1 Pite 1:3 - Seysyo No Tao

³ Isaray takamo si Ama ta do to a Ama na ni Yeso Kizisto a Panirsirngen ta. Ta yatey rako o pangangasyan na a yanimanta nyaten so vayo a onowned ta, do yana kanimapeyvangon si Yeso Kizisto do heseb na. So anoyngan ta do akman sang a oyowyat ni Ama ta do to a mapeyvangon jyaten no makwa.

1 Pite 1:3 Σταυροειδείς Αναφορές

Yowani 1:13

Am beken a meyngongyod sira ori a nimapodpod so kataotao ji Ama ta do to, ta omaing do kanoyong da ji Ama ta do to. Am ori o abnekan na sira akma ney anak.

Loma 12:12

Masaray kamo a omnanala so na itoro jinyo ni Ama ta do to. Tana amyan so alalaw nyo am ji kamo ahayo a meynozi ji Ama ta do to.

Loma 15:13

Inaoy no si itoro na jinyo o sarasaray na ni Ama ta do to. So ikanoyong nyo rana masaray so onowned a meyhanhan nya, do na kasidong jinyo no Seyzi.

Loma 4:25

Nimawakwak si Yeso no raraten ta a kapirwa na rana mavyay. So ikanoyong ta na ipanci ni Ama ta do to abo so raraten do tangain na.

Loma 5:10

No kakwa am abo o kasngesngenan ta ji Ama ta do to. Am mina kawakwak na nyaten no Anak na. Am ori o ta na ipacikaop ji Ama ta do to. No manoyong o akman sang am jyabo kaji na ngahapan jyaten a. Ta si Yeso Kizisto rana am yamyan do teyngato a yasomidong jyaten.

Loma 8:11

No si myan jinyo o Seyzi na ni Ama ta do to a niomvyay si Yeso Kizisto am akman kamo sang a ipirwa na avyain ni Ama ta do to, do kowyat na jinyo no Seyzi na ni Ama ta do to.

Loma 8:24

O na patazadangan jyaten ni Ama ta do to am ta toda ji ngamoga a yamahap o yana itoro ni Ama ta do to. Am no to na cita o akman sang am ji mancyan ori a yatoda ji ngamoga a mahap a itoro na ni Ama ta do to.

1 Kedinto 13:13

Am o panganoyngan ta kano sarasaray ta no makwa kano pangangarilawan am to meyyonong. Am ney makdeng na pa am pangangarilawan do yameykatlo ang.

1 Kedinto 15:20

Am yajyakman sang an. Ta yamanoyong si Kizisto a yanimirwa a mavyay. Ori rana am yongkad no kanoyong da mirwa a mavyay no yarana nimawakwak a yamraralay nya a tao.

2 Kedinto 1:3

Isaray tamo ji Ama na ni Yeso Kizisto a Panirsirngen ta. Ta iya rana am yamanoyong a yamarilaw nyaten a yana yapwan no makakaday a mapasaray so tao.

Cyalatay 6:16

Inaoy no si ikarilaw na sira ni Ama ta do to o yamangozay do ciriciring ko, pacyangayan da no tao do Yotay a kano beken a tao do Yotay, kapanta na nira so ikapiya no onowned da.

Ivoso 1:17

Ko mapasyasi ji Ama ta do to a tey mazway a Tao do to a Ama na ni Yeso Kizisto a Panirsirngen ta a manta ninyo so teneng a kapakateneng nyo rana ji Ama ta do to.

Ivoso 1:3

Isaray ta ji Ama ta do to a Ama na ni Yeso Kizisto a Panirsirngen ta. Ta yatamo na macibedbed ji Kizisto. So yana rana nitorwan so makakaday a aglaglaw na jyaten a na ipasaray jyaten.

Ivoso 1:7

Si Kizisto yanimawakwak nyaten. Am ori o yana nikavonas no raraten ta. Tey rako o pangangarilawan na ni Ama ta do to a yana nitoro jyaten.

Ivoso 2:4

Am tana akman ta sang a meyraraten a tao no kakwa am yatey rako o na karilawan nyaten ni Ama ta do to, do kanimanta na nyaten so to meyyonong a ikavyay no pahad ta a macikaop rana ji Kizisto. So ta ikanoyong a yana nipatazadang no pangangarilawan na.

Ivoso 3:20

Oyowyat na ni Ama ta do to am ori o yameyvazay do onowned ta a omoyat jyaten a meyhanhan nya. Ori o yata ipakahap so yamapeyzokab a ji tangtoktwan a vazay.

Kelosi 1:23

Am ori an, ji nyo na pasalai do nimamizing nyo pa no kakwa a Mapasaray a Ciriciring na ni Ama ta do to. Ta to kamo ngotokot so onowned a meyhanhan ni Ama ta do to a manta ninyo so to meyyonong a ikavyay no pahad nyo. So na rana nipeylimwangan no akman sang a nanao do karawan. So yako ikanoyong a lamlamsoy na ni Ama ta do to a meylimwang no ciriciring na.

Kelosi 1:27

O nakenakem na ni Ama ta do to am ikakza na o kapakateneng da no tao do karawan so mapeyzokab a nanao na. Ori rana am si Yeso Kizisto a yarana macikaop jyaten. So yata ikanoyong a macizanod do azwazway na ni Ama ta do to no makwa.

1 Tesalonicya 1:3

No namen meynozi am namen isaray ji Ama ta do to o apiya vazay nyo a yongkad no nyo kapeyhanhan ni Yeso Kizisto a Panirsirngen ta, kano nyo kazikna yamangarilaw so tao, do nyo raralayan ni Ama ta do to a yatongbo so alalaw nyo a yaomapanala si Yeso Kizisto a Panirsirngen ta a yameygegcin.

1 Tesalonicya 4:13

Manga kakteh, o nimawakwak rana tao am inaoy no si katenngan nyo o peypeypangayan na a kaji nyo na zababan so onowned. Ji nyo nginarai o yaji manaralay a tao a yaji makateneng do peypeypangayan na.

2 Tesalonicya 2:16

Na ikarilaw yaten ni Ama ta do to a kani Yeso Kizisto a Panirsirngen ta. O pangangarilawan na ni Ama ta do to am ori o yapwan no to meyyonong a sarasaray no onowned ta amnanala so nakem na jyaten.

1 Timotay 1:14

O Panirsirngen ta rana si Yeso Kizisto am yatey rako o pangangarilawan na a na nitoro jyaken a na kapanta pa nyaken so onowned ko a meyhanhan nya kano pangangarilawan ko so icyatatao ko, ta yako macikaop rana jya.

Tito 2:13

So ikanoyong ta mapananala so ipeygegcin na no Tao do to ta si Yeso Kizisto a kapacizanod ta somaray do azwazway na. Ta iya o mapatazadang jyaten do teyngato.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

Yake 1:18

Na to mangozai o nakem na a manci nyaten akma ney anak. Ta yaten rana am ipeyhanhan ta o manoyong a nanao na. Am ori o yata iyan do ney manokdwan na do makakaday a nyamamaog na.

1 Pite 1:13

Am ori o ipeytataziman nyo a mahap so vazay na ni Ama ta do to a meyhanhan nya a manta ninyo so aryarilaw na no mai rana si Yeso Kizisto.

1 Pite 1:21

Iya o yanyo ipakateneng rana ji Ama ta do to a nimapeyvangon sya do heseb na a nimanta nya so azwazway na. Am ori o nyo rana to ngotokoci so nakem ji Ama ta do to a omanoyong do akman sang a oyowyat na a mapeyvangon jinyo no makwa.

1 Pite 1:23

Ta inyo rana am yamyan rana jinyo so to meyyonong a Ciriciring ni Ama ta do to a ikavyay no pahad nyo.

1 Pite 2:2

Akman kamo so nimatazak a kanakan a komakday so meyzoko a akmey kanen no pahad nyo. So yopan nyo so sang a ipeypahagnat nyo a macikaop ji Ama ta do to.

1 Pite 3:15

Ji kamo a haha so nakem ji Kizisto. Iraralay nyo a panadnaden o Panirsirngen nyo. Mangday kamo do araraw a omnakenakem so itovis nyo do mapacici jinyo, do raralayan nyo ni Ama ta do to a mapatazadang jinyo do teyngato.

1 Pite 3:21

O henep rana am kehngehngay na no ranom a da itaktak jyaten do kyokay. Am sicyaikwa rana ya am nyo rana ipeyhanhan si Yeso Kizisto a nimirwa a mavyay a mapatazadang jinyo do teyngato. So ji na monganai do kanownaw no kataotao nyo. Ta monganay jyaten a manci nya ji Ama ta do to so kanoyong ta na mahap so vazay na.

1 Pite 3:5

Ta sira rana meyhanhan ni Ama ta do to a mavakes no kakwa am akman sang o ahahapan da so kataotao da a omonot do kahanghangan da.

1 Yowani 2:29

Katenngan nyo o kabo no kararatan ni Kizisto. O tao rana abo so karatan a mangozay do nanao ni Ama ta do to am manoyong a anak ni Ama ta do to.

1 Yowani 3:3

O tao rana mapananala so araraw no yai ni Kizisto am ji meyraraten. Ta inarahen na si Kizisto a ji meylimoteng so onowned.

1 Yowani 3:9

O anak na rana ni Ama ta do to am ji da rana ngakdaya o kapeyraraten da. Ta macikaop jira si Ama ta do to. Am ori o ji da rana meyrarateni, ta Ama da rana si Ama ta do to.

1 Yowani 4:7

Masicyakarilaw tamo manga ovay an. Ta yapo o pangangarilawan ji Ama ta do to. O mangarilaw a tao am manoyong a anak ni Ama ta do to, do kapakateneng da ji Ama ta do to.

1 Yowani 5:1

O tao rana omanoyong ji Yeso Kizisto a Misayya am manoyong o akman sang a anak na ni Ama ta do to. O tao a omraralay ni Ama ta do to am akman sang a marilaw no akma ney kakteh do cinai, ta meyyangangay sira anak na ni Ama ta do to.

1 Yowani 5:18

Yaten rana anak ni Ama ta do to am ji ta rana ngakdaya o kapeyraraten ta. Ta apzatan ni Yeso Kizisto o onowned ta. So ji na rana makagogaji nyaten ni Satan.

1 Yowani 5:4

Mamimin o anak ni Ama ta do to o makaharag so marahet a vazay do karawan. O ipakaharag da so marahet a vazay am voovoo da o kapeyhanhan da ni Yeso Kizisto.