Nevu Jisasolluro a'mwo abolo nemi nellugwai'yago nello'mwovobusuko nekullumo'nodupudo tobuuraino kalo buuropino nekullunodowodonogano. Nemoro kalo buuropino nekullunyo'moneyokwe pasudo su tovi yainyunowa'ji aro kuudo neya yau'mwalanonogano. Oo nevu bolnodo tovi akuuto tomuuda'ai me'no kuugollu'movowonogano. Me'no wuugollu'mo'mno sumawoneyokwe aiyo yiunokuudo mujomwekovlaiyo'moneyokwe tovino'gwowi akuuto tomuu me'no kuulomwalodowadonoldeyo. Kuudo neya yau'mwalanonogano. Toro kuvi kuruv a'mwo pwol kalo buuropino winyo'moneyokwe pasudo su tokwe mamolludowo'ji toolno'gwowi bolnodo tovi akuuto tomuu kuuno kuulomwalodowodekono.
Room 16:8 - Gooti Toolluro Yogalokwono8 Aki moro ibwoto'nyo Ampliyatosol nemi Aguto toolluro kuunodo me'no wimo'nodowodo su toollomno moro, “Ilaiyokwonoo,” tov kuuwopiyamono. Δείτε το κεφάλαιο |
Room 16:8
6 Σταυροειδείς Αναφορές
Toro tovino tov mi avalobuuravoo, kevu Aguto toollu me'no uuguro'mwonyodupudo togaikul jurogudo neya dodavogaulo. Toro togaikulluno kalo buuropino nyunodowodo toonyu kevuge mwallo'mo ilaiyo nyunodowodonyugono. Aki kevu moro mubiyo sugudo to'busuko nonyumo'nodupudogaikikono. Mubiyo sugudo su tov a'mwo aguto kig pwolluro miguto to'busukokwono. Toro togaikulluno ilaiyo yodumdonyugono.
Aki a'mwo kwolabolo su teyaulluro ago tovida'ai Jisasolluro mollu'bwoto i'bwo'nodupudo su tonyuno nuu, “Ilaiyokwonoo,” adopiyamono. Aki moro ibwoto'nyo kuunodo Epainetosollu, “Ilaiyokwonoo,” adopiyamono. Kwako Esiya tomuuda'ai ton Krais toolluno kuudo yere muubweyodopure toga a'mwo su tool kwolda'ai kuubweyokaikono.
Aki kevu yiuno a'mwo kemi tellugwai'yagoruvobusuko ikullumo'nodupudo tekwojaino to'no ilaiyo amollupi tov a'mwo abolo yasuwa'nodo tonyuro pasudo tovi muuwolopinogaikikono. Su tov aro tovinokwono. A'mwo Juu miyawosunodupudo kworo kuruv kemi kuugwai'yago wimo'nodupudo tekwojai ilaiyo mollodupudorogano. Kemoro pasudo to'gwowi a'mwo su tooravuro pasudo tonyu neya duuwolovogaulo.
Aki moro iko avalo tovasuda'ai Adroonikoseke Juuniyaseke tooral nuuge wuulo killo'mo ago tovi aule'nallajuuwolorakono. A'mwo su tooral yovo ilaiyo kurukweyorakono. Toro tooral nuu Krais toolluno kuudo yere muubweyodore toga kworalda'ai me'no kuubweyajulorakono. Aki toro tooralluno Jisasolluro kuurotokwe tooro kuudo me'no youroma'dupudorakono. Toro toorallomno moro, “Ilaiyokwonoo,” tov kuuwopiyamono.
Διαφημίσεις