Loma 3:31 - Seysyo No Tao

³¹ No akman sang am manngwa, todabo rana o oyowyat na no iwawalam na ni Moyse? Jyabo kakman na sang a. Ta o manoyong a meyhanhan ni Yeso Kizisto a tao am ori o ipanci a manoyong a mangononong do iwawalam na ni Moyse.

Loma 3:31 Σταυροειδείς Αναφορές

Cyalatay 2:21

Ko ji zazaci o pangangasyan na ni Ama ta do to. No si iwawalam na ni Moyse o abnekan na jyaken ni Ama ta do to a abo rana so raraten do tangain na am manngwa, abo saon o peypeypangayan no na kanimawakwak ni Kizisto am.”

Matay 5:17

“Ji nyo mancyan yaken a yambalinas so iwawalam ni Moyse a kano nanao da no panoyonoywan na so ciring ni Ama ta do to. Ta yaken rana am yako patwawen o peypeypangayan na.

1 Kedinto 9:21

Akman sang no kapacikaop ko do beken a tao do Yotay. Ta ko inarahen sira a ji ngahap so iwawalam na ni Moyse, do ko kahap sira yapanopen. Am beken a kaji ko ngonotan do iwawalam na ni Ama ta do to. Ta yako pangozayan o iwawalam na ni Kizisto.

Loma 10:4

O na nyai ni Kizisto do karawan am ipanci na o kabo no oyowyat no iwawalam na ni Moyse a amvonas so raraten no tao. Ta si Ama ta do to o makavonas so raraten ta tao. So ikanoyong no meyhanhan rana nya tao a abneken na ni Ama ta do to a abo rana so raraten do tangain na.

Loma 8:4

O nikakman na sang ni Ama ta do to am na ikarilaw yaten a ji makataptap so iwawalam ni Moyse. Am ori o na nitovoyan so Seyzi a omoyat jyaten a omonot do isaray na ni Ama ta do to a vazay, a ji rana meyraratenan.

Cyalatay 2:19

Yaken rana am ko katenngan o kaji makahapan so to meyyonong a ikavyay no pahad ko no si pangozayan ko o iwawalam ni Moyse. Am ori o ko na ji ngapi so iwawalam ni Moyse. Ta ko na hapen o vazay na ni Ama ta do to. Ko akmey to macizasing so kataotao ji Kizisto a nimawakwak do jyojika.

Loma 7:25

Ko isaray ji Ama ta do to. Ta yana sidongen yaken ni Yeso Kizisto a Panirsirngen ta. Yako ikakza o yako kownot ji Ama ta do to am o raraten do onowned ko am ori o yasomengseng jyaken.

Loma 7:22

Am o na ikakza no onowned ko am vazay na ni Ama ta do to.

Loma 4:14

Ta no si azawen na yaten ni Ama ta do to do kahap ta so iwawalam na ni Moyse am manngwa, abo saon o peypeypangayan no kapeyhanhan ta ni Ama ta do to. So ikabo na saon no peypeypangayan no mina ciring na jyaten am.

Loma 3:4

Jyabo kakman na sang a. Tana todamimin o tao a mangalalas am jyabo kapangalalas na ni Ama ta do to a. Akman so ciring na do Seysyo. Ta maniring am, “No mehtaw o ciring mo am yamo pangononongan an. No kapacici da jimo am ji ka nikapatawan.”

Matay 15:6

Nyo tongbowa no iwawalam nyo o Ciriciring ni Ama ta do to, do yanyo kapyapya pa so iwawalam no ineynapo nyo.

Matay 5:20

Am ori o ko pancyan ninyo a makowyowyat pa kano mangnanao no iwawalam ni Ama ta do to a tao a kano tao a macyagom do Vadisay a mapeyvazay so vazay na ni Ama ta do to. Ta ori saon o ipacikaop nyo do italamozong na ni Ama ta do to am.

Matay 3:15

Maniring si Yeso jya am, “To ta macyozai o akman sya vazay an. Ta o ikakman na sya am ahapen ta o vazay ni Ama ta do to.” Makarahan am to na rana amya ni Yowani a taktakan si Yeso.

Locya 20:16

Jyabo kaji na balinasan sira a kapapalit na so tao a amvood so nihakawan na.” Mamizing da no aro a tao o ciriciring na am ipanci da o, “Jyabo kato na akmanan sang no vazay a.”

Loma 2:20

Nyo ipanci o kataotao nyo a makananao so jyateneng a tao. Nyo kapanci no kataotao nyo a mapamizing so avayo pa amraralay ni Ama ta do to a tao do yanyo kapakateneng do manoyong a nanao, a yamangozay do iwawalam na ni Moyse.

Loma 3:6

Beken a akman sang an. Ta no si malas o kapasingsingkad na jyaten ni Ama ta do to am makongo so wanjin a mapeykapyapinpin so tao do karawan.