2 Pite 1:20 - Seysyo No Tao

²⁰ O ney makdeng na am ji nyo to ngonongonongi a pehtawen o ciring no panoyonoywan na so ciring ni Ama ta do to do Seysyo.

2 Pite 1:20 Σταυροειδείς Αναφορές

2 Pite 3:3

O ney makdeng na am manakem nyo o keyyan no to mangozangozay do onowned da tao a meykeykaming ninyo do pangavosan no karawan.

Loma 12:6

Na ikarilaw yaten ni Ama ta do to a nimanta nyaten so meykataretarek a teneteneng ta. Am ori o pangozayan ta do teneteneng ta a nitoro na jyaten ni Ama ta do to a somidong so akma tey kakteh do cinai. No teneteneng a mangononong so ciriciring na o nitoro na jyaten am pangozayan ta o nakenakem ta si Ama ta do to a mangononong so ciriciring na.

Yake 1:3

Ta no myan so alalaw nyo a kaji nyo rana ablisan so onowned ji Ama ta do to am ji nyo na nyaheyan o meyteytotoro a alalaw nyo. Ta mapeyneynara nyo na.

1 Timotay 1:9

Am ori o naknakman ta sya an. Ta o iwawalam rana ni Moyse am beken a isidong so apya so nakenakem a tao an. Ta o marahet so nakenakem am ori o cinamaog na a izazat do marahet a vazay da. O ipanci da marahet so nakenakem a tao a kano ji mangozay do iwawalam na ni Moyse am ji ngahap so nanao, ji raralay ni Ama ta do to, meyraraten, komolala so ipeylimwang da ciriciring na ni Ama ta do to, makza no marahet a icicirawat no tao do karawan, manwakwak so inyapwan a kano icyatatao,

Loma 13:11

Peyvazain nyo o akman sang. Ta nyo katenngan o kakeykai na rana ni Yeso a mai a mahap jyaten. So ji nyo to ngitkehi. Ta meytataziman kamo.

Loma 6:6

Tamo na katenngan o adan ta onowned a yarana akmey nimacizanod ji Kizisto a nipadket do jyojika. So ikanoyong ta na a nikomaro rana do raraten ta. So ikabo na rana no oyowyat no raraten a tomalamozong nyaten.

2 Timotay 3:16

O Seysyo rana am mamimin a apo ji Ama ta do to. So ikanoyong na tey mowyat a inanao na so omanoyong jya tao, a iblis na so onowned no malas a tao, a ipaziman na so meyraraten a tao, a inanao na so tao a mangozay do apiya vazay na ni Ama ta do to.