Loma 3:20 - Seysyo No Tao

²⁰ Abo asa ka tao a mangozay do iwawalam na ni Moyse a manoyong a manci no kabo no raraten na do tangain na ni Ama ta do to. Ta o iwawalam na ni Moyse am kapanidong na so tao a makateneng do raraten da.

Loma 3:20 Σταυροειδείς Αναφορές

Cyalatay 2:16

Am ta katenngan an, o ipacikaop no tao ji Ama ta do to am anoyngan si Yeso Kizisto. Beken a omagaz do kahap so iwawalam ni Moyse. Yaten rana am yata anoyngan si Yeso Kizisto. Am ori o ta ipacikaop ji Ama ta do to. So na ji monganai do ta kapangozay do iwawalam na ni Moyse. Ta abo o asa ka tao a meypapya no iwawalam na ni Moyse do tangain na ni Ama ta do to.

Loma 3:28

O ikabo no raraten no tao do tangain ni Ama ta do to am meykasaha. Ori rana am ipeyhanhan si Yeso Kizisto. So ikabeken a kahap ta so iwawalam na ni Moyse.

Cyalatay 2:19

Yaken rana am ko katenngan o kaji makahapan so to meyyonong a ikavyay no pahad ko no si pangozayan ko o iwawalam ni Moyse. Am ori o ko na ji ngapi so iwawalam ni Moyse. Ta ko na hapen o vazay na ni Ama ta do to. Ko akmey to macizasing so kataotao ji Kizisto a nimawakwak do jyojika.

Loma 4:15

O iwawalam na ni Moyse o yapwan no peyoyaoya na ni Ama ta do to. Ta abo yasa ka tao a manoyong a makahap sya. No abo pangozayan a iwawalam am do wanjin o kapwan no raraten no tao.

Loma 9:32

O da ikakman sang am yada ji meyhanhanan si Yeso Kizisto. Ta yada ipeyhanhan o da kapya no icicirawat. Am si Yeso Kizisto am akmey veysen a cikadan no tao, ta ji da meyhanhanan.

Loma 5:20

O nitoro ni Ama ta do to a iwawalam na ni Moyse am ipakateneng no tao do raraten da. Am tana akman sang am arakorako pa o aryarilaw na jyaten ni Ama ta do to.

Loma 4:13

O mina ciring na ni Ama ta do to ji Apolahan am itoro na o karawan ji Apolahan a kano sivosivovoong na. Am beken a kahap na ni Apolahan so iwawalam na ni Ama ta do to o peycirngan na sya, ta yamonganay do na kapeyhanhan ni Ama ta do to ni Apolahan. Ori nyabnekan na sya ni Ama ta do to abo so raraten do tangain na.

Cyalatay 5:4

Inyo rana yamnakenakem so kabnek na jinyo a abo so raraten ni Ama ta do to a yamangozay do iwawalam na ni Moyse am kanyo manoyong a yameyparai ji Kizisto, do nyo kataosya so oyowyat na ni Ama ta do to a yasomidong jinyo.

Loma 5:13

No kabo na pa no nitoro na ni Ama ta do to a iwawalam na ji Moyse am amyan rana so raraten no tao do karawan. Am o raraten no tao am ji pa mancyan a raraten da, ta abo pa o iwawalam a pangozayan da.

Loma 2:13

Beken a omamizing sya o abneken na ni Ama ta do to abo so raraten do tangain na. Ta o mangozay do iwawalam na a peyvazain o abneken na abo so raraten do tangain na.

Loma 7:11

Manoyong ko kakmey mavota no raraten. Am ori o ko nipasobnan do iwawalam na ni Moyse. So ikanoyong ko mangay do kararatan.

1 Kedinto 15:56

O kanyaheyan da no kawakwak da no tao am ikanyahey da o kaoya na nira ni Ama ta do to do kapeyraraten da. O ipeyraraten da am ji da ngapa o iwawalam na ni Ama ta do to.

Sipolay 7:19

Am cyaha, ta yarana myan so yapyapya pa hanhan ta a mapanop jyaten ji Ama ta do do. Iya rana am si Yeso Kizisto.