Loma 2:26 - Seysyo No Tao

²⁶ Tana ji da yongkaji no beken a tao do Yotay o kataotao da am no ahapen da o iwawalam na ni Ama ta do to am jyabo kaji na pazanodan sira do nimyongkad do kataotao da a tao ni Ama ta do to a avyain na.

Loma 2:26 Σταυροειδείς Αναφορές

Matay 15:28

Maniring si Yeso am, “Mo kavakes, yatey arako o nakenakem mo si Ama ta do to. So to na rana mangononongi no mo kakdain ang.” So nikapya na rana no anak na no kapanci na nya ni Yeso.

Loma 2:25

No kamo manoyong a yamahap so iwawalam na ni Ama ta do to am manoyong o keyyan no peypeypangayan no kayongkad do kataotao nyo. Am si ji nyo ngapa o iwawalam na am abwata peypeypangayan no kayongkad nyo do kataotao nyo.

Loma 2:27

So ikanoyong na a meydedna jinyo a tao do Yotay no peyoyaoyyan na ni Ama ta do to. Ta tana myan jinyo so nivatvatkan ni Moyse a iwawalam na ni Ama ta do to a amyongkad do kataotao nyo am nyo ji mangononongi o iwawalam na a peyvazain. Tana da ji yongkaji o kataotao da no beken a tao do Yotay am da pangononongan o iwawalam na ni Ama ta do to.

Loma 3:30

Yasa si Ama ta do to. O ikapya namen a tao do Yotay do tangain na am akman sang, ta inyo rana beken a tao do Yotay am no si anoyngan nyo si Ama ta do to am akman kamo sang a vonasen na so raraten.

Loma 8:4

O nikakman na sang ni Ama ta do to am na ikarilaw yaten a ji makataptap so iwawalam ni Moyse. Am ori o na nitovoyan so Seyzi a omoyat jyaten a omonot do isaray na ni Ama ta do to a vazay, a ji rana meyraratenan.

Cyalatay 6:15

So ji na ranakdengi no kayongkad do kataotao. Ta makdekdeng o vazay no Seyzi a omyavayo so onowned ta.

Ivoso 2:11

Am ori an, pakanakman nyo so kataotao nyo a ji da nipazasing no tao do Yotay a omraralay ni Ama ta do to no kakwa, do kaji nyo nginaran sira amyongkad do kataotao nyo.

Veydipi 3:3

Ta yaten rana am manoyong a niyongkadan na rana ni Ama ta do to, do kasidong na jyaten no Seyzi a yamraralay ni Ama ta do to. So ta ji mangozai do makakaday a iwawalam da no tao do Yotay a mapeypapya jyaten do tangain na ni Ama ta do to, ta si Yeso Kizisto o ozain ta. Am ori o yata ikasaray rana a yamacikaop jya.

Kelosi 2:11

So na rana iyan no yongkad nyo a yamonganay ji Ama ta do to a tao, do nyo kapacikaop ji Kizisto. Am o yongkad rana am beken a monganay do kataotao. Ta yamonganay ori ji Kizisto, do na kaniomyavayo so onowned nyo.