1 Pite 4:4 - Seysyo No Tao

⁴ So yada na savasavakan ninyo no yaji manaralay a tao, do yanyo na kaji macikaopan jira a somagpyan so vazay. Am ori o da kazyakan ninyo.

1 Pite 4:4 Σταυροειδείς Αναφορές

1 Pite 3:16

Am panalawbowen nyo o nakem nyo a tomovis do akman sang a tao. Ji kamo meylimoteng so onowned a kanig da no mapanyanig jinyo, do kapiya no icicirawat nyo a omahap so nanao ni Kizisto.

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

Nimlivolivon 18:6

Am ji da ngamiznga, ta o karaherahet da sya. Am ori o nitoktokan na ni Pawlo do talili na so ibeybek. Maniring pa jira am, “Si amyan so oyaoyyan na ninyo ni Ama ta do to no makwa am beken a yaken o raraten an, ta monganay jinyo an. To ko na papwa sicyaraw eya o kangay ko na a mangnanao so beken a tao do Yotay.”

Yota 1:10

Am sira rana a malas so ipangnanao a tao ori am da to rehrehta o yada jyatenngi a vazay. So da icyakmey omalalam a ji makateneng do apya kano marahet. Ori rana o ipakasapa da so peyoyaoyyan na ni Ama ta do to.

Nimlivolivon 13:45

Am macita da no tao do Yotay o karo da no meylovolovot a tao am ikeynanahet da sira. Am ori o rehrehtan da si Pawlo a kano ciriciring na.

2 Pite 2:22

Manoyong o ciring da no tao no kakwa. Ta maniring sira am, “O niota da no ino am mangay da olin a kanen.” Akman sang o kois, ta no teyka rana sira aryosen am meyoli pa sira marios do kahethetkan.

2 Pite 2:12

Am o malas so ipangnanao a tao am sya akmey omalalam a yaji makateneng do kasnekan da a yamapananala so omwakwak sira a tao. Da ikazyak o yada jyatenngi a vazay. So ikanoyong na mangay jira no peyoyaoyyan na ni Ama ta do to,

Loma 13:13

To ta peynara o icicirawat do maraw. Ji ta to ngyop so saki. Ji pasagpyana o aktokto. Ji maciskaskad. Ji manginanahet.

Locya 15:13

Makanateng so araraw am nimimin na no ananak o vonong na nipamalit na so nizpi. Mahap na o nizpi am karwan na rana o vahay da kangay na matarek do asa ka ili. Meyratateng am to nazestes do araraw o peyvwakan na so nizpi na do peyyowyawan na.

Ivoso 5:18

Ji ta todasaki, ta makararahet so tao o akman sang. Apyapya pa o kakza ta no Seyzi a tomalamozong nyaten.

Matay 23:25

“Inyo rana yatanwasiwasi a yamangnanao no iwawalam ni Ama ta do to a kano tao a macyagom do Vadisay am to kamo makasi. Inyo rana am nyo ji peylolita o kakanan nyo. Am onowned nyo am yamapno no yamakakaday a nyo peyraratenan.