tao a mai no amyan do pamemtengan a nipamnekan ni Yeso a omlivolivon no ciriciring na.