1 Kedinto 2:3 - Seysyo No Tao

³ Am ori an, makaranes ko jinyo do dang am malma ko so kataotao amzikzik do kanyahey ko. Ta ihawa ko kaji ko makatenngan do vazay na ni Ama ta do to.

1 Kedinto 2:3 Σταυροειδείς Αναφορές

Nimlivolivon 17:1

Meyhatay si Pawlo a kani Sila do peycyeylilyan na do Anveypodi a kado Apoloniya am makaranes rana sira do Tesalonicya. Amyan dang so peyneynozyan da no tao do Yotay.

Nimlivolivon 18:1

Karwan na ni Pawlo do Yatyan am mangay rana do Kedinto.

Nimlivolivon 18:12

No kapeypanirsirngen da si Cyadien do Akayya a pongso am meylovolovot sira o tao do Yotay amwoya ni Pawlo. Karahan am lolwen da a yangay do pacicicyan.

Nimlivolivon 18:6

Am ji da ngamiznga, ta o karaherahet da sya. Am ori o nitoktokan na ni Pawlo do talili na so ibeybek. Maniring pa jira am, “Si amyan so oyaoyyan na ninyo ni Ama ta do to no makwa am beken a yaken o raraten an, ta monganay jinyo an. To ko na papwa sicyaraw eya o kangay ko na a mangnanao so beken a tao do Yotay.”

2 Kedinto 10:1

Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.

2 Kedinto 10:10

Yamyan so tao a yamapeyciring so, “No yameyvatvatek si Pawlo am tana yamangdet pa, yajyowyat am. Am no yana to macimata eya am malma, yabo so oyowyat a yamarahet so ipanirisiring.”

2 Kedinto 13:4

Tana yakmey yabo oyowyat na ni Kizisto do yada kanimapadket sya do jyojika am oyowyat na ni Ama ta do to o yanimapeyvangon sya. So namen ikakman sang akmey abo so oyowyat a yamacikaop ji Kizisto. Am no namen ioya inyo am oyowyat na ni Ama ta do to o namen pangozayan an.

2 Kedinto 13:9

Tana da ipanci yamen a abo so oyowyat a omwoya ninyo a kakdeng no nakenakem nyo ji Ama ta do to am isaray namen o akman sang. O namen kakzeben am kapeypahagnat nyo so nakenakem ji Ama ta do to.

2 Kedinto 4:1

Yamanoyong si Ama ta do to a yamarilaw nyamen do na kapahanhan jyamen do vazay na. Ori o namen rana jyaraci nya so onowned.

2 Kedinto 4:16

Am ori an, namen jyaraci nya so onowned. Tana ji namen a ngahay a yameypararakeh am yamangday do araraw o onowned namen a yameypahagnat.

2 Kedinto 6:4

Yamen rana do yamakakaday a vazay am yanamen akmey tongbowa o yameykamadadayan a alalaw, do namen kanoyong a lamlamsoy ni Ama ta do to.

2 Kedinto 7:15

Am no na manakem inyo a aro a tao a yaomanoyong ji Ama ta do to am yakmey to ngyan jinyo o onowned na, do nyo kapeyveyveken sya.

2 Kedinto 7:5

Ta makaranes namen do Maciton am ji namen nimeywalam. Ta ji namen angned so ninyakan, do katey yaro no alalaw namen do peycyeylilyan na do kazyakan da nyamen a kapaciyoman na pa no kasinalaw namen ninyo a mablis so nakenakem ji Ama ta do to.

Ivoso 6:5

Inyo rana lamlamsoy da am onotan nyo sira o lawpan nyo. Ikanig nyo sira. To nyo peynara o nakenakem nyo si Kizisto a mahap so vazay da no lawpan nyo.