Loma 10:12 - Seysyo No Tao

¹² O peycirngan na so sang am kazagoman ta tao a meyhanhan nya. So ikabo rana no tao do Yotay a kano beken a tao do Yotay, ta si Ama ta do to rana am Panirsirngen ta tao do karawan. So ikanoyong na manta no mapasyasi jya tao so kakzeben da no nakem.

Loma 10:12 Σταυροειδείς Αναφορές

Nimlivolivon 7:59

Abhebhesan da si Setiven am meynozi. Maniring am, “Mo Yeso, Panirsirngen ko, ahapen mo o pahad ko an,”

Nimlivolivon 9:14

Iya rana am nipya da no panipanirsirngen no mapatanatanang so nakem da si Ama ta do to a mangay a omrakep so omraralay nimo a tao.”

Loma 14:9

Ta si Yeso Kizisto rana am nimawakwak a keypirwa na rana mavyay. O ikakman na sang am peypanirsirngan da no mavyay a tao a kano nimawakwak a tao.

Loma 15:12

Maniring pa si Isayya am, “Meytotwaw o sivovoong na no meyngaran so Yesi. Iya o meymatmatngeh no beken a tao do Yotay. Am ori o peyhanhanan da nya no beken a tao do Yotay.”

Loma 2:4

Manngwa, mo jyatenngi o pangangarilawan na ni Ama ta do to a yameypalanginan nimo a yamamlis? Am yamo kato nazibwan no rako a pangangasyan na yamvonas so raraten mo, do yana kakzeb jimo a yamamlis so onowned.

Loma 3:22

Si ipeyhanhan ta si Yeso Kizisto am abneken na rana yaten ni Ama ta do to a abo so raraten do tangain na. So ipeyyangangay na no nang a itoro na do meyhanhan nya tao.

1 Kedinto 15:47

O ney manma na tao a si Adam am nyamaog na ni Ama ta do to no tana. O manowji a Adam am si Kizisto. Iya rana am nimapo do teyngato.

2 Kedinto 8:9

Nyo na katenngan o pangangasyan ni Yeso Kizisto a Panirsirngen ta. Iya rana am abwata o kakzeben na an. Ta iya rana am tey meynakem do teyngato. Am na kapanadnad jyaten. So na ikakmey makasi a tao. Na apyapyahen pa o na katoda katawwan a yamapazanod jyaten do azwazway na do teyngato.

Cyalatay 3:28

Am ori o ikabo rana no matarek do amraralay ni Yeso Kizisto a tao. Ta meyyangangay sira do tangain na. Tana tao do Yotay a tana beken a tao do Yotay, tana lamlamsoy a kano beken a lamlamsoy, tana mahakay a tana mavakes am kamo mamimin a akmey asa rana a yamacikaop ji Yeso Kizisto.

Ivoso 1:7

Si Kizisto yanimawakwak nyaten. Am ori o yana nikavonas no raraten ta. Tey rako o pangangarilawan na ni Ama ta do to a yana nitoro jyaten.

Ivoso 2:4

Am tana akman ta sang a meyraraten a tao no kakwa am yatey rako o na karilawan nyaten ni Ama ta do to, do kanimanta na nyaten so to meyyonong a ikavyay no pahad ta a macikaop rana ji Kizisto. So ta ikanoyong a yana nipatazadang no pangangarilawan na.

Ivoso 2:7

O ikakman na sang ni Ama ta do to am ipacita na do kaidan no karawan o mapeyzokab a pangangarilawan na kano pangangasyan na jyaten a yamacikaop ji Yeso Kizisto.

Ivoso 3:16

Ko ipeynozi ji Ama ta do to o kowyat na jinyo no Seyzi a meypakdeng so nakem ji Ama ta do to. Ta iya rana am yatey mowyat a yatey mazway a Tao do to.

Ivoso 3:6

O ji da nipatwaw a nanao na am na rana pazanoden o beken a tao do Yotay do meyngongyod a tao do Yotay a makahap so aryarilaw na jyaten ni Ama ta do to, do kanimakamizing nyo rana so Mapasaray a Ciriciring na ni Kizisto. So nyo rana icyakmey yasa so nakem a kano tao do Yotay a meyhanhan ni Yeso Kizisto a makahap so to meyyonong a ikavyay no pahad nyo.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

Veydipi 2:11

a manci ni Yeso Kizisto a Panirsirngen. So ikanoyong no azwazway a mangay ji Ama ta do to.

Veydipi 4:19

Si Ama ta do to o tomoro no makakaday a apyahen nyo no nakem, ta kamo na macikaop ji Yeso Kizisto. Ta ji nyo a giji o kangangay na ni Ama ta do to a itoro na jinyo.

Kelosi 1:27

O nakenakem na ni Ama ta do to am ikakza na o kapakateneng da no tao do karawan so mapeyzokab a nanao na. Ori rana am si Yeso Kizisto a yarana macikaop jyaten. So yata ikanoyong a macizanod do azwazway na ni Ama ta do to no makwa.

Kelosi 3:11

No manoyong kakman ta sang am abo rana peytartarkan ta do tangain na ni Ama ta do to. Tana tao do Yotay a kano beken a tao do Yotay a tana jyapsek a kano mapsek a tao a tana peylamsoin da kano ji da peylamsoya a pacyangayan ta am ta meyyangangay a yarana vayo so onowned ji Kizisto. So ika iya no azwazwain ta.

1 Timotay 2:5

O manoyong rana a nanao am asa si Ama ta do to. Asa o yamapanop jyaten ji Ama ta do to. Iya rana am si Yeso Kizisto do mina katazak na tao do teyrahem.

Ipaziman 17:14

Sira rana am arapen da o Kagling am haragen na sira no Kagling a kano nipamnekan na tao a omanop jya. Ta iya rana am kabtekan a Panirsirngen.”

Ipaziman 19:16

O vatvatek a domket do ayob na kado appa na am, “Kabtekan a Panirsirngen.”